#حـيـاة_شـلـتـوت🤣
الـحـلـقـة (30)
گـتـابـتـي #Koka_Saleh
:::::::::::::::::::::::::::::::::::::::::::::::::::::
بنات تفاعلن عالحلقة بلايك وتعليق عشان التصفية مستمرة😱
ماتنسنش اللايك قبل القراية والتعليق برايكن وتوقعكن بعد القراية والكلام للكل بنات😍
:::::::::::::::::::::::::::::::::::::::::::::::::::::
#عند_جهاد
بعد كمل شغله طلع مالمركز ومشى شور المدرسة عساس يلقاهن يرجن فيه بس ماصارش مالقاهنش روح واول ماوصل للشارع لاقاه واحد من شباب الشارع وحكاله ان فيه حد كان ايتبع في ملاك وسجى من طلعتهن مالمدرسة وان مش اول مرة ايشوف الشاب هذا في الشارع جهاد رقاله بكل وخش علي سجى بسرعة
جهاد بعصبية:من الفرخ اللي سيارته بيضة كان يلحق فيكن
سجى بخوف:مافيش حد كان يلحق فينا
جهاد زاد عصب ومسكها من يدها بقوة:سجى قتلك من يااحكي انتي ياحنعرفه بطريقتي لكن بعدها حتشوفن المعاملة شن شكلها
سجى بخوف:هذا واحد تعرفه ملاك
جهاد بصدمة:كيف
سجى تبكي: اي اطلق يدي ياجهاد
جهاد بعصبية:يعني مش شورك انتي
سجى تبكي:قتلك لا مش أنا 😭
جهاد بعصبية:قلتيلي ملاك تعرفه تمام وطلق يدها وطلع
سجى قعدت تبكي عرفت روحها غلطت باللي داراته بس ماكان قدامها اي حل ثاني لانها كانت خايفة من جهاد وكانت عارفة لو جهاد حط الموضوع في راسه وسأل عالشاب دغري حيعرف ان هي تعرفه وفي اللحظة هذي حتخسر جهاد وثقته فيها وحبه الها😭
/
/
#عندي_نا
وعيت عالظهر وشكلها ردت حليمة العادتها القديمة في النوم🤦♀️
صبيت صليت الظهر وفطرت ومسكت تليفوني وبنرن علي يسرا قعدت ندعي ان شاءلله نلقاها فاتحة تليفونها لان كان لازم نحكي امعاها اول حاجة مرايف علي صوتها بكل وثاني حاجة كنت بنحكيلها علي كل حاجة صارت امعايا ونحكيلها علي موضوع سارة وهلي اللي فرضو عليا الموضوع هذا وكيف مقرر حياتي اتكون امعاها وكنت بنطمنها اني حكيت مع هلي وكلها فترة وانجي نخطبها
حطيت عالرقم ورنيت وضرب عندها وردت😍
مالك:ايوا
نا استغربت:من امعاي
مالك:انت اللي من متصل علي رقم مرتي
نا بصدمة:مراتك 😳
مالك:اي وماعادش تتصل اهني احسنلك
نا:بس اللي ران عليها نا مش متجوزة
أنت تقرأ
حياة شلتوت🤣
Humorقصتنا بالهجة الليبية وتحكي علي شاب عايش حياته بإستهتار كامل ولا نفع في قراية ولا نفع في عمل بالمختثر فااااشل امكمل حياته في تفاهة دائمة وامكملها ضحك ومش معدل علي شيئ ولاايفكر في حاظر ولا مستقبل بس حيصيرن امعاه بعض الاحداث اللي حيقلبن حياته رأس على...
