#حـيـاة_شـلـتـوت🤣
الـحـلـقـة (13)
گـتـابـتـي #Koka_Saleh
:::::::::::::::::::::::::::::::::::::::::::::::::::::
بنات تفاعلن عالحلقة بلايك وتعليق عشان التصفية مستمرة😱
ماتنسنش اللايك قبل القراية والتعليق برايكن وتوقعكن بعد القراية والكلام للكل بنات😍
:::::::::::::::::::::::::::::::::::::::::::::::::::::
#في_حوش_عمي_موسى
كنت امقمعز نا ومروان واصفي وسعد وامعانا باتي وياسين نفطرو في فطور ضحى وقعد الباب ايخبط طلع ياسين ايشوف من وخش بسرعة
موسى:من عالباب
ياسين بخوف: باتي هذوما الشرطة ويبو ياخذوك
موسى صبى:ان شاءلله خير
طلع باتي وطلعنا كلنا وراه وخذاته الشرطة ونحن ركبنا مع ياسين وطلعنا في جرته
/
/
#عند_جهاد
مسك تليفون سجى ورد
ملاك:ياكلبة باهي اللي رديتي
جهاد بعصبية:الرقم هذا انسيه وسجى معش نبيلك علاقة بيها نهائي
ملاك مصدومة:جهاد
جهاد:تقريبا كلامي واضح وهنا معش نبي انشوف وجك وسكر
سجى خشت من برا وسمعت كلام جهاد وكانت مصدومة
سجى تبكي:انت شن درت
جهاد بعصبية:هذا اللي لازم يندار
سجى تبكي:انا مانقدرش انسيب ملاك هذي مش بس صاحبتي هذي اختي
جهاد بعصبية وصوت عالي:ونا خوك وعارف مصلحتك اكثر منك
سجى تبكي بهستيريا:انت مش خويا نا نكرهك نكرهك لعند ماانموت
جهاد عزق التليفون عالسرير وطلع وخشت ربيعة وماريا ولقن سجى منهارة 😭😭😭
/
/
#عند_ملاك
ماسكة الفون في يدها ومصدومة من كلام جهاد مازال مش مستوعبة اللي قاله الها
نور:كنك
ملاك:جهاد جهاد وقعدت تبكي 😭😭😭
/
/
جهاد طلع معصب وركب في سيارته وطلع
ووصل النهاية الشارع وكلمة سجى اترن في وذانه(انت مش خويا انا نكرهك نكرهك لعند ماانموت)
جهاد كان بطبعه حنون بكل علي خواته خصوصا سجى لان لما مات باتها كانت اصغيرة وهو حسها انها بنته مش بس اخته وكان ماايتحملش زعلها بكل وكلمة سجى له كانت صعبة عليه بكل
وهو في الطريق لف ورد عليها وخش عالحوش بسرعة
لقى سجى مازال تبكي بهستيريا وامها حاظنتها واتحاول اتهديها
جهاد خش بعد امه وخذا سجى في حظنه
أنت تقرأ
حياة شلتوت🤣
Umorismoقصتنا بالهجة الليبية وتحكي علي شاب عايش حياته بإستهتار كامل ولا نفع في قراية ولا نفع في عمل بالمختثر فااااشل امكمل حياته في تفاهة دائمة وامكملها ضحك ومش معدل علي شيئ ولاايفكر في حاظر ولا مستقبل بس حيصيرن امعاه بعض الاحداث اللي حيقلبن حياته رأس على...
