عشق الشيخ ملكني

part:29

اشلونكم حبايبي البارت طويل استمتعوا 😘

لا تنسوني بالفوت 👈⭐ والتعليق على الفقرات 👈💬 قبل متقرأون البارت 😘

ملاحظة:
لا تقرأون البارت اذا صايمين حتى لا يخرب اصيامكم
" اللهم اني ابلغت فأشهد "
غير هيج قراءة ممتعة 💜

رزان:
يزن ساعد حبيبي ودخله لغرفة عمتي واني رحت لغرفتنا جبتله ملابسه ودخلت لغرفة عمتي ويزن طلع وسد الباب كيان گاعد على السرير من شافني وگف وجهه مگلوب گلتله بهدوء:
_حبيبي هاي ملابسك ليش ضايج وعصبي صاير شيء؟ اكو شيء يوجعك؟
هو اتقرب علي ودفعني على الحايط وحاصرني وگال بهسهسة وهو راص على سنونة من عصبيته:
_اني شگلتلج قبل لا اطلع من البيت ها؟
اني بس صافنة عليه ومستغربة شنو يقصد هو ضرب الحايط بصف راسي فززني ورجع گال:
_شگلتلج احچي؟
اني گلتله بهدوء:
_على شنو تقصد كيان مجاي افهم.
هو لوة ايدي وعصرها ورة ظهري اذاني وگال:
_مو گتلج ولد عمامي وخوالي راح يبقون يمنا وظلج متخليهم ايشوفوه گلت لو ما گلت؟
اني ايدي گامت توجعني يحچي ويلوي بيها حيل اني بقيت محافظة على نفس هدوئي وملامحي باردة ما اريد ابين ضعيفة گدامه گلتله:
_اي وهيج سويت محد منهم شافني النهار كله اشتغل وية البنات ويم عمتي.
هو گال بعصبية بس ما ايصيح حتى محد يسمع:
_لعد خالد ابن خالي وين شافج ها؟ لج اتخيلي يحچي هو وجلال يتغزل بيج وبصوتج وجمالج بكل صلافة گليلي وين شافج ويييييييين.
گال اخر شيء وهو يضرب بالحايط ايده گامت اذب دم وجرحه هم ذب دم وعيونه حمر اني انرعبت حاولت اهدي ما يهدأ وگلي بالأخير من اذاه گلبه:
_اطلعي برة احسابج ما خلص.
اني گلتله وارجف:
_خلي بس اشوف جرحك جاي تنزف.
هو لوة ايدي من ردت الزم كتفه وگال:
_گتلج اطلعي برة لا اتخليني اطلع من طوري.
ودفعني على الباب واني مصدومة هاي اول مرة هيج يصرف وياي وايدي انخدشت بحافة الميز شاطت روحي بس ما بينت شيء واتحملت التفتت عليه مطيني ظهره ويتنفس بعصبية عفته وطلعت وگلت ليزن ايشوفه هو صفن علي ما اعرف ليش ودخل على كيان واني مرام وهند سحبني ودخلني لغرفة مرام سألني ليش عصبية وگلتلهن السالفة مرام گالت:
_ايدج تنزف خلي اشوفها.
هي جابت علبة الأسعاف وگامت اتعالج ايدي ومن كملت ابتسمت وگعدت ابصفي وگالت:
_رزان انتي اتعرفين كيان اجگد ايحبج ويغار عليج من الهوة هو هيج طبعه اصبري عليه بس يهدأ يرجع ويعتذر منج لا اتضوجين.
اني گلتلها بهدوء:
_ما زعلت منه واعرف هذا الحچي واني اكثر منه اغار واحبه اكثر من روحي مرام اذا انخدش احس الخدش بگلبي .
ما اتحملت ودمعت وكملت كلامي وگلت واني لازمة ايدها واباوع بنص عيونها ودموعي تنزل:
_مرام اني مو بس احبه ولا اعشقه اني متيمة بتفاصيله مو بيدي هايمه بعشقه وما اشوف غيره وكل تصرف مني وحركة احسبلها الف احساب حتى محد يقلل من شأنه او يمسونه بكلمة بسببي ، گليلي شسوي وهو هيج عصبي وما ايباوع بوجهي وجرحه ينزف وايأذي نفسه بسببي شسوي احس جمر بگلبي مرام گلبي يحترگ وهو ميخليني اتقربله والله مو قصدي اخلي احد ايشوفني من الولد وحرصت محد ايشوفني شسوي گليلي المشاكل تلحگني واني ما امأذية احد ليش هيج يعاملني مرام يعني هو ما عنده ثقة بحبيبته؟