""الفصـل الثلاثــون ""
و مــن اليـوم سأُغلِــق أجفانـي على وجهـك الباسـم و أستيقـظ علـى صوتك الحـاني ، فمـن على وجه الأرض سعيـد كـسعادتي !
.......... .......... ...........
إنــه يوم الزفاف ، وسـام و هـي تقف أمام المرآه بجـوار جهـاد و تقـول بغيـظ:
يا بنتي إسمعي الكلام و حطي أي حاجة على وشك دا ، مـش كفاية مارضتيش تروحي كوافير
-جهـاد بمـرح:
أحط حاجة على وشي إيه يا بت إنتِ ، منا بقالي أسبوع بعمل ماسكات و زي الفل أهو ، عايزاني أحط أحمر و أسود و أغير شكلي و آخدلي ذنبين فـ يوم مفترج زي دا ، و كوافير إيه اللي عايزاني أروحه ، دا بيبقى فيه ستات و رجاله و حاجة آخر فسق ، أنا مش محتاجاهم أصلا ، الفستان و الحمد لله لبسته ، فاضل الطرحة و هاأعرف أظبطها بإذن الله ، بقالي خمس أيام بتدرب على لفها
-وسام بغيظ:
إنتِ عروسة إنتِ ، دا إنتِ هاتصدمي الناس
-جهاد بهدوء:
يا سمسمة إنتِ عارفة الفرح هايبقى عامل إزاي ، يعني وارد جدًا إن راجل يشوفني ، لكن لو كان بنات بس و متأكده إن مافيش رجاله ما أنا كنت خربتها و عملت وشي كراسة رسم و حطيت كل حاجة ، لكن لكل مقامٍ مقال ، ثم قالت بمزاح:
و وسعي كدا بقى علشان العصر بيأذن أهو ، أروح أصلي قبل ما نلف الطرحة
أنهت صلاتها و أتمت إرتداء الطرحة و الحذاء ، الساعة تقترب من االرابعة و النصف ، حضر نضال في الأسفل لأخذ العروس ، صعد إليها و طرق باب غرفتها ، أذنت له بالدخول و كانت تجلس على حافة الفراش وحيدة في الغرفة ، دخل نضال و أغلق الباب خلفه ، وقفت جهاد و تقدم هو جهتها ، ثم قبل جبينها و قال بإعجاب:
قمر كالعادة يا فتاتي ، مبارك يا جهاد
-جهاد بحب:
ربنا يباركلي فيك ، بس إيه الأناقة و الوسامة دي ، البدله دي جميلة أوي عليك و مظبوطه تمام
-نضال و هو يمسك ياقة قميصة و يقول بكرياء:
طول عمري كدا يا حبيبتي ، بس إنتِ اللي مابتاخديش بالك
-جهاد بإستفزاز :
أيوا صح بأمارة التيشرت الرصاصي اللي كنت بتجيلي بيه كل مره و مابتغيرهوش
-نضال بحنق:
مش دا كان طلب حضرتك يا هانم ، قعدتي تقولي أنا بحب اللون الرصاصي يا نضال و التيشرت دا حلو يا نضال و تعالى بيه كل مره يا نضال ، و دلوقتي بتتريقي يا أختي
-جهاد من بين ضحكاتها:
يلا بينا نطلع يا عم ، الناس مستنين برا و إحنا عمالين بنهزر هنا
-نضال بغمزة :
ما تيجي نفكس للناس اللي بره دي و نفضل هنا
-جهاد بنفاذ صبر :
انجر يا نضال قدامي أحسنلك
-نضال بحنق:
بقى بزمتك فيه واحدة زي القمر كدا تقول انجر! و بتقولها لمين ، لعريسها حبيبها ، أمري لله بقى ما هو أنا اتدبست في الجوازة دي
أنت تقرأ
أحببتة مناضلا
Ficción Generalالحـب و الحـرب ، الفرق بينهما حرف و الحـرف قليل ، قد يُخلق من الحـرب أروع قصصٍ للحـب ، و قد تشتعل داخلك حربٌ من أجل الحب ، أما عن ذاك الحـب الذي يسري فـي دماء المناضل أثناء الحـرب فهـو قسمًا أعظم حـب قد نراه ، حبٌ يدفع إلى كل جميل ، حبٌ يجعل منـك شي...
