عشق الشيخ ملكني

النهاية

اشلونكم حبايبي 💜

ردت انزل البارت البارحة بس گلت خلي اسويه البارت الأخير لانه وصلت للحكم والاهداف الي اريد اوصلها الكم واتمنى اتكون وصلتكم.

اتمنى تقرأون هذا البارت لحد اخر كلمة وتطوني رأيكم ولا انسوني بالفوت 👈⭐ والتعليق علي الفقرات 👈💬 قبل ما تقرأون.

اعوفكم مع البارت 😘

كيان:
احجي اني وعلاء واتصلت على عمر فتح خط الحمد لله گلتله:
_وين صرت اخابرك متجاوب مو گلتلك لسد تليفونك وينك هسة؟
جاوبني صوت غريب وامبين متوتر:
_العفو ابني بس صاحب الرقم سوة حادث مميت بمنطقة *** واسعفناه واحنا بالمستشفى ميقبلون يعالجون الولد اذا مو واحد من اهله موجود وحالته كلش خطرة استعجل ابني تعال لمستشفى ***.
اني ما اگللكم اشصار بگلبي احس سجاجين وانغرزت بي وحيلي انهد گلت بس كلمة وحدة واني مصدوم ومفزوع بنفس الوكت:
_جايكم.
ركضت للبيت لبست الزي العسكري ودزيت علاء وجعفر قبلي للمستشفى رزان شافتني مخبرص خافت اخذت اسلاحي وتليفوني وسويج سيارتي الثانية وطلعت بدون ما احجي شي وسقت بأقسى سرعة للسيارة بعد نص ساعة وصلت ودخلت وبوجهي لغرفة العمليات لأنه جعفر خابرني اروحهلم بسرعة ميقبلون يدخلوه وصلتلهم وشفت علاء وجعفر يتعاركون مع الدكاترة وعمر على السدية والممرضين فوگ راسه كله اجروح من راسه لرجله والگزاز ماليه وينزف الدكاترة شافوني وجهم انخطف شافوا رتبتي العسكرية وكلش عصبي خنگت مدير المستشفى كان موجود وياهم واعيط عليه واگول:
_اذا صار شي لعمر من ورة تأخيركم احسب الله ما خلقك واحرگلك المستشفى فوگ راسك واشوف يارجال ابن امه وبوه يمنعني.
عفته وعطت بالدكاترة:
_الكلام الكم اتحركوا وعالجوه لا اخسركم شغلكم وحگ علي.
كلها گامت تطافر والممرضين دخلوا عمر للعمليات مدير المستشفى گلي بعد ما سحب انفاسه:
_لا اتخاف ان شاء الله يكوم بالسلامة دكاترتنا من افضل الدكاترة هنا ومراح يقصرون.
اني باوعت عليه والنار تطلع من راسي وهمست گدام وجهه بهسهسة گوة مسيطر على اعصابي:
_ادعي ربك يگوم بالسلامة لا محد يخلصك من ايدي.
هو بلع ريقه واومألي وراح اني گلت لعلاء:
_منو اسعف عمر اريد اشوفه.
هو گال:
_رجال جبير بالعمر هو وابنه سايق تكسي گاعدين بالأستراحة الضابط ياخذ افادتهم.
اني گلتله:
_خليك هنا انت وجعفر ما اتأخر.
اومألي واني رحت للأستراحة ادور عليه شفت الضابط يحجي وية واحد شاب رحتلهم وسلمت عليهم الضابط شاف رتبتي ضربلي تحية ربتت على كتفه وحاجيت الولد:
_انت الي اسعفت عمر جاسم؟
هو مدلي ايده حتى يصافحني بادلته وگال:
_نعم سيدي كنت ماخذ والدي للدكتور وبطريق رجعتنا للبيت شفنا حادث سيارة والسيارة ضاربة السور ومگلوبة اكثر من مرة امبين صاحبها ساق بسرعة وما انتبه للأستدارة الحادة والعالم ملتمة نزلنا نفتهم شنو السالفة ساعدت الشباب وطلعنة صاحب السيارة قبل لا تشتعل بس كان الگزاز مالي وهو فاقد وعيه محد عنده سيارة شلته واسعفته لهنا وهذا كلشي صار سيدي.
اني اومأتله وگلتله:
_وين والدك خلي اشوفه.
هو اشرلي بمكانه كان گاعد على كراسي الأستراحة ويشرب مي رحتله والضابط والولد وياي سلمت عليه هو شافني راد يكوم ما خليته بادلني السلام وگعدنا وياه وسولفلي السالفة مثل كلام ابنه اتشكرت منهم واطيتهم افلوس مقابل انقاذهم لعمر لين دريت منطين لوحدة من السيطرات مقبل صاحبها يعبرهم اذا ميدفعون مبلغ معين هم اتشكروا مني واتحمدوا لعمر بالسلامة وراحوا والضابط اخذ ارقامهم قبل ليرحون وراد يروح بعد ما اخذ افاتي وافادة علاء وجعفر بس گلتله:
_السيطرة الحجة عليها الرجال اريدك تلقي القبض عليهم بتهمة التزوير والتهديد للمارة وما اطلعه لحد ما اني اجي واشوفه مفهوم؟
هو ضربلي تحية وگال:
_بأمرك سيدي.
اتشكرت منه وراح گعدنا كلنا گدام غرفة العمليات واجو عمامي وگلنالهم السالفة هم خطية قلقوا عليه مرت ساعة تقريبا وطلعت ممرضة خايفة گالت:
_نحتاج ابرة ما متوفرة عدنا لازم اتوفروها بأقل من نص ساعة.
اخذتها منها وگلت لجعفر وعلاء:
_ابقوا هنا اني راح اجيبها.
هم محجوا اني ركضت لسيارتي ورحت لمستشفى**
وصلت خلال 10 دقايق لين سيارتي سريعة وگلتلهم على الابرة شافوها گالوا ما عدهم وصوني على مستشفى ثانية تبعد ربع ساعة اتشكرت منهم وصلتلها واطوني الأبرة ورجعت للمستشفى بسرعة واطيتهم الأبرة اخذها الممرض ودخل لغرفة العمليات وكلنا متوترين وگاعدين على نار ربع ساعة وطلعوا الدكاترة وگال واحد منهم:
_الحمد لله على سلامته اتعدة مرحلة الخطر وننتظره يگعد بعد 24 ساعة ونتأكد من حالته ولذلك الوقت راح يبقى تحت العناية المركزة معافى ان شاء الله.
ودكتور ثاني گال:
_العملية كانت صعبة لانه متأذي بأكثر من مكان بأصابات عميقة ونازف هواي دم بس الحمد لله كان متمسك بالحياة وباقي بس يستعيد وعيه وما عليه شر ان شاء الله.
اتشكرت منهم هم اومأولي وراحوا والممرضين كلساع طابين وطالعين على غرفة العناية البيها عمر احنا نگدر انشوفه من الجامة الأجهزة مربطة بي وجسمه كله ملفوف بشاش واكو كسر برجله اليسره مجبسيها وراسه ملفوف بشاش طلع واحد من الممرضين گال:
_لازم يبقون بس شخصين مع المريض ممنوع تبقون كلكم.
وراح بعدها اني گلت لجعفر:
_جعفر اخذ عمامي و روح للبيت ماكو داعي تبقون اني هنا باقي وشيصير اطيكم خبر.
هو هزلي راسه وگال:
_اوصلهم وارجع ما اعوفكم وحدكم.
علاء گله:
_اني باقي وياه انتم ارتاحوا وباجر الصبح تعال.
هو بعد محجة بس اومألنا واخذ عمامي وراحوا اني گعدت على كراسي الأستراحة وعلاء بصفي ما حجينا شي بس مترقبين القادم وندعي ايگوم عمر بالسلامة.