عشق الشيخ ملكني

part:8

البارت مو طويل 😇
قراءة ممتعة ❤

وصلنا للشط و سالم وجود بدوا ايحضرون المنقله والفحم وغراض الشوي و ماما وسارة ايحضرن السمج والكباب و غيره واني وفاطمة انحضر السفرة فرشناها و جهزناها وبابا وعمي راحو ايجيبون عصاير و مشروبات غازية وغيرها خلصنا و فاطمة گالت لماما وسارة:
_احنا كملنا راح نتمشى اشوية على الشط لحد متكملون شوي.
سارة گالت:
_روحن حبيبتي بس لا تبتعدن هواي .
اني گلتلها:
_ان شاء الله.
ما اخذنا جنطنا ولا تليفوناتنا لين گلنا مراح نبتعد هواي ومن ايكملون ايصحلولنا نزلنا من التلة للشط وگمنا نمشي على الرمل و انسولف الأجواء اتخبل اكو كومة عوائل بما انها عطلة اكو الي يشوون والي ايصيدون سمج و الي ايلعبون بالرمل و غيرهم.
اتونسنا و خلصناها تصنيف على العالم و فاطمة گصتهم گص بلسانها واني ميته ضحك محد سلم منها كنا نمشي واكو 2 ولد يمشون ورانا فاطمة ما منتبها عليهم بس اني انتبهت صارلهم نص ساعة ورانا گلت لفاطمة:
_خلينا نرجع حتى لا نبتعد اهواي صارلنا هواي نمشي.
كل نيتي اريد اعرف اذا الولد متقصدين يمشون ورانا لو صدفة هي گالت:
_ماشي خلي انروح لذيج الصخرة نگعد عليها.
جانت بعيدة علينا اشوية المهم رحنالها وجان ظني بمكانه ذول يتقصدون يمشون ورانا من وصلنا للصخرة سمعتهم يحجون كلام معجبني وفاطمة انتبهت عليهم وگالت:
_هذول يقصدونا بكلامهم مو؟
كان كلامهم قذر مثلهم اني گلتلها:
_معليج بيهم امشي خلي نرجع لا يقلقون علينا.
هي هزتلي راسها بمعنى اي وجاي نرجع والولد بعدهم ورانا وكلامهم استفزني بس سكتت شفت جود وسالم جاي اينزلون من التلة يجون علينا وما احس غير شالي ينجر من ورة التفتت وشفت واحد من الولد لازم شالي اني گلتلة واحاول اتمالك اعصابي حتى لا اظلمه:
_رايد شي اخي؟
هو گال بقذارة:
_اي اريدج.
اني گلت وبعدني متمسكة بأخر خيوط صبري:
_احترم نفسك وامشي بطريقك بدون مشاكل احسلك.
الولد ضل يضحك والولد الثاني ايباوع على فاطمة بطريقة قذرة ما اتحملت وضربته راجدي مراح ينساه بعمرة وگلت:
_نزل عينك يا عديم الشرف.
هو راد يلزم ايدي اني ما اطيته مجال لزمتها ولويتها و نزل على ركبته لدرجة حركة غلط تنكسر وهو گال:
_عوفي ايدي يا حيوانة اني اعلمج اشلون اتمدين ايدج علي مرة ثانية.
الولد الثاني لزم فاطمة من ايدها بس هي ما اطته مجال وضربته على رجله و بطنه برجلها هو اتوجع اشوية وراد يضربها بس سالم لحگ عليه وضربه على وجها بوكس علمه قدره.
والي اني لازمته جود وخرني منه وضربه هم على وجها وگال:
_روح بطريقك احسن ما تكبر الشغلة واندمك على الساعة لشفتني بيها.
لزم ايدي و سالم هم لزم ايد فاطمة وجاي نرجع بس الحقير الكنت لاوية ايده گال:
_واذا كبرتها اشراح اتسوي تشكيني لأمك مثلا اذا حلوة مثل هاي عرفنا عليها.
جود شگللكم النار تطلع من عينه و اني مو اقل منه و سالم اعصابه مشدوده من العصبية و فاطمه اتحاول تهدي الولد الثاني اشر لجماعتهم يجون جان عددهم تقريبا 5 اشخاص مع هذول الحقراء ايصيرون 7 وجود عافني وراح يضرب بذاك الي اطاول بالكلام و سالم وياه ومن راد صديق الولد ايوخر سالم وجود من صديقه سالم اتهجم عليه و جماعتهم اجو ايركضون اني ما عرفت شسوي فاطمة اتصيح على سالم ايعوف الولد لين راح ايموته وجود مو اقل منه.
واحد من جماعه الحقير لزمني ولوة ايدي ليوره وحط سچينة (سكين) على رگبتي وفاطمة نفس الشي و 3 الباقين راحو ايدافعون عن اصدقائهم من جود وسالم بس اخذو نصيبهم من الضرب لحد ما الي لزمني صاح على جود وسالم:
_اتوخرون من اصدقائي لا هاي الحلوة اتروح لربها وانتم تتحملون النتايج.
جود من شافني بيد الولد وسالم هم من شاف فاطمة بيد الولد اصطكوا مكانهم اكو اثنين من اصدقائهم شايلين حدايد ضربوا سالم برجله و جود بكتفه اني وفاطمة صرخنا يمة كلشي ولا اخوتي اموت گلت:
_عوفوهم يا حقراء لو زلم شوفونا عرض اكتافكم مو تتقاون بحدايد يا انذال.
وفاطمة هم غلطت عليهم و سبتهم من حرگة گلبها اني دست على رجل الي لازمني و ضربته ابطنه اتوجع بس ما فلتني اريد اوخر السچينة من رگبتي بس الحقير لاوي ايدي وفاطمة هم رادت اتحرر نفسها مگدرت الحقير ضغط بالسچينة اقوى لا رگبتها اني عطت عليه:
_عوفها يا نذل لو بيك خير ما تتقاوى على مرة يا جبان.
الي لزمني گال:
_حيري بنفسج اول شي ليش مستعجلة راح اتلحگين على موتج ولو هذا الجمال ميستاهل يندفن بالتراب.
اني لعبت نفسي ايدي اذا حركتها راح تنكسر بس تنكسر ولا اضل بين اديه عضيت ايده لبيها السچينة انجرحت شفتي اشوية و ضربته ابطنه هو ما فلت ايدي ولواها اكثر ضربته بركبته وگع بالگاع بس الحقير نومني على الرمل وراد يخنگني جود عاط عليه وراد يجي يوخره بس الشايل حديدة ضربه على ظهره اني اختنگت ما اگدر اوخره من فوگاي فجأة شفت واحد ضخم رفس الحقير بصفحته و وخره مني باوعت على هاذا الساعدني واذا صدمة عمري گدامي الصاك واگف گدامي گومني وسألني:
_بيج شيء اتأذيتي احجي اكو شي يوجعج؟
جاوبته واني بعدني مصدومة:
_لا ما بية شي.
الي جان خانگني گام وراد يضرب كيان بس كيان لزم ايده وكسرها و ضل يضرب بي و فاطمة الوسيم حررها من ايد النذل واجت ركض حضنتني واني بادلتها الصاك جانوا وياه جماعته 5 گاموا ايضربون بالولد لحد ما فقدوا الوعي.
وكيان ساعد جود يوگف و الوسيم ساعد سالم و سألوهم اذا يأذيهم شي هم گالوا ماكو شي ضربات بسيطة واتشكروا منهم.