#حـيـاة_شـلـتـوت🤣
الـحـلـقـة (15)
گـتـابـتـي #Koka_Saleh
:::::::::::::::::::::::::::::::::::::::::::::::::::::
بنات تفاعلن عالحلقة بلايك وتعليق عشان التصفية مستمرة😱
ماتنسنش اللايك قبل القراية والتعليق برايكن وتوقعكن بعد القراية والكلام للكل بنات😍
:::::::::::::::::::::::::::::::::::::::::::::::::::::
جهاد وصل للحوش وخش للمربوعة وكان عارف طبع سجي بعد يقعدن خواتها عندهم اتجي ترقد امعاه في المربوعة ضحك عليها وكان تعبان بكل مكمل يوم شغل سلح تيشرته وجا رقد في فراش سجى واول ما حط راسه عالمخدة ولف وجه شور الفراش لاخر شاف ملاك 😳
/
/
#عند_رهام
كانت مقمعزة في سريرها واحمد راقد واتشوفله واتفكر في علاقتها امعاه وكيف مش قادرة اتحس شيئ تجاهة لعند توا وهذا دليل انها مش قادرة اتحبه وقعدت تذكر في كلامه يوم المطعم وبعد تفكير واجد قررت قرار
/
/
#عند_جهاد_وملاك😱
جهاد انصدم لما شاف ملاك جنبه ومعش عرف كيف يصرف كيف رقدت هنا من جابها واسالة واجد في راسه وقعد مرتبك ومتوتر وفي لحظة قعد ايشوف الملاك زيييين كانت ملاك راقدة في نوم عميق مش حاسة بولا حاجة جهاد نسى في لحظة اللي صاير وان هي راقدة في المربوعة واسألته اللي في راسه وقعد مركز عليها كيف راقدة كانت ملاك فعلا اسم علي مسمى لانها راقدة زي الملاك 🥰
كانت هذي اول مرة ايركز في ملاك من اول ماعرفها
معش حس بالحاضر اللي هو فيه كان ايشوف الشعرها الناعم المطلوق ونازالات خصلات منه علي وجها وفمها الوردي الصغير والعيون المغمضات والبشرة الصافية والناعمة زي بشرة البيبي 😍
حركت ملاك يدها وجت علي يد جهاد وهو حس برعشة قوية نفضت كل جسمه مع خشت سجى
سجى بصدمة:انت شن جابك هنا 😳
جهاد صبى وكرها من يدها وطلع بيها برا
جهاد بعصبية:هذي شن جابها هنا
سجى:جاية زي ماديما اتجينا عادي عشان بتغلف امعانا دبش بيانك
جهاد:قصدي شن خششها للمربوعة
سجى:جوا الحوش قاعدات البنات واعيالهن وحتى مكيف مش مولعات وانت عارف ماانحبش الحمو وصوت الفروخ قلتلها انرقدو نا وانتي في المربوعة عساس انت قلت اليوم مش جاي 😒
جهاد بعصبية;وكان مش جاي اتخليها ترقد في المربوعة ضاقت يعني
سجى:مش قصة هي ياجهاد توا نمشي انوعيها وننتلفو جوا تريح 😒
وجت بتخش وجهاد مسكها
جهاد:لا اتوعيها لا تقربيها نا توا نمشي ننخمد في دار امي جوا واحسابك امعايا بكرا ياسجى وخش
أنت تقرأ
حياة شلتوت🤣
Humorقصتنا بالهجة الليبية وتحكي علي شاب عايش حياته بإستهتار كامل ولا نفع في قراية ولا نفع في عمل بالمختثر فااااشل امكمل حياته في تفاهة دائمة وامكملها ضحك ومش معدل علي شيئ ولاايفكر في حاظر ولا مستقبل بس حيصيرن امعاه بعض الاحداث اللي حيقلبن حياته رأس على...
