عشق الشيخ ملكني

الشخصيات

السلام عليكم اعرفكم بنفسي اسمي رزان وعمري ٢٠ سنة اني طالبة جامعة مرحلة اولى قانون بجامعة بغداد شكلي:
ايگولون علي حلوة اني بيضة و عيوني كبار بني فاتح من يضربهن الضوء يصيرن على عسلي رموشي طوال و حواجبي ثخان و عيوني حادات شوية وشعري اسود طويل للركبة و ناعم وسرح بس ثخين يشلع الگلب و ملامح وجهي ناعمة و شفايفي متروسات اشوية و طولي١٦٥سم لا سمينة ولا ضعيفة متروسة لا اگلكم ولا ادگلولي صاكة بالمختصر .
طبعي:
هادئة و ما اغضب بسرعة و اجتماعية وبسرعة اتأقلم   مع الكل اليغلط بحقي ما اسكتله و طبعي ما احب الظلم و اذا شفت گدامي مشكلة احلها وما اضل ساكته حتى لو شخص ما اعرفه وهذا الي خلاني اقدم على القانون عشقي هذه المهنه وحلم طفولتي بسبب نضرة عيوني الحادة شوية الكل بأول نضرة ياخذ عني فكرة انه مغرورة وشايفة نفسي بس الكل ايگلي من عرفناج و عاشرناج عرفنه شنو انتي وشنو اسلوبج و راح اتعرفوني اكثر بأحداث القصة.

اتوقع حجيت هواي دورك حبيبي عرف عن نفسك لين تعبت😇

لا والله محجيتي شيء كملي هو انتي شبقيتيلي 😒.

هسة تحجي لو شلون مو كتلهم الفضول خطية😜

معليكم بيها اعرفكم نفسي اسمي كيان عمري ٣٣ سنة من البصرة واني الشيخ بعد جدي الله يطول بعمره والدي اتوفه قبل ٥ سنين الله يرحمه بسكته قلبية لين اتأثر بالمعمل مال الاقمشة من احترگ وهو تعب عمره ما اتحمل واطاكم عمره وهو كبير اخوته لذلك اني الشيخ وره جدي كوني اكبر اخوتي هم يعرفون نفسهم بعدين شكلي:
مثل ما ايگولون صاك و كل البنات يشمرن نفسهن علي ملامحي حادة و عيوني عسلية وشعري اسود ليل و جسمي رياضي ومعضل و طولي ١٨٠سم صاك وعدكم الحساب.
طبعي:
عصبي كلش و كلمتي مسموعة عند الكل اكبار وصغار بعد كلمة جدي و صاحب غيرة والمواقف تشهدلي بعدين اتعرفوني اكثر ما احب العناد ولا اقبل على الظلم وحنون و طيب الگلب وية احبابي و ما اسكت اذا احد ايمسني بكلمة حتى لو شقة والباقي اتعرفوه بأحداث القصة.

نبذة مختصرة عن اهل والدي:
والدي عنده ٣ اخوان و ٢ خوات وترتيبهم:
ابوي علي ٥٥ سنة، عمي محمد ٥٣ سنة، عمتي سعاد ٥٠ سنة، عمتي نور ٤٨ سنة، عمي جاسم ٤٦ سنة، وعمي علاء ٤٢ سنة.

اعرفكم نفسي اسمي حسن عمري ٣٠ سنة اخو كيان الوسطاني دكتور جراحة قلبية مزوج بنت عمي محمد نغم وعندي ولدين و ابنية والباقي اتعرفوه بالقصة.

اعرفكم نفسي اسمي يزن عمري ٢٨ سنة اخو كيان الصغير مهندس مدني و مزوج بنت عمي جاسم سمر عندي ولد وبنية والباقي اتعرفوه بالقصة.

اعرفكم نفسي اسمي مرام عمري ٢٠ سنة اخت كيان وطالبة قانون ما مزوجة واخر العنگود والباقي اتعرفوه بالقصة.

اجة دوري اعرفكم نفسي اسمي ميار عمري ٣٠ سنة اخت رزان الكبيرة مزوجة ابن عمي مدرسة رياضيات وعندي ولد وبنية توأم والباقي اتعرفوه بالقصة.

اعرفكم نفسي اسمي ريم عمري ٢٧ سنة اخت رزان الوسطانية دكتورة اسنان و مزوجة ابن خالي و عندي ولدين والباقي بالقصة اتعرفوه.

اما اني اسمي جود عمري ٢٥ سنة اخو رزان الوحيد و ما قبل الاخير محامي معروف ما متزوج حديقة والباقي اتعرفوه بالقصة.

اني سماح ام كيان ٥٠ سنة.
اني مريم ام رزان ٤٤ سنة.
اني احمد ابو رزان ٤٨ سنة.

الشخصيات الباقية اتعرفوها بالقصة.

اعرف كرهتوا الكلمة بس اتحملوا اعرف الشخصيات هواي همين بس بالاحداث راح اتحفظوهم خلصت اعوفكم مع القصة 😜.