في صباح يوم جديد
دخلت هدي اوضه رحمه تصحيها لكن اتفاجئت ب هنا نايمه جنبها وهي متعرفهاش قربت من رحمه وهزتها بهدوء
رحمه فتحت عينيها وبصت ل هدي وبصوت نعسان:ايوا ي ماما
هدي :تعالي عايزاكي برا
رحمه بنعاس:طيب شويه
هدي :لا دلوقتي يلا اخلصي
رحمه بانزعاج:حاضر ي ماما
خرجت هدي وقامت رحمه دخلت الحمام غسلت وشها وخرجت ل مامتها
رحمه :ايوا ي ماما حضرتك عايزاني في اي
هدي :مين دي الي نايمه جنبك في الاوضه
رحمه ارتبكت ومكنتش عارفه ترد
احمد دخل في اللحظه دي :دي هنا مراتي
هدي بصدمه:مراتك
احمد قرب منها :قصدي الي هتبقا مراتي
هدي :انا مش فاهمه حاجه وكمان انت كنت بايت فين من امبارح
احمد :كنت بايت عند واحد صاحبي
هدي:ومين دي هتبقي مراتك ازاي يعني
احمد :عادي ي امي دي بنت مريضه عندي حبيتها وهتجوزها وجبتها هنا ليه عشان حصل ظروف معاها ومكنش ينفع تبات لوحدها
هدي :وابوك عارف الموضوع دا
احمد :لا لسه بس هقولوا
هدي:وناوي تتجوزها امتي
احمد :انهارده
هدي بدهشه:انهارده نعم دا الي هو ازاي
بصتله بشك اي سبب سرعتك
احمد :قولتلك ي امي بحبها وهتجوزها
هدي بعدم ارتياح:لا الموضوع ميدخلش عقل عيل صغير مش معني انك حبتها انك تطلب تتجوزها بالسرعه دي انت اي الي حصل بينك وبينها
احمد بدهشه:معقوله ي امي بتشكي فياا.
انتي تعرفي اني ممكن اعمل الي في دماغ حضرتك دا
هدي :طب امال اي سبب سرعتك
ماانت فهمني بدل مانا دماغي عماله تروح وتيجي
احمد اتنهد:حاضر ي امي هفهمك بس ممكن في وجود بابا عشان هو كمان يكون عارف
هدي:ماشي لما نشوف اخرتها انت واختك الي مش عارفه بقيتوا بتتصرفوا من دماغكوا
رحمه:الله طب وانا عملت اي دلوقتي هو انا الي هتجوز
هدي بصتلها بغيظ:هو انتي نافعه في الجوازه دي اصلا وشكلك كدا هتطيريه من ايدك
رحمه بزهق:يووه انا زهقت بقاا بجد خلاص ي ستي همشي انهارده عشان ترتاحي مني
احمد بحده:كلمي امك عدل ي رحمه متنسيش نفسك
رحمه بحزن:انا اسفه ي ماما. مقصدش
وانا هنفذ كلام حضرتك وهروح الشغل وهروح مع اسلام
عند ظافر في المكتب دخلت سهي وهي بتدلع في مشيتها وبحركات اغراء كعادتها وقربت من ظافر وقعدت ع طرف الكرسي وهي بتلعب في شعره
سهي بدلع:وحشتني
ظافر :احنا قولنا بلاش الحركات دي هنا انتي عارفه مراتي ممكن تطب في اي وقت
سهي بتمثيل الزعل :اه قول كدا بقا انت خايف منها
ظافر بحده:انتي عارفه اني مش بخاف من حد فا بلاش تدخليلي من السكه دي
سهي :امال خايف ليه تدخل وتشوفنا. هو انا مش مراتك زي زيها
ظافر :مراتي طبعا بس في السر وانا قولتلك بمجرد اما انقل كل املاكها هطلقها ونعلن جوازنا
سهي :امممممم طب انا عايزه طلب صغنن منك
ظافر ابتسم:اؤمري طبعا ي حبيبتي
سهي برقه:عايزاك تأمنلي مستقبلي
ظافر باستغراب:ازاي يعني
سهي :يعني تكتبلي نص املاكك
ظافر بغضب :نعم ي اختي
سهي بدلع:ايوا ي حبيبي مش انا هبقي شريكه حياتك وكل دا هيبقي ملكنا احنا الاتنين
ظافر :بس احنا متفقناش ع كدا
سهي بعدت عنه وهي بتمثل الزعل:يبقي انت بقاا مش بتحبني. بقاا مستخسر فياا كام مليون
ظافر اتنهد وقام وقف وقرب منها :ايوا ي حبيبتي دول ملايين مش مليون ولا اتنين
سهي لفت بدلع:ي حبيبي ما هو دا هيبقي لينا احنا الاتنين وانت الي هتدير كل دا
ظافر فكر شويه وبصلها :ماشي خلاص الي انتي عايزاه ي حبيبتي
سهي ابتسمت بانتصاروباسته ع خده:بحبك اووي
ظافر ابتسم بحب:وانا كمان بحبك
سهي غمزته بدلع:طب انا هستناك بقاا في شقتنا متتاخرش عليا
ظافر :ماشي مش هتاخر
أنت تقرأ
حكاايه داليدا(جنون الاذاعه) ...بقلمي/هاجر هشام
Romanceحكايه ليها كذا معني وكذا شكل قصه بنت مجنونه وشقيه بتحب الحريه بتحب تكون زي الطيور ملهاش قفص تتحبس فيه
