عشق الشيخ ملكني

part:26

اشلونكم حبايبي البارت طويل استمتعوا 😘 اشكركم على تفاعلكم الرهيب ودعمكم الخرافي وتعليقاتكم الي احسكم من وراها راح تقتلوني احبكم واعوفكم مع البارت 💜

لا تنسوني بالفوت 👈⭐ والتعليق على الفقرات 👈💬 قبل متقرأون البارت 😘

رزان:
بعد مرور يومين كيان اخذني لبغداد حتى اقابل سكرتير بابا ونزار انحكم عليه بالسجن 15 سنة مع الأعمال الشاقة كيان سألني:
_ليش طلبتي مني امثل مسرحية الأنفصال قبل يومين بشنو اتفكرين؟
اني ابتسمت وغمزتله وگلت:
_راح تعرف بس نرجع لا تستعجل حبيبي.😉
هو باس ايدي وكمل سياقة وصلنا لبغداد الظهر الساعة 1:30م وبوجهنا للشركة اتصلت على سكرتير بابا وطلعلنا للگراج سلمنا عليه واخذنا الأوراق وگلي:
_ديري بالج عليهن هذن دعامة الشركة مال والدج لا تطيهن لأحد اذا ما كان موثوق افتهمتي بنتي؟
اني گلتله:
_ان شاء الله لتخاف عمي هن بحمايتي اشكرك على اخلاصك لوالدي ولعائلتنا تعبناك ويانا.
هو گال:
_ولو بنتي والدج الله يرحمة كان صديقي واله فضل علي واي شيء تحتاجونه اني موجود وبخدمتكم الله يرحمة والبقية بحياتكم لازم ارجع لا ايشكون بغيابي.
اني گلتله:
_ويطول بعمرك عمي الله وياك متقصر.
راح ورجعنا للسيارة قريت الأوراق كانت عن التجارات المشتغلها بابا وعن تأسيس الشركة هاي الأوراق اذا وگعت بأيد الخطأ ممكن يستغلها حتى ايدمر الشركة ويزورها لصالحه كانت مهمة كلش اتنهدت وحبيبي گلي:
_شراح اتسوين هسة ومنو راح يتولى شركة والدج؟
اني گلتله:
_راح احچي مع جود وانشوف شنقرر بخصوصها ما اعرف بعد.
هو اتفهم بعدين گلي من وصلنا لمطعم شعبي:
_تعالي خلي نتغدة ما جعتي؟
اني گلتله:
_ميتة جوع مو بس جوعانة.
هو ابتسم ونزلنا ودخلنا للمطعم اني طلبت بيتزا حجم وسط وفنگر وعصير برتقال وجود طلب برگر وفنگر وكولا جاب النادل الطلب وهو يباوع علي ويتغمز اني مهتميتله بس جود صار عصبي اني حتى متصير مشكلة كلت للنادل بعد ما اطانه الطلب وضل واگف:
_بعد منحتاج شيء شكرا تگدر اتروح لشغلك.
النادل فشل وراح وكيان بعده عصبي گلتله:
_حبيبي اهدأ وخلينا نتغدة لتخرب مزاجك من هيج نماذج مريضة.
هو اتنهد وگال:
_اكلي انتي فقدت شهيتي.
اني ابتسمتله اخذت قطعة من البيتزا وكلته بأيدي غصباً عليه هو ابتسم واكل طبيعي واني اتغزل بي وكلساع لاعبة برجلة من جوة الطاولة هو گلي بعد ما شرب رشفة من الكولا:
_اذا ضليتي تتحارشين هيج راح اسوي شيء تندمين عليه.
باوع على شفتي وغمزلي 😉 فهمت قصده ابتسمتله وعفته كملنا اكل ودفع كيان الحساب ورجعنا للسيارة والطريق كلة كيان يتغزل ويتحارش بيه واني ميته خجل ميبطل اسوالفه هسة اني منو چذب علي وگلي اتحارشي بي بالمطعم هاي نتائج اعمالي وصلنا للبصرة بليل الساعة 12 قبل لا ننزل من السيارة گلت لكيان:
_حبيبي كمل تمثيل انك عصبي ومو طايقني وسوي مشكلة من اي شيء.
كيان اتنهد وگال:
_رزان لا اطولين الموضوع مليت من هذا الوضع ما احب اصيح لو اتجاوز عليج خلصي التردي بسرعة.
اني گلتله :
_حبيبي هانت باجر الصبح ينتهي كل شيء بي اتحمل اليوم.
هو گال:
_ان شاء الله خير انزلي.
نزلنا ندخل للبيت گلتله:
_حبيبي خلي انروح لبيتنا انشوف جود عندي حجي وياه.
هو كال:
_ماشي امشي انروحله.
رحنا لبيتنا وكيان فتح الباب بالمفتاح لعندي ودخلنا جود اجانه من غرفة الضيوف وكان مفزوع بس من شافنا ارتاح اني رحت حضنته هو بادلني وگال:
_هلة بيكم نورتوا بيتكم.
اني گلتله:
_منور بيك حبيبي اسفين فزعناك.
هو گال:
_لا مصار شيء بس عبالي حرامي او شيء زين من طلعتوا انتم.
اني گلتله:
_تمام تعال خلي نگعد بالصالة عندي حچي وياك.
هو اومألي وكعدنا بالصالة بعد ما سلم على كيان وحضنه گعدنا اني وكيان وجود مقابيلنا وگلي:
_گولي حبيبتي اسمعج شنو هاي الأوراق لبيدج؟
واشر عليهن اطيتهيا وگلتله:
_حبيبي هاي اوراق الشركة مال بابا لكلتلك عليهن السكرتير اليوم انطانياهن.
هو قراهن وافتهم الموضوع وكلي:
_تمام هذن الأوراق مهمين ملازم يوگعن بالأيد الخطأ.
اني گلتله:
_صحيح عندي اقتراح علمود شركة بابا.
هو گال:
_گولي حبيبتي اسمعج.
اني گلتله:
_شنو رأيك انخلي سالم يتولى شركة بابا تعرف هو رجل اعمال ويشتغل هو وعمي وعمي ملتهي بشركته وسالم بالأصل يريد ايأسس شركته الخاصة فليش ما انسلمه شركه بابا واسهم ماما تبقى نفس ما هي 40% سالم يطي ماما مصرفها ولتحتاجه وفقاً لأسهمها بالشركة وانت اتكون محامي الشركة اضافة لشغلك بوكالة المحامين شنو رأيك؟
هو ابتسم وگال:
_واني فكرت نفس الشيء بس لازم ناخذ رأي امي قبل لا انقرر ونسأل سالم اذا يوافق بس ما انجيبلهم سيرة هاي الأوراق وتبقى يمي شنو رأيج؟
اني گلتله:
_ماشي بقى ننتظر ماما تگعد من غيبوبتها حسن گال راح تگعد قريباً ان شاء الله لأنه جاي تطي رد فعل بعيونها وبأصابيعها وبعدين نسأل سالم اذا وافقت امي والأوراق بقيهن يمك اكيد.
هو اومألي بتفهم وكيان گال:
_تمام ما دام اتفقتم احنا راح نرجع للبيت نرتاح تصبح على خير حبيبي.
جود گاله:
_براحتكم وانتم بخير.
وطلعنا من البيت ورجعنا لبيت الشيخ وقبل لا ندخل كيان مثل العصبية اعرف الحية واختها گاعدات ومنتظراتنا دخلنا واني صعدت لغرفتنا الكل كان نايم محد گاعد وكيان راح يشرب مي من المطبخ اشوية وصعد اني بدلت وردت انام وهو دخل وسوة نفس الشيء راد ينام يمي مخليته واشرتله على التخم بالغرفة هو اتنهد وراح نام على التخم ونمنا كيان نام بسرعة من التعب واني كنت مطية ظهري لباب الغرفة ومثلة النوم وكاميرة تليفوني موجهتها للباب بس اشوية وانسد الباب اني التفتت شفت ماكو احد وشفت تسجيل التليفون طلعت الحية فاطمة هي فتحت الباب وقبل لا تطلع ابتسمت اني اعلمج خلي يجي الصبح يا فاطمة.