"" الفصـل الثاني و العشـرون""
يـا هذا ! اتـرك ما تهـوى لأجـل مـن تخشى . . . . . . .
.............. .............. ..............
-جهـاد و هـي تمشي بجوار وسام:
ماخلاص بقى يا وسـام الله ، بقالـي ساعة بصالـح فيكـي يا أختـي
-صُحبة 24 سنة يا جهـاد و يجـي واحد يخليـكي تخبي عني
-يا بنتـي إنتِ ماشوفتيش فارس كان عامل إزاي و الله ، و بعديـن أنا كمان كنت عايزاكـي تتفاجيء ، حقيقـي فارس بيحبك جدًا يا وسام
-وسام بحزن :
منا عارفة يا جهاد و دا تاعبنـي ، متضايقـة إن حـد اتعلق بيـا و أنا مافيش فـ ايدي حاجة أعملهاله
-جهـاد بحيرة:
طب ما توفقي يا وسام ، إنتِ بتصلي استخارة؟
-وسام بتنهيـدة:
أيوا بصلي يا جهـاد ، و الصراحـة بقى مرتاحة ، مـش عارفة ليه و إزاي ، خايفة أرفض فيبقى حرام عليا لأن أنا بستخير و حاسة إن الموضوع ماشي و أمـي عمالة تقنع فيـا ليل و نهـار ، و خايفة أوافق أظلمة معايا ، أنـا جوايـا متشوه يا جهـاد ، مابعرفش أتكلم مع الرجالة بهدوء من غيـر خناق ، و سعات برمي دبـش فـ كلامي ، و فارس واحـد محتـرم جدًا و نضيف مـن جوه جدًا ، ميعرفـش حاجة عن العقد و القـرف دا ، خايفة أتخانـق مع أبويـا مرة ، فأرجع تانـي زي ما كنت و أقول لفارس كلمة توجعة ، أنـا بقيت محتارة جدًا .
-جهـاد بحنان و هـي تُمسك يد صديقتها :
يا وسـام إنتِ محملة نفسـك فوق طاقتها ، يا حبيبتي الموضوع أبسط مـن كدا ، إنتِ مـش عنيفة ولا أي حاجـة ، و الله إنتِ حنينة جدًا على فكرة ، بـس إنتِ اللي بتتعمدي تظهـري عنف و قسوة مـش فيكـي ، علشان تنتقمي من تصرفات شخـص ، فارس متعلق بيكي جدًا و عمره ماهيسيبك أبدًا ، أنا متأكدة إنه هايستحمل أي حاجة علشـان يبقى معاكـي ، إنتِ لازم تخوضي تجربة ناجحـة علشان تبقي كويسـة ، و فارس هـو الشخص المناسـب ، وافقي يا وسام و ادي نفسـك فرصة ، افضلي صلـي استخارة لحـد آخر الأسبوع و لما يتصل وافقي .
-وسـام بإستسلام :
حاضـر يا جهاد ، ربنـا ييسر الأمر
-جهـاد بمزاح :
و بعديـن يا بت ، حبـي الحـب حلو ، هييييييح
-وسام و هـي تضحك من طريقـة جهـاد :
لا الله يستـرك ماتتسهوكيش عليا ، خفي يا فتاة
-ياااااااه ، كلمة فتاة دي ماتقالتليش من زمان أوي يا وسام ، من أيام البت سارة
-سارة مين ؟
-سارة دي كانـت صاحبتي في الكليـة ، كانـت بتحب الورد أوي ، و أنـا كنـت دايمًا بحـب أقول عليهـا إنسانـة من ورد لأنهـا كدا فعلًا ، علـى طول تحسيهـا وردة مفتحـة كدا ، ليهـا طلة حلـوة و تأثير طاغي و بتأثر جدًا فـ المكان اللي بتبقـى موجوده فيـه ، أنا حقيقي كنت بحبها جدًا جدًا و لازلت طبعًا بعزهـا جدًا
أنت تقرأ
أحببتة مناضلا
Ficción Generalالحـب و الحـرب ، الفرق بينهما حرف و الحـرف قليل ، قد يُخلق من الحـرب أروع قصصٍ للحـب ، و قد تشتعل داخلك حربٌ من أجل الحب ، أما عن ذاك الحـب الذي يسري فـي دماء المناضل أثناء الحـرب فهـو قسمًا أعظم حـب قد نراه ، حبٌ يدفع إلى كل جميل ، حبٌ يجعل منـك شي...
