#حـيـاة_شـلـتـوت🤣
الـحـلـقـة (28)
گـتـابـتـي #Koka_Saleh
:::::::::::::::::::::::::::::::::::::::::::::::::::::
بنات تفاعلن عالحلقة بلايك وتعليق عشان التصفية مستمرة😱
ماتنسنش اللايك قبل القراية والتعليق برايكن وتوقعكن بعد القراية والكلام للكل بنات😍
:::::::::::::::::::::::::::::::::::::::::::::::::::::
مالك طلع للسيارة برا وقعد يرجى في يسرا تطلع عشان ايشيلها للمطار واتسافر الحمزة اللي اتفق هو ومالك يرجاها في مطار لبنان 😢
طلعت يسرا بشنطتها بعد احضان واجد هي وامها وايتباكن😭
(كل البيبان مالك سكرهن في وجه يسرا ومعش عندها حل الا انها ترضخ الطلباته واوامرة واتنفذهن لان ماعندها حد ايوقف في وجه مالك😢)
طلعت للسيارة وهي ادموعها علي خدها وهي ركبت مع تدريسة سيارة ونزل منها إسلام خوها
إسلام جا شور سيارة مالك
إسلام:خير يامالك
مالك:شن اللي جابك اهني انت
إسلام:جاي الحوشنا عندك مانع 😒
مالك:كنا مرتاحين 🤦♀️
إسلام ماردش عليه;انزلي اسو مرايف عليك وجا بيفتح الباب
مالك:لالا مافيش وقت تنزل بنمشو للمطار
إسلام:علاش كنكم
مالك:بتسافر الراجلها
إسلام بصدمة:اي راجل هادا
مالك:يسرا اجوزت حمزة خو حور ومن يومين انقرت فاتحتها عليه وتوا بتسافرله
إسلام بعصبية:كيف اتجوزها واني ماعنديش علم اني خوها زيني زيك
مالك بعصبية:واني خوكم الكبير واللي انقرره يتنفد عليكم كلكم
إسلام زاد عصب:قرارتك عليك انت ومرتك اما يسرا ماليك علاقة بيها وفتح الباب ونزل يسرا وخخششها جوا وقعدت غزالة تحظن فيه وتبكي 😭
ومالك خش وراهم
مالك بعصبية: انت شن حاسب روحك اتنزلها من سيارتي يسرا توا بتسافر الراجلها وغصب عليك
إسلام بعصبية:بسرا اختي واني عارف مصلحتها وين اكتر منك واللي اسمه حمزة هذا واحد فاشل وقاتل ومايصلحش بيها
مالك بعصبية:وانت شن عرفك يصلح ولا لا وين تعرفه اصلا
إسلام:من مايعرفاش اكبر صايع فيك ياطرابلس وداير العار سوا في بنات الناس ولا الناس اللي ماعندهم حد وتبيني نعطيه اختي باش ايعذبها في حياتها
مالك بعصبية:انت تتبلى عليه زي مالكل يتبلو عليه راجل ماتعرفاش ماتحكيش عليه
إسلام بعصبية:تي سمعته عارفينها كلنا شن هو وبوه ايغطي في عمايله السود طول عمره
أنت تقرأ
حياة شلتوت🤣
Humorقصتنا بالهجة الليبية وتحكي علي شاب عايش حياته بإستهتار كامل ولا نفع في قراية ولا نفع في عمل بالمختثر فااااشل امكمل حياته في تفاهة دائمة وامكملها ضحك ومش معدل علي شيئ ولاايفكر في حاظر ولا مستقبل بس حيصيرن امعاه بعض الاحداث اللي حيقلبن حياته رأس على...
