#حـيـاة_شـلـتـوت🤣
الـحـلـقـة (23)
گـتـابـتـي #Koka_Saleh
:::::::::::::::::::::::::::::::::::::::::::::::::::::
بنات تفاعلن عالحلقة بلايك وتعليق عشان التصفية مستمرة😱
ماتنسنش اللايك قبل القراية والتعليق برايكن وتوقعكن بعد القراية والكلام للكل بنات😍
:::::::::::::::::::::::::::::::::::::::::::::::::::::
سارة عيطت وندبن لين معش قعد عندها جهد وطاحت من طولها 💔
/
/
عمي موسى برا ماسك جوري اللي ماسكة فيه زين وتبكي وهو يبكي وفي لحظة معش حس بحد جنبه وطاح 💔
/
/
الصبايا جوا قعدن ايعيطن علي سارة اللي طاحت وايحاولن ايوعنها بس ماوعتش طلعت سجى برا وقعدت اتنادي في جهاد بس جهاد كان طالع بعمي موسى بيسعفه
خش جوا عم سارة ولبسن سارة عباياتها ودارلها وشاح علي شعرها ووجها عشان ماحد ايشوفها
فضو اللي قاعدين قدام الخيمة وقرب عمها سيارته وطلعوها بيها ودغري عالمستشفى 💔
/
/
يوسف برا كان مقمعز وفجأة شيئ في داخله قاله صبي وخش جوا وخش مالباب الخلفي اللي ايخشش عالجنان الخلفي
احمد بعد صبى يوسف وخش ماتريحش وخش وراه
رهام مصبية برا من باب المطبخ اللي يفتح عالجنان الخلفي وحاطه راسها عالباب وتبكي 😭😭
يوسف اول ماخش شافها وقعد قلبه ايدق بسرعة مافطنش الشيئ الا وخطواته مقرباته منها وحط ايديه علي كتوفها
رهام لفت بسرعة وهي تبكي
رهام تبكي:أحمد😭
وانصدمت اول ما لقاته يوسف ودغري بعدت منه
رهام بعصبية:انت شن خششك هنا
يوسف:رهام اسمعيني ولو مرة خليني انقولك اللي في قلبي وليش درت هكي
رهام بعصبية;مانبيش نسمع شيئ خلاص كل اللي بينا انتهى انت توا ولا شيئ ونا متجوزة ومتريحة مع راجلي وايحبني وجت بتخش
يوسف تنهد;وانتي اتحبيه
رهام وقفتها الكلمة اللحظات بس ماردتش علي يوسف وخشت بسرعة جوا
/
/
أحمد كان مصبي بعيد وشافهم وسمعهم بس كان المكان اللي مصبي فيه مضلم فهو شافهم وهم ماشافوش
يوسف لف وبيطلع واول ما وصل للمكان اللي فيه أحمد احمد قرب منه ومسكه
أحمد بعصبية:اخرلك مرة انشوفك تحكي مع رهام 😡
يوسف ارتبك:رهام بنت خالي ونا كنت انعزي فيها بس
أحمد حط يده علي ارقبت يوسف وخنقه:انا عارف كل شيئ كان بينكم رهام حكتلي كل شيئ وعارف ان توا انت معش تعنيلها شيئ ونا بس في حياتها بس نقسملك بالله لو نلقاك مقرب منها او امحاول توصل فيها باي طريقة وربي نقتلك 😡
أنت تقرأ
حياة شلتوت🤣
Humorقصتنا بالهجة الليبية وتحكي علي شاب عايش حياته بإستهتار كامل ولا نفع في قراية ولا نفع في عمل بالمختثر فااااشل امكمل حياته في تفاهة دائمة وامكملها ضحك ومش معدل علي شيئ ولاايفكر في حاظر ولا مستقبل بس حيصيرن امعاه بعض الاحداث اللي حيقلبن حياته رأس على...
