عشق الشيخ ملكني

part:20

اشلونكم حبايب 💜
البارت طويل لعيونكم حضروا حبشكلاتكم وقراءة ممتعة 😘

لا تنسوني بالفوت 👈⭐ التعليق على الفقرات 👈💬 وانتم تقرأون ❤

كيان:
طلعنا انودع عائلة حبيبتي ونوصلهم للباب رزان كانت بصفي ولازمة ايدي فجأة صرخت وركضت لأبوها وگالت:
_بابا انتبه وراك.
هو باوع عليها وما لحگ يلتفت رزان وگفت وراه وسمعنا صوت اطلاق نار اني شفت الرجال من اطلق النار كان ملثم راد يهرب صحت على عمر يلحگة وركضت على رزان حسن كان يفحص بيها وگال ليزن ايجيب السيارة ام رزان اتخربطت وابوها فوگ راسها وجود هم حسن گال:
_لازم ناخذها للمستشفى الطلقة قريبة من گلبها وجاي تنزف هواي كيان شيلها.
اني شلتها واحاول اصحي بيها ماكو متتجاوب جاب يزن السيارة وركبت رزان ليورة وصعدت وياها وحسن ليگدام وجود وابو جود بغير سيارة وبوجهنا للمستشفى حسن اطاني بطل مي وگال:
_رش على وجها وحاول اتخليها گاعدة واضغط على جرحها حتى لينزف هواي.
سويت مثل مگال وصحت الحمد لله بس متحجي بس تباوع علي اشوية وگالت بتلعثم وصوتها تعبان:
_ب .. بابا ... بي ... ش ... شيء؟
اني گلتلها وامسح على راسها:
_لتخافين مابي شيء وهو بالسيارة الثانية لا تحجين ارتاحي اشوية ونوصل للمستشفى.
هي بس همهمت رادت اتغمض مخليتها تقريباً ربع ساعة وصلنا اني شلتها وحسن راح جاب سدية والدكاترة اجوا ركض يسعفوها واحد من الدكاترة گال:
_بسرعة حضروا غرفة العمليات وجهزوا الدم نزفت هواي ما اريد تأخير.
وهي لازمة ايدي وتباوع علي واخذوها لغرفة العمليات قبل لتدخل وتفلت ايدي هي دمعت وغمضت واني نفسها متحملت احس گلبي بقى وياها وروحي يمها مو بجسمي واحنا ضلينا منتظرين برة ابو جود نزل ضغطه الممرضة اطته علاج و جود متوتر وحسن دخل للعملية لانه يشتغل بهاي المستشفى ويزن يحاول يهدي ابو جود اني فاير من عصبيتي من شفت الرجال صحيح ملثم بس امبين شاب خلي بس تطلع حبيبتي بالسلامة اني اندمه بأيدي كلش خايف ومتوتر لا ايصيرلها شيء الله لا ايگولها.
عشرين دقيقة وطلعت ممرضة من غرفة العمليات گالت:
_نحتاج دم O- المريضة زمرة دمها نادرة وما عدنا بالمستشفى.
يزن گال:
_اني اطيها زمرتي نفس زمرت دمها.
راح هو والممرضة واتبرعلها بطلين دم ورجع گعد بصف ابو جود وكان دايخ اطته ممرضة ثانية عصير حتى ايعوض الدم الخسره اني گلتله:
_شكرا حبيبي نقذتها.
هو ابتسملي وگال:
_تدلل مرت الشيخ المهم تطلع بالسلامة.
اني ابتسمتله وگلت:
_ان شاء الله.
ومرت ساعة وطلع حسن و دكتورين وياه اني بسرعة گلتله:
_بشروا اشلون صارت؟
حسن ربت على كتفي وگال:
_لتخاف نجحت العملية واتجاوزت مرحلة الخطر بقى بس ترتاح وتتحسن بسرعة.
اني حضنته من فرحتي وابو جود گال:
_الف الحمد لله مشكورين ما قصرتوا.
دكتور ثاني گال:
_ولو هذا واجبنا اتگدرون اتشوفوها بس ينقلوها لغرفة عادية ما عليها غير العافية.
اتشكرنا منهم وحسن گال للمرضات اينقلنها لغرفة عادية والممرضات نفذن امره ودخلنالها كانت بعدها نايمة ابو جود گعد بصفها وهو يدعيلها وجود باس راسها وگعد يمها اني خابرني عمر طلعت من الغرفة وجاوبته وگلت:
_الو عمر بشر لزمته؟
هو گال:
_اي وهسة احنا بمركز الشرطة الي بمنطقتنا اشلون صارت رزان؟
اني گلتله:
_نجحت العملية وبعدها مخدرة قبل اشوية طلعت من غرفة العمليات.
هو گال:
_الحمد لله متشوف شر ان شاء الله ، تگدر تجي هسة حتى انشوف علته للرجال لأنه مجاي يعترف وياي.
اني گلتله:
_هسة اجي خليك يمه ما اتأخر.
هو گال:
_منتظرك.
رحت اطيت خبر لحسن ولأبو جود انه راح احقق مع الرجال ما اتأخر هم ماحجوا شي وگالوا:
_اخذ راحتك .
رحت بوجهي للمركز بأقسى سرعة للسيارة واني فاير من العصبية لو صايرلها شيء شحصل اني وصلت ودخلت استقبلني مسؤول المركز وعمر دخلت للرجال واول مشفته شوهت وجهة لو ما عمر موگفني كان جنزته النذل گلتله بصياح:
_منو انت؟ وليش اطلقت النار على خطيبتي؟
هو گال بتعب:
_ما كنت قاصد اضربها قصدت الرجال الي حمته هي.
اني فرت بدمي وگعت عليه ضرب واصيح عليه وگلت:
_لك نذل شنو يعني قاصد الرجال انت منين تعرفهم اصلا حتى ترميهم وبنص بيتي لك ابن ال*** ال*** احجي ليش ردت تقتله؟ منين تعرفهم؟
هو گال بصياح:
_ما اعرفهم بس اجاني اتصال من رقم غريب وهددوني اذا ما اقتل ذاك الرجال راح ايقتلون زوجتي وهي حامل حط نفسك مكاني شسوي.
اني صرخت بي وگلت:
_اتروح اتبلغ على الرقم مو تقتل بشر يانذل وشمدريك انت لو قتلتله مراح ايقتلون مرتك مثل مدگول.
هو گال وگام يبچي:
_ما كنت اريد اقتل احد انجبرت ردت ابلغ على الرقم بس هم خطفوا مرتي وهددوني يقتلوها اذا بلغت.
حاولت اهدي اعصابي وگلتله:
_منو الي اتصل بيك؟ تعرفه او اتعرفت على صوته؟ اي شيء ممكن ايدلنا عليه؟
هو گال:
_كان صوت غريب ما اعرفه .
سألته وگلت:
_زين الصوت كان صوت بنت لو رجال؟
هو گال:
_صوت رجال .
اني گلت لعمر:
_عمر اتعقبوا صاحب الرقم ومكان تواجده وتأكدوا من سلامة زوجته.
واشرت على الرجال هو اتشكر مني وعمر گال:
_ان شاء الله ما اطول ساعة والمعلومات اتصير بيدك.
وطلعنا واتصل علي يزن جاوبته بسرعة وگال:
_كيان تعال للمستشفى بسرعة رزان انتكست حالتها.
اني وگف گلبي وگلت بسرعة:
_جاي ما اتأخر.
وركضت للسيارة وعمر صعد وياي وسقت للمستشفى بأقسى سرعة ومرتين ردت اسوي حادث عمر سألني شكو وگلتله على حالة رزان وصلت وركضت لغرفتها شفت الدكاترة فوگ راسها وحسن يحاول يرجع نبضها گلبها ما بي نبض اني هنا وگف گلبي وراسي ثگل ورجلي ما اتشيلني بعد وگعت على ركبتي وعمر لزمني اني بس مصدوم واباوع عليها وادعي ميصيرها شيء ويرجع نبضها.
حسن اطر يسعقها حتى يرجع نبضها بس بعيد عن الجرح سعقها مرة و مرتين ماكو نبض بالمرة الثالثة رجع نبضها وحسن اطاها ابرة لتنضيم ضربات القلب ورجع نبضها طبيبعي اني دمعت عيني من فرحتي وحمدت ربي الف مرة لأنه رجعتلي حبيبتي سالمة حسن بقى يفحص بيها وعمر وگفني واحد من الدكاترة گال:
_لتخافون كان متوقع يضعف گلبها وهسة اتجاوزت الخطر وميتوقف گلبها مرة ثانية ان شاء الله.
اتشكرت منهم وابو جود هم وطلعوا حسن گال للمرضة:
_تگدرين ترحين لشغلج اني باقي يمها.
وهي طلعت وحسن گال:
_خلونا نطلع ننتظر برة ميصير كلنا نبقى يمها.
طلعنا من الغرفة وابو جود وجود ويزن گعدوا على كراسي لأستراحة واني مستند على الحايط مقابيل غرفتها وعمر راح ايجيب مي.