حياة شلتوت🤣

الجزء (25)

#حـيـاة_شـلـتـوت🤣

الـحـلـقـة (25)

گـتـابـتـي #Koka_Saleh

:::::::::::::::::::::::::::::::::::::::::::::::::::::

بنات تفاعلن عالحلقة بلايك وتعليق عشان التصفية مستمرة😱

ماتنسنش اللايك قبل القراية والتعليق برايكن وتوقعكن بعد القراية والكلام للكل بنات😍

:::::::::::::::::::::::::::::::::::::::::::::::::::::

نور قاعدة ورا الباب وتبكي وهو زاد ايدق ونور معش عرفت كيف تصرف

عفريته:خوك توا امروح من طرابلس وامعاه كمية حشيش ايهرب فيها لو ماتفتحي توا تليفون فيه بلاغ واحد مني انخليهم يمسكوه وماعاد اتحقي وجه بكل هذا كان مااعدموش لكي

نور انصدمت من كلامه وخافت علي مروان 😳

عفريته:انعد لعند الثلاثة مافتحتيش انسي ان عندك خو اسمه مروان

عفريته:1 /2
وقبل ماايكمل نور فتحتله وهي تبكي وهو خش وسكر الباب وراه
عفريته بعصبية:جاية من ورايا ماتحساببش اني حنعرف صح

نور تبكي: أرجوك أطلع وخليني في حالي 😭

عفربته ضحك:تحلمي وهجم عليها وهي قعدت اتعيط واتقاوم فيه 😢

جا عليها وحط يده علي فمها وقعد ايبوس فيها بقوة وايحاول ايحول دبشها وهي تبكي واتقاوم فيه وبعد صراعات ضرباته بكراعها عالمكان الحساس وهو طاح جنبها وقعد ايتألم وهي صبت تجري فتحت الباب ونزلت بسرعة وطلعت عالطريق
وكان في سيارة خاشة للشارع ونور من كثر ماتبكي وخايفة وتجري كانت مش مركزة وطلعت قدام السيارة وخبطتها وطاحت🥺
وصاحب السيارة نزل بسرعة وامعاه امه في السيارة ونزلت وراه

فاطمة بخوف:حي حي شن صارلها من بدري انقولك ماتجريش

يوسف بعصبية:منك نجري كل مرة نفس الموضوع 😡

فاطمة:شوف شن صارلها البنت

يوسف:مش عارف بس مااتحركش

فاطمة:خلينا ناخذوها عالمستشفى

يوسف:كيف ناخذوها بدون ماانقولو الهلها طالعة تجري اكيدة تسكن هنا وقعد ايبحت بعيونه في الشارع

فاطمة:مش وقت هل توا راه البنت اتموت علينا انشيلوها وفي المستشفى توا نعرفو وانكلمو هلها

يوسف:باهي وشالها وحطها في السيارة وركبو وطلعو شور المستشفى

( الوقت كان مغرب والشارع كان فاضي ومافيش حد فطن للي صار)

/
/

#في_المستشفى

قاعد نا وامي واصفي قدام العناية وكانو الدكاترة عند باتي وبعد اشوي طلع علينا الدكتور ومشيناله نجرو