#حـيـاة_شـلـتـوت🤣
الـحـلـقـة (17)
گـتـابـتـي #Koka_Saleh
:::::::::::::::::::::::::::::::::::::::::::::::::::::
بنات تفاعلن عالحلقة بلايك وتعليق عشان التصفية مستمرة😱
ماتنسنش اللايك قبل القراية والتعليق برايكن وتوقعكن بعد القراية والكلام للكل بنات😍
:::::::::::::::::::::::::::::::::::::::::::::::::::::
#عند_رهام
قاعدة مقمعزة اتغدى بروحها لأن احمد زي كل يوم ماجاش عالغداء وهي تاكل رن فونها مكالمة فايبر وكان الرقم ليبي وردت
رهام:الو
وديان:رهومة شن جوك
رهام:ودو شن اخبارك حبي
وديان:تمام شن اخبارك انتي وشن اخبار الزواج امعاك
رهام:تمام الحمدلله كيف حالك وحال هلك وشن جو الشغل امعاك
وديان:كل شيئ الحمدلله انتي طمنيني عليك سعيدة في حياتك
رهام:الحمدلله ماشية
وديان:باهي ياقلبي طمنتيني عليك بنقولك حبيبتي
رهام:شنو
وديان:في حد بيطمن عليك
رهام:من
يوسف:رهام حلفتك بربك مااتسكري
رهام بعصبية:انت في شنو اتحس اخرلك مرة اتحاول اتكلمني انا توا متجوزة ومتريحة مع راجلي معش تطلع في حياتي وسكرت في وجه وعزقت التليفون جنبها وقعدت تبكي 😭😭
رهام صح مازال ماحبت احمد وصح مازال قلبها متعلق بيوسف بس حبها هذا مستحيل يسمحلها انها تغضب ربها واتخون راجلها مهما كان أحمد امعاها وتصرفاته بس هي عارفة ان هالشيئ ضد دينها وضد تربية هلها الها💔
ماكان قدامها الا انها اتريح قلبها واللي فيه بالبكى 😭😭
/
/
#عند_جهاد
رغد:البنت اللي اسمها ملاك
جهاد بإرتباك:كنها 😥
رغد:اليوم جتني في الصيدلية اتهدد فيا انها بتاخذك مني وتحكي في كلام مش تمام بكل
جهاد انصدم:شنو 😳
رغد :اللي سمعته نا تعبت مالبنت هذي 💔
جهاد: امتى جاتك
رغد:جتني قبل اشوي
جهاد:يعني الها كم جيتها لك
رغد:ليش تسأل
جهاد بعصبية:بنعرف
رغد:قبل نص ساعة هك ونا مانبيكش اتكلمها انت انا توا انجيها في حوش هلها ونفضحها قدامهم
أنت تقرأ
حياة شلتوت🤣
Comédieقصتنا بالهجة الليبية وتحكي علي شاب عايش حياته بإستهتار كامل ولا نفع في قراية ولا نفع في عمل بالمختثر فااااشل امكمل حياته في تفاهة دائمة وامكملها ضحك ومش معدل علي شيئ ولاايفكر في حاظر ولا مستقبل بس حيصيرن امعاه بعض الاحداث اللي حيقلبن حياته رأس على...
