عشق الشيخ ملكني

part:13

وِعٌنِدِمَأّ يِّخَفِّقِ أّلَقِلَبِ لَمَنِ أَّّسرهِ💜
ګيِّفِّ يِّګوِنِ لَيِّ َّسلَطّةّ أّنِ أّردِعٌهِ 😍
ګنِ لَيِّ عٌأّلَمَيِّ
ګنِ لَيِّ وِطّنِيِّ
ګلَ لَيِّ بِدِأّيِّتّيِّ وِ نِهِأّيِّتّيِّ
فِّأنِتّ ګلَ مَأّ لَيِّ لَګ وِبِګ أّنِتّهِيِّ 💋

رزان:
من سمعنا صوت بابا و عمي ايصيحون نزلنا ركض اني و فاطمة انشوف شكو نزلنا وماما شافتنا واتنهدت و سارة گالت بهمس:
_ليش نزلتن.
فاطمة گالتلها:
_سمعنا صوت الصياح ليش عمي ايصيح؟
ما جاوبت سارة وسمعنا الحجي وافتهمت السالفة و النار صارت تطلع من عيني اتعصبت كلش وعيوني صارن حمر و اعصابي مشدودة ماما شافتني و اجت لزمت ايدي وگالت:
_اهدي نعرف كلش زين شنو انتي و محد ايشك بيج وكلام واحد مريض مراح ايهز ثقتنا بيج بس هدي اعصابج حبيبتي.
ما اشك بكلام ماما بس ايضل هذا الشي يمس كرامتي و عزة نفسي كلشي ولا احد يشكك بشرفي انهي قبل لا يمسني بكلمة فاطمة وسارة حاولن يهدأني من خلص الصياح وطلعوا الزلم ام محمد گالت ولسانها اينگط سم:
_ليش العصبية رزان اهدي محد ايلومج حبيبتي اي وحدة بمكانج مراح تگدر اتسوي شي فترة وتمر وتنسين.

والنسوان هم ايدن كلامها اني باوعت عليها و عيوني حمر و وجهي هم هي وجها صار اصفر دافعت عن نفسي بكل عصبية هاي مسألة شرف و هي تتهمني بشرفي كأنه سالفة وجاي اسولفها استفزتني من اطاولت علي بالكلام جاوبتها واحاول امسك اعصابي لين تبقى اكبر مني.
من رادت اتمد ايدها علي ماما لزمت ايدها و صاحت بوجها و هي ضلت تغلط وتتهدد وطلعت والنسوان وراها اني اعصابي مشدودة باوعت على ماما وگلت:
_هذا الحجي مو صحيح اتعرفيني اني شنو مستحيل اغلط هيج غلط لو على جثتي ولا اخليكم اتنزلون راسكم بسببي صدگيني محد لزم اظفري.
هي دمعت و حضنتني و باست راسي وگالت:
_اعرف يا عمري ماكو داعي اتشرحيلي مصدگتج واعرف اشلون ربيتج مستحيل كلام مرضى نفسيين ايغير نظرتي الج.
بادلتها و اني اتنفس حيل احس نفسي مختنگة وفاطمة وسارة حضنني همين و سارة من حضنتني گالت:
_هدي نفسج ليش بعدج عصبية واعصابج مشدودة كلنا واثقين بيج وما ايهزنا كلام تافهين لين نعرف شنو انتي حبيبتي اهدي.
اني حاولت اهدي نفسي مگدرت كل ما اذكر كلامهم النار تحرگ گلبي بابا وعمي و جود وسالم اجوا من الأستقبال شفت بابا تعبان و عمي هم اجة گعد على التخم الي بالصالة و بابا باوع علي اني باوعت بعيونة كانه اگلة:
اني مو هيج لصدگهم اني تربيتك اني بنتك حبيبتك الي ترفع راسك بيها اني رزان لا اتصدگهم .
هو كانه سمع كلامي و ابتسملي و فتحلي ايده اني ركضت حضنته بادلني ونزلنا على ركبنا لين رجلنا بعد متحملنا ما حبست ادموعي و بچيت (بكيت) و اني اشهگ عبالك صارلي 100 سنة ما باچية هو بادلني و يطبطب على ضهري ويگول:
_اهدي لا تبجين مو انتي الي اتهزج هيج ظروف دومي رافع راسي بيج و اليوم كلامج ودفاعج عن نفسج و عدم سكوتج على الضلم اكدلي تربيتي مراحت بالفراغ و ثقتي بيج ما انهزت وزادت اكثر اعرفج شنو انتي واعرف شلون ربيتج و انتي ما نزلتي راسي حبيبتي لذلك لتبچين لين ادموعج هاي تحرگ گلبي و اني المتعود استند عليج من اتعب مو رزان الي تبچي لهيج ظرف كافي حبيبتي اجمعي نفسج.