#حـيـاة_شـلـتـوت
الـحـلـقـة (2)
گـتـابـتـي #Koka_Saleh
:::::::::::::::::::::::::::::::::::::::::::::::::::::
ماتنسنش اللايك قبل القراية والتعليق برايكن وتوقعكن بعد القراية والكلام الكل بنات نبي التفاعل زي الحلقة الاولى عجبني بكل😍
بنات ضروري ماللايك عشان التصفية حتكون عاللايكات عالحلقة💋
#ملاحظة_مهمة
حبيباتي التنزيل مش يومي يوم بعد يوم عشان يقعد عندكن علم كلكن❤️
#خطرها
راكن تنسن تعطني رأيكن في الشخصيات الجديدة🙈
::::::::::::::::::::::::::::::::::::::::::::::::::::::
فاطمة بصوت عالي:اقعد فيها انت ومراتك وطلعت وخبطت الباب وراها
موسى بعصبية:انت من سمحلك اتلزي اختي من حوشي واتقولي حوشك هذا من امتى حوشك نا مازلت حي ياعالية
عالية:اعرف شن قالت قبل ياحاج عشان نا قلت هكي فاطمة قالت
موسى:مانبي نعرف شيئ الولية اللي اتلز اختي من حوشي معش تلزمني لمي ادبشك وهي انشيلك الخوك ايربيك من جديد
ملاك ورهام قعدن يبكن:مش هكي يابابا راه عمتي
موسى بعصبية:سكري فمك انتي وهي وخشن جوا
عالية مصدومة:يعني نا مش متربية ياحاج
موسى بعصبية:اللي ادير هكي لا هي بنت اوصول ولا متربية ونا ماتلزمنيش ولية هكي
عالية:صدقت ياموسى وخشت وقعدت اتلم في دبشها
ورهام وملاك وسارة يبكن جنبها وسارة قعدت اترن علي ياسين تبيه ايجي يحكي مع باته
وموسى خش بياخذ مفتاح سيارته عشان ايشيل مراته الهلها
/
/
موسى قعد ايدور في مفتاحه مالقش
موسى بصوت عالي;مفتاح سيارتي وين
ماحدش رد عليه
موسي بعصبية:قلنا مفتاح السيارة وين
طلعت ملاك من دار امها وهي تمسح في ادموعها:عالمدخل امبدري نا حطيتهن غادي
موسى:مافيش مالقيتهنش
ملاك جت وقعدت ادور مالقتهنش
موسى دغري اذكر صدام وطلع قدام الحوش وهو معصب وكان حاسس ان السيارة كلها مش قاعدة وفعلا اللي فكر فيه لقاه سيارته ماكانتش برا 😮
موسى بعصبية:والله انوريك ياصدام مسك تليفونه وقعد ايرن علي صدام
/
/
#عندي_نا
قاعد امعلي المسجل وانسوق وداير جو نا والشباب وانغنو
مروان فطن التليفوني ايرن ورفعه وشافه
ودغري طفى المسجل
نا:كنك طفيته ازح
مروان:راجل امك ايرن
سعد يضحك:عنجد وجك الف مرة قتلك غيره واكتب باتي ولا الشايب ولا خليه رقم ولا اتسجله راجل امي 🤣
أنت تقرأ
حياة شلتوت🤣
Humorقصتنا بالهجة الليبية وتحكي علي شاب عايش حياته بإستهتار كامل ولا نفع في قراية ولا نفع في عمل بالمختثر فااااشل امكمل حياته في تفاهة دائمة وامكملها ضحك ومش معدل علي شيئ ولاايفكر في حاظر ولا مستقبل بس حيصيرن امعاه بعض الاحداث اللي حيقلبن حياته رأس على...
