#حـيـاة_شـلـتـوت🤣
الـحـلـقـة (7)
گـتـابـتـي #Koka_Saleh
:::::::::::::::::::::::::::::::::::::::::::::::::::::
بنات تفاعلن عالحلقة بلايك عشان التصفية🥰
ماتنسنش اللايك قبل القراية والتعليق برايكن وتوقعكن بعد القراية والكلام للكل بنات😍
::::::::::::::::::::::::::::::::::::::::::::::::::::::
جا وقت طلعتها ولبستها امها برنوسها وطلعت وهي يدها في يد راجلها وكانت تبكي 😭
واجعها فراق امها وهلها واتفكر في الشخص اللي يدها في يده وهي ماتعرفش ومش عارفة كيف حتكون حياتها امعاه وهل حتقدر تنسى يوسف هل حتقدر اتخلي حياتها حياة زوجية سعيدة هل هالشخص اللي طالعة امعاه هذا الشخص المناسب الها💔
طلعت مع احمد وهي جسد من غير روح روحها وعقلها وقلبها كانن عند يوسف اللي كان مصبي بعيد مالقاعة وشاف سيارة العريس لما طلعت قدامه وهو واخد امعاه حبه وقلبه واحلامه ومستقبله وكل ذكرياته بوخذته الرهام 💔
/
/
#في_القاعة
المعازيم بعد طلعت العرسان بدو ايروحو كلهم وماقعدوش الا هل رهام ايوتو في روحهم بيطلعو وطبعا كل واحد بيروح في السيارة اللي جا فيها
طلعت ملاك ويسرا وسجى وامعاهن عمتي ربيعة وعلي اساس ان في السيارة صدام بس تفاجئن ان كان جهاد
ويا فرحتك ياملاك😍
ركبن البنات مع جهاد يسرا ورا جهاد وسجى في النص وملاك ورا الكرسي اللي جنب السواق وركبت هنا بلعاني عشان تقعد اتشوف فيه وهو ايسوق ويحكي ويضحك بتراقب كل تحركاته 🙈
طول الطريق وهي عيونها عليه ماشالتهنش وجاب الله لابسة خمار عشان ماحدش يفطنلها
وجهاد كان ايهدرز مع امه وملاك كانت ذايبة في كل حرف يطلع منه
لعند لما وصلو للحوش وملاك قعدت تفتح في الباب اللي جنبها ماانفتحش
يسرا وسجى نزلن وعمتي ربيعة قعدت مصبية قدام السيارة ترجى في ملاك تنزل
جهاد:اصبري توا انجي نفتحه لك
ملاك:لا خلاص حننزل مالباب لاخر وتحركت بتنزل مالباب لاخر فونها طاح من يدها تحت الكرسي ومعش عرفت كيف اطبس واتجيبه
جهاد:اصبري توا انطلعه لكي ونزل وجاها من عند الباب وهي خشت جوا اشوي
قعد جهاد ايعاني بيطلعه
جهاد:ترا ولعي اللامبة اللي فوقك
ملاك:باهي ورفعت وجهها ماشافتش اكويس مالخمار رفعاته وولعت اللامبة
وجهاد قعد ايشوف تحت الكرسي لين شاف التليفون ومد يده عشان ايجيبه
وملاك قاعدة ذايبة وماصدقت فرصة اتجيها وتقعد اتشوف الجهاد من قريب 🙈
جهاد قدر يوصل في الفون وطلعه ورفع راسه وجت عينه في عين ملاك اللي قاعدة اتشوفله من بدري
جهاد ارتبك:اهو تليفونك
ملاك وهي اتشوفله:شكرا
جهاد: خلاص انزلي وطلع مالسيارة
أنت تقرأ
حياة شلتوت🤣
Hài hướcقصتنا بالهجة الليبية وتحكي علي شاب عايش حياته بإستهتار كامل ولا نفع في قراية ولا نفع في عمل بالمختثر فااااشل امكمل حياته في تفاهة دائمة وامكملها ضحك ومش معدل علي شيئ ولاايفكر في حاظر ولا مستقبل بس حيصيرن امعاه بعض الاحداث اللي حيقلبن حياته رأس على...
