#حـيـاة_شـلـتـوت🤣
الـحـلـقـة (9)
گـتـابـتـي #Koka_Saleh
:::::::::::::::::::::::::::::::::::::::::::::::::::::
بنات تفاعلن عالحلقة بلايك عشان التصفية🥰
ماتنسنش اللايك قبل القراية والتعليق برايكن وتوقعكن بعد القراية والكلام للكل بنات😍
:::::::::::::::::::::::::::::::::::::::::::::::::::::
نا بعد سمعت انها بتروح معش قدرت نحكي كلامي حسيت المسافة بيني وبينها بعيدة وهذا وين انتبهت للشيئ هذا 🤦♀️
كيف انتعلق بيها وانخليها اتعلق بيا ونحن اتفرقنا مسافة بعيدة ماقدرتش نعترف بشيئ حسيت ان افضل اني اندس اللي في قلبي لان اكيدة مجرد ماتمشي ومعش انشوفها خلاص معش حتجي في بالي وحننساها بكل وهي حتنساني 👌
بعد سمعت كلامها لاهي عاد حكت ولا نا عاد حكيت كلمه ومش عارف ليش عمت لحظة صمت طويلة بينا
بس في لحظتها كنت حاس ان هي في عقلها كلام ودساته زيي ماانا صارلي بزبط 🤦♀️
وفي لحظتها هبت ريح قوية الدرجة باب القراج اللي نحن فيه اسكر
وفي لحظة يسرا ناضت اتعيط 😱
/
/
#في_حوش_عمي_موسى
الكل مرقدين والجو هدوء وفجأة توعى ملاك اتعيط 😱
/
/
#عندي_نا
صبيت بسرعة حطيت يدي علي فم يسرا
نا:اهدي اهدي حنحله اسكتي
يسرا ادموعها ينزلو وترعش كلها واتشوف للباب زي وكأنها اتشوف في عفريت
قعدت حاط يدي علي فمها ومشيتها قدامي بصعوبة وفتحت الباب
نا:خلاص اهو انفتح ماصار شيئ
يسرا كانت اتشوف للباب زين وخلاص
نا كنت خايف تقعد اتعيط ويسمعونا ويطلعو يلقوني امعاها وياخذوها عليها فكرة مش اكويسة هذا ليش ماكنتش نبي حد ايشوفها امعايا
نا:اسمعي حنحول يدي من علي فمك بس مااتعيطيش واهو الباب مفتوح اطلعي بسرعه
يسرا تبكي وهزت براسها
نا حولت يدي وبعدت منها وهي طلعت بسرعة اتقول طالعة من فم غولة
قمعزت في مكاني من كثر الرعشة اللي خذيتها بس كل تفكيري في يسرا اللي طلعت صح اتخاف من تسكير الباب بس ليش شنو السبب اللي خلاها هكي 🤦♀️
/
/
#عند_ملاك
وعو باتها وامها من عياطها ولما خشو عليها باتها وامها لقوها تبكي وفي حاله وحاطه يدها علي جنبها واتعيط مالالم
طلع عمي موسى بسرعة برا وهو يرعش
موسى بصوت عالي:ياسين ياسين
أنت تقرأ
حياة شلتوت🤣
Humorقصتنا بالهجة الليبية وتحكي علي شاب عايش حياته بإستهتار كامل ولا نفع في قراية ولا نفع في عمل بالمختثر فااااشل امكمل حياته في تفاهة دائمة وامكملها ضحك ومش معدل علي شيئ ولاايفكر في حاظر ولا مستقبل بس حيصيرن امعاه بعض الاحداث اللي حيقلبن حياته رأس على...
