حياة شلتوت🤣

الجزء (5)

#حـيـاة_شـلـتـوت

الـحـلـقـة (5)

گـتـابـتـي #Koka_Saleh

:::::::::::::::::::::::::::::::::::::::::::::::::::::

ماتنسنش اللايك قبل القراية والتعليق برايكن وتوقعكن بعد القراية والكلام للكل بنات😍

::::::::::::::::::::::::::::::::::::::::::::::::::::::

يوسف:بس نا انحبها رهام وهي اتحبني ياخالي

مع طلعتي نا في يدي صفرة القهوة والكلمة ماطبت الا في وذني وعزقت صفرة القهوة

نا:شن قلت يا----- وهجمت عليه وباتي قعد بينا ومعش طقيته من باتي وباتي قعد ايدف في يوسف بيركبه في السيارة ونا كان الدم واصل العروقي مالكلمة اللي سمعتها وكل اللي في عقلي مانبيش يمشي سليم من قدام حوشنا بعد كلمته اللي حكاها بحتت ورايا كانت فيه اجعبه قدام الحوش مسكتها وجيت بسرعة شور يوسف قبل مايركب للسيارة وخبطته بيها علي راسه وطاااح

باتي قعد ايعيط ليش ضربته ليش ضربته
الناس في الشارع التمو وماحد فاهم شيئ
ونا قعدت انبحت حسيت روحي بردت علي روحي بضربته بس توا شن بيصير???
معقوله مااات😳

علي نزلت علاء ولد خالي ميلود امعاه البنات خششهن بسرعة وجا يجري وشال يوسف هو وباتي وركبوه في سيارة علاء وطلعو عالمستشفى
ونا مصبي في مكاني علي نزلت ياسين وقعدو الجماعة في الشارع يحكوله في اللي صار جا وقعد ايعيط عليا من ضربت من ضربت ونا مصبي ومستك 😳
صح ديما اندير في مشاكل بس كله كان ضرب باليد اول مرة نضرب حد بالطريقة هذي

خششني ياسين للحوش جوا وكانو كلهم يبكو وماحد فاهم شن صار

/
/

#في_المستشفى

خششو يوسف للأسعاف بسرعة لان الضربة كانت قوية وكان فاقد الوعي

بعد اشوي من خشته جو خوت يوسف وعمامه وقبيلته كلها
كيف علمو اللي صار مش عارف لكن طبعا فعالة الخير واجد

عمي موسى حاول ايتعذر منهم لكن الكل كانو حامقين ومابش حد يسمعه

قعد هو وعلاء في المستشفئ ماقدروش ايروحو لين يطمنو علي يوسف

/
/

#في_حوشنا

الدنيا شايلة وماحد فاهم شيئ
ياسين ايرن علي باتي وعلاء ماايردوش
وامي والبنات يبكن
ونا انفكر لو ان يوسف مات شن بيصير ??

وفي اللحظة هذي قعد الباب ايخبط بقوة فتح ياسين وكانت الشرطة وخذوني ومشى امعايا ياسين

/
/

#في_المركز

كان تحقيق وجو معيلة بكل 🤦‍♀️

ماقدرتش نحكي سبب ضربتي له بس قلت ان جا عند حوشنا وقعد يغلط وان ضربتي له كانت دفاع علينا