#حـيـاة_شـلـتـوت🤣
الـحـلـقـة (12)
گـتـابـتـي #Koka_Saleh
:::::::::::::::::::::::::::::::::::::::::::::::::::::
بنات تفاعلن عالحلقة بلايك عشان التصفية🥰
ماتنسنش اللايك قبل القراية والتعليق برايكن وتوقعكن بعد القراية والكلام للكل بنات😍
:::::::::::::::::::::::::::::::::::::::::::::::::::::
مالك دغري كلم حور اللي كانت عند هلها عشان ايخبرها بأن بكرا هله جايين
حورسكرت من مالك
حور:واخيرا بيروحو المريضة وامها 😒
سرور اختها:اني بنعرف انتي ليش تبيهم ايروحو خليهم ايولو ارتاح راسك منهم اشوي
حور ابتسمت:لا لازم ايروحو لاني مجهزتلهم شيئ حيرحني منهم العمر كله
سرور;شن بدريلهم 🤔
حور:استني اشوي ايروحو وحتعرفي 😏
سرور:ينخاف منك الصراحة🙄
حور ضحكت وصبت
/
/
#عند_ملاك
طلع منتصر وهي مصبية وامبلمة عيونها مع خشت امها ودغري دست الكرت في الشنطة خافت امها اتشوفه
عالية:هي مش مالصبح اتعيطي بتطلعي ياسين يرجى تحت
ملاك:هي هي وكانت مرتبكة لان اول مرة ايصير امعاها موقف هك 💔
نزلن مالمستشفى وكان ياسين مدرس سيارته قدام الباب دغري عشان ملاك ماتمشيش مسافة كبيرة للباركي
ملاك طلعت فتحتلها امها الباب بس بالصدفة رفعت راسها وشافت منتصر في روشن في الدور الثاني ابتسملها وهي نزلت راسها وركبت في السيارة
/
/
#عند_رهام_وأحمد
كانت رهام تاعبة بكل الها ايام ماترقدش واحمد كان راقد وهي كانت مقمعزة عالكنبة وكل اشوي اتصبي تلمس حرارته بس من كثر التعب اللي فيها ماحستش بروحها الا وهي راقدة عالكنبة 😴
أحمد وعى وحس روحه متحسن تسند اشوي وشاف علي ايمينه شاف رهام راقدة عالكنبة قعد ايفكر اشوي وذكر في اوقات لما كان يوعى في الليل وايشوف فيها جنبه اتحط في كمادات ابتسم وصبى شورها قرب منها وقعد ايشوفلها وايشوف الملامحها وكانت هذي اول مرة ايقرب من رهام وايركز عليها هكي
حط يده علي خدها وهو مبتسم ان قدر يلمسها 😊
رهام كانت تاعبة ومش حاسة بشيئ بكل
رفع يده اشوي وحطها علي شعرها وكانت رهام لافته بمساكة فوق
فك المساكة ونزل شعرها علي كتوفها قرب بشويش وطبع بوسه هادية علي خدها وهو فرحان بأن قدر ايقرب منها وقعد ايشوف الملامحها ويحفظ فيهن
أحمد بصوت هادي:رهام رهام
رهام فتحت عيونها وقمعزت
رهام بخوف:فيك حاجة اتحس في حاجة
أنت تقرأ
حياة شلتوت🤣
Humorقصتنا بالهجة الليبية وتحكي علي شاب عايش حياته بإستهتار كامل ولا نفع في قراية ولا نفع في عمل بالمختثر فااااشل امكمل حياته في تفاهة دائمة وامكملها ضحك ومش معدل علي شيئ ولاايفكر في حاظر ولا مستقبل بس حيصيرن امعاه بعض الاحداث اللي حيقلبن حياته رأس على...
