حكاايه داليدا(جنون الاذاعه) ...بقلمي/هاجر هشام

البارت 6

في اكبر قاعه في القاهره
كان في الكوشه اسلام و رحمه كانوا اجمل عروسين لكن رغم جمالهم لكن كان الحزن باين ع رحمه وهي باصه ع داليدا ومعتز وهما بيهزروا ويضحكوا وشايفه الحب في عينيهم وهي نفسها في الحب دا نفسها تتحب وتحب وهي زي اي بنت كانت بتحلم باليوم دا وهي قاعده جنب حبيبها في الكوشه لكن يوم ما جيه اليوم قاعده جنب واحد متعرفهوش ولا حبيته يمكن معجبه بيه. يمكن مرتحاله لكن محبتهوش وكان الف سؤال بيدور جواها وهي عايزه تعرف اي سبب اصرار باباها ع الجوازه دي

اسلام بصلها وشافها وهي سرحانه وبص ع المكان الي بتبصله وشافها وهي باصه ل داليدا ومعتز لكن مفهمش هي بصالهم ليه لكن هو بردوا شاف الحب في عيونهم وفرحتهم ببعض وفهم انها زي اي بنت نفسها تحب وتتحب
اشتغلت
اسلام مسك ايديها وبهدوء : قومي عشان نرقص
رحمه شدت ايديها:لا شكرا مش عايزه ارقص
اسلام بصلها وهو بيجز ع اسنانه ومسك ايديها وهو بيضغط عليها :هو انا بعزمك ع العشاء اخلصي قومي
رحمه بغضب : قولت مش عايزه اقوم هو بالعافيه
داليدا من بعيد شافت ملامح رحمه باين عليها الغضب لكن محدش سامع حاجه عشان صوت الميوزك عالي
اسلام اتعصب وشدها من ايديها ل ساحه الرقص وقربها لحضنه ولف ايديه حوالين خصرها ومدهاش فرصه تبعد وقرب من ودنها بهمس وهما بيرقصوا  :صوتك هيعلي تاني هقتلك فاهمه
رحمه بهمس:لا مش فاهمه واعلي ما في خيلك اركبوا
اسلام ضغط ع خصرها بقوه :ماشي ي رحمه خلاص هانت كلها كام ساعه وهربيكي ع قله ادبك ولسانك الطويل دا
كل الموجودين باصينلهم باعجاب وهما بيرقصوا مع بعض كانوا اجمل كابلز  ومخدوش بالهم من الشد والجذب بينهم
نخبي ليه فى اسرارنا وانا وانت مفيش غيرناااا
ولو ننسى مشاعرنا نكلم مين يفكرناااا
داليدا حست ان كلمات الاغنيه بتفكرها بسرها الي مغبياه عن معتز وهي معاه نسيت فعلا وبتنسي الدنيا وهي معاه بتكون عايزه تستمتع بكل لحظه معاه وفي وجوده جنبها وهي مش متخيله انها ممكن تعيش من غيره او من غير حبه وخايفه تحكيله وتقوله يسيبها ويبعد وفي نفس الوقت مش قادره تبني حياتها معاه ع كدبه وهي كدا بتهدم مش بتبني
بصت ع معتز بحزن وهو بصلها وابتسم وهي ابتسمت لكن ابتسامه خفيفه وراها زعل وضيق ابتسامه مجامله عشان ميحس ب حاجه
يا روح الروح بتنساااني و انا فاكر ومش ناسي. تغيب عن عينى من تانى ومن غير حب اعيش ازاااااي
رحمه كلمات الاغنيه اثرت فيها وفي مشاعرها وهي نفسها تعيش المشاعر دي ونفسها يكون الكلام حقيقي ويكون ليها لكن حاسه بدقات قلبها بتنبض بقوه بسبب قربها ل اسلام وهي اول مره تكون قريبه لحد لدرجه دي حتي لمسه ايديه ع خصرها خلاها تحس برعشه في جسمها من لمسته وهمسه في ودنها وصوت انفاسه القريبه منها وهي رغم انها بتحاول تبعد لكن حاجه جواها رافضه البعد دا وعايزه تقرب اكتر وهي حاسه باحساس غريب لكن احساس حلو ومبسوطه بيه وشايفه ابتسامه اسلام رغم انها ابتسامه مجامله عشان محدش ياخد باله لكن كانت حلوه كانت اول مره تشوف ابتسامته
ومهما تغييييب بعيش وياك و اشوفك ورده في الشباك. و انسى فيك احزانى ودمعة حب فى عينيا بتستناك يا احلى ملاك قالولى الحب له علاماااات فى نبض القلب والهمساااات وروح تطير تنادى عليك ورعشة ايدى فى السلاماااات
رحمه سمعت كلمات الاغنيه وهي مش مصدقه معقوله يكون الحب كدا فعلا نفس احساسها هو دا الاحساس الي مش عارفه تفسيره وكأن الاغنيه بتفسرلها احساسها وبترد عليها
رحمه بينها وبين نفسها :لا مش معقوله دا مجرد دقات قلب عادي عشان اول مره اكون قريبه من واحد بالشكل دا