#حـيـاة_شـلـتـوت🤣
الـحـلـقـة (31)
گـتـابـتـي #Koka_Saleh
:::::::::::::::::::::::::::::::::::::::::::::::::::::
بنات تفاعلن عالحلقة بلايك وتعليق عشان التصفية مستمرة😱
ماتنسنش اللايك قبل القراية والتعليق برايكن وتوقعكن بعد القراية والكلام للكل بنات😍
:::::::::::::::::::::::::::::::::::::::::::::::::::::
#عند_نور
كانت راقدة هي وياسمين مع بعضهن بس ياسمين تليفونها رن وكان خطيبها صبت وطلعت للدار لخرى عشان تحكي امعاه بدون ماتزعج نور
محمد كان كيف امروح للحوش وكان سكران وجا بيخش الداره وشاف ياسمين لما طلعت مالدار
محمد والسانة ثاقل:وقعدتي بروحك ياسمحة ومشى شور الدار اللي فيها نور
هو قريب يوصل للدار ووقفه ويوسف كان كيف مروح من برا وخاش للمطبخ بيدير حاجة ياكلها واول ماشافه عند الدار امسكه وهو بيفتح الباب
يوسف بعصبية:في شنو ادير انت هنا
محمد يضحك:نبي ياسمين😅
يوسف بعصيية:انت شارب صح 😡
محمد:تي لا شن شارب
يوسف زاد عصب وقعد ايدف فيه قدامه لين وصله الداره وخش وسمر الباب
يوسف بعصبية:البنت هذي في أمانتي والله يامحمد نلقاك امقرب منها نقتلك😡
محمد بلسان مرخي:مش جاي شورها
يوسف:غصبن عنك وحتقعد هنا لعند ماتوعى وبكرا انتفاهم امعاك
وطلع وقفل الباب عليه بالمفتاح ومشى للمربوعة
خش وقمعز في المربوعة وقعد ايفكر في نور وفي اللي ايصير امعاها وكيف ان كل شخص طامع فيها لانها بروحها ومافيش سند وراها وجعاته بذات لما حط ياسمين في مكانها لو ايصيرلهم شيئ حتكون مطمع الكل حد لان يعتبرو ماوراها حد يحميها
وفي اللحظة هذي فكر في نور بطريقة ثانية وكيف انها برغم صغر سنها مارضتش اتبيع نفسها مع انها الطريقة الأسهل في انها تحمي روحها من شر اي حد بس هي كانت مصممة ادافع علي روحها وهالشيئ بالنسبة له كان يحسبلها ويحسب الأخلاقها وتربيتها رغم انها تربت من غير الأم المدرسة العظيمة اللي اتكون ورا بنتها واتوريها المبادئ الصحيحة في الحياة
وقعد طول الليل وهو ايفكر في نور
/
/
#عند_جهاد
له 4 ايام مايرقدش من كثر ماقلبه مقهور ومكسور من ملاك وليش دارت فيه هكي رغم ان حبها بصدق ليش كذبت عليه وهي في حياتها شخص غيره💔
جهاد :ياريتك نكرتي ياملاك ياريت قلتي مش شوري كنت صدقتك بأي عذر اتجيبه بس سكوتك كان دليل انك تعرفيه صح ليش ياملاك هكي نا حبيتك بصدق وانتي اتكافيني بخيانة كنت نبيك اتكوني حلالي وام اعيالي وانتي درتي هكي حتى البنت الوحيدة اللي حبتني من قلبها قعدتي تطلعي في خيالي وقعدتي بيني وبينها لعند ماسيبتها امتى نقدر ننساك ياملاكي😔
أنت تقرأ
حياة شلتوت🤣
Humorقصتنا بالهجة الليبية وتحكي علي شاب عايش حياته بإستهتار كامل ولا نفع في قراية ولا نفع في عمل بالمختثر فااااشل امكمل حياته في تفاهة دائمة وامكملها ضحك ومش معدل علي شيئ ولاايفكر في حاظر ولا مستقبل بس حيصيرن امعاه بعض الاحداث اللي حيقلبن حياته رأس على...
