عشق الشيخ ملكني

part:21

اشلونكم حبايب 🌙 رمضان كريم 🌙 ينعاد عليكم بالخير والبركة ان شاء الله وتكون ايامكم كلها فرح و سعادة هذا رمضان غير شكل ⭐ لا اتفوتون الجمعات مع اهلكم وعيشوا الأجواء الرمضانية مو شرط لازم نطلع من البيت حتى انعيش بهذه الأجواء الطاهرة لأنه رمضان بالقلب ومع الأهل الله يصبركم ويتقبل اجرنا واجركم يارب 😘

اسفة على التأخير بس غيرت اشوية من الفقرات ما عجبتني قراءة ممتعة للبارت 😍

لا تنسوني بدعمكم بالفوت 👈⭐ و التعليق 👈💬 واتمنى تجاوبوني على اسألة نهاية البارت 😘

رزان:
صوت الخطوات وگفت بصفي من الجهة اليسرة وصاحبها گال:
_سامحيني مو بيدي.
كان صوت بنت فتحت عيوني ويشفتها تريد اتحط ابرة بالمغذي ما اعرف شنو بيها بس البنت كانت تبچي خفت عدلت گعدتي ولزمت ايدها الي بيها الأبرة بأيدي اليسرة والجرح گام يوجعني بس مهتميت وگلتلها:
_شجاي تسوين؟ وشبيها الأبرة؟
هي خافت و دفعتني على السرير حيل وضربتني على الجرح صرخت هي وگعت الأبرة منها ومن صرخت خافت دخلت امي وعمتي على صوت صراخي هي بسرعة اخذت الأبرة وگالت ماما:
_شبيج حبيبتي ليش صرختي يوجعج شيء؟
اني شفت الممرضة تريد تطلع والأبرة بجيبها الجرح گام ينزف وعمتي تصرخ على الدكاترة حتى واحد يجي گلت لجود هستوه كان يريد يدخل:
_جود الزم الممرضة لا اتخليها تهرب.
هي دفعته ورادت تهرب بس هو لزمهة وفوتها للغرفة واجوا الدكاترة حسن فحص جرحي وگال:
_هاي اشلون هيج انفتح الجرح؟
اني گلت بصوت متقطع لأنه انفاسي صارت سريعة وگلبي ينبض بسرعة:
_ال ... الممرضة ... رادت ... تحط ... اب ... ابرة ... ما ... ما اعرف شبيها ... بال ... بالمغذي ... وضربتني ... عل ... على الجرح.
اني بعد محسيت بشيء.

حسن:
من دخلنا على رزان اني والدكاترة الي وياي وشفت جرحها خفت لانه كان ينزف بشكل رهيب وانفاسها مگطوعة ونبضات گلبها سريعة گالت الممرضة رادت تحط ابرة بالمغذي واحد من اصدقائي اخذ الأبرة منها واطاهة للممرض وگال:
_اخذها لقسم التحليل خلي ايكشفون على شنو تحتوي بسرعة.
الممرض اخذها وراح والمرضة تبچي وادگول:
_لا اتبلغون الشرطة والله كنت مجبورة عندي طفل عمرة سنتين بقيته عند جيرانه ما عنده غيري لازم ارجعله فدوة لا اتبلغون الشرطة.
اني صرخت على الممرضات الواگفات عند باب الغرفة:
_حظروا غرفة العمليات بسرعة واكياس دم زمرة O- ما اريد تأخير ، الباقين حضرولي سدية اتحركوا.
الكل گاموا يطافرون واني فصلت الأجهزة عن رزان و و جاسم دكتور صديقي اختصاص تخدير ايساعدني الممرض جاب سدية و امير دكتور صديقي نفس اختصاصي گالي:
_روح انت جهز نفسك بسرعة واحنا انجيبها لغرفة العمليات.
اني اومئتله وطلعت ركض لغرفة العمليات لبست الملابس الخاصة بالعمليات وعقمت نفسي واتفقدت التجهيزات وكان كلشي كامل وجابوا جاسم وامير رزان وحطوها على السرير و جاسم ربطها بالأجهزة وخدرها و اني وامير بلشنا بتقطيب الجرح وايقاف النزيف وكان كل شيء طبيعي ومسيطرين على الوضع وجاي انضمد بالجرح بعد ما كملنا كلشي واذا الممرضة الي تراقب الأجهزة ادگول بعد ما قرت جهاز نبضات القلب:
_المريضة گلبها وگف وضغطها منخفض و تنفسها ضعيف.
اني هبطت وصحت على الممرض:
_جيب جهاز الأنعاش بسرعة.
هو جابة والممرضة حطت المادة الزيتية عليه وگلتلها:
_200 درجة بسرعة.
وهي درجة منخفضة للجهاز ضبطت الجهاز وگلت:
_تفريغ.
الكل ابتعد وصعقت رزان ماكو استجابة من الگلب گلت:
_250 درجة.
درجة متوسطة للجهاز كمل شحن وگلت:
_تفريغ.
صعقت رزان ونفس الحالة اني هبطت النفس انقطع گلت:
_300 درجة بسرعة.
امير عاط بية وگال:
_هاي درجة عالية راح اتموت البنت.
اني عطت بالممرض:
_اشحن الجهاز 300 بسرعة.
هو شحنه وگلت:
_تفريغ.
صعقتها وماكو استجابة ما اگدر بعد ذبيت الجهاز وسويت تنشيط للقلب يدوياً واني اگول:
_يلة رزان مو انتي ليموتج خدش بسيط يلة اتنفسي.
امير راد يبعدني مخليته واستمريت وگلت لجاسم لمن راد يبعد جهاز الأوكسجين منها:
_لا راح اتعيش بقي بعد مراح اتموت.
وگلت للممرض :
_اشحن الجهاز 350 درجة.
امير صرخ بية وگال:
_اتخبلت الحالة ماتت اتقبل الوضع اعرف صعبة عليك لأنه ولا حالة ماتت بأديك وهاي اول مرة بس اتقبل الفكرة.
اني عطت بالممرض :
_اشحنه وعلى مسؤوليتي.
هو شحنه وگلت:
_تفريغ.
وصعقتها ماكو نبض اشوية ثواني وشهگت رزان والممرضة گالت:
_رجع النبض بس ضعيف والتنفس ضعيف والضغط متوسط.
اني گلت للممرضة الثانية:
_ابرة تنشيط القلب بسرعة.
اطتنياها وحقنتها بالوريد دقيقتين وگالت الممرضة:
_النبض طبيعي الضغط طبيعي التنفس طبيعي ماكو نزيف داخلي .
اني اتنفست الصعداء وامير و جاسم باركولي ومصدومين امير گال:
_الحمد لله على سلامتها اسف شككت بالحالة اعذرني.
اني ابتسمت وگلتله:
_مصار شيء بس خلي ابالك شغلة لا تفقد الأمل من المريض لحد اخر نفس ممكن اتقدمه اله وتنقذه.
هو اومئلي وابتسم وگال:
_ان شاء الله.
جاسم وهو يبعد الأوكسجين من رزان وفرحان:
_روح انت بشر الأهل واحنا ننقلها لغرفتها وارتاح تعبت اليوم.
اني اومئتله واتشكرت منهم وطلعت شفت امي وام رزان يبچن ويدعن لرزان بالسلامة وجود يحچي هو والشرطي علاء صديق كيان وعمر يحاول يهدئ بكيان وهو بس شافني اجاني بسرعة وگال:
_حسن اشلون صارت رزان بشرني.
اني ابتسمت وربتت على كتفه وگلتله:
_لا اتخاف شيخ الشباب مريتك گوية واتجاوزت الخطر اشوية وينقلوها لغرفتها.
هو اتنهد براحة وحضني بادلته والباقين كيفوا وتحمدولها السلامة واجه ممرض بأيده اوراق گالي:
_دكتور هذي نتائج تحليل المختبر للأبرة.
اخذتها منه وقريتها وانصدمت كانت تحتوي على مادة سامه تقتل الشخص بعد دقايق بس ياخذها وعلاجها نادر ممتوفر غير بالمختبرات الأمريكية .
اني باوعت على كيان وهو اخذها مني وقراها وانصدم وصار عصبي وعروق رگبته وايده برزن وجهة صار احمر من العصبية وراد يهجم على الممرضة بس اني وعمر لزمناه وگام يصرخ عليها وهي بأيد الشرطية وتبچي گاللها:
_لج شنو من بشر انتي وممرضة فوگاها هيج اتعلمتي اتموتين العالم؟ منو دزج اتقتلين مرتي احچي.
ما جاوبته وضلت بس تچي گاللها بصياح:
_لج احچي منو دزج؟ ليش ردتي تقتليها؟ اذا محجيتي صدگيني اموتج ومحد يمنعني احچي بنت ال*** ال*** ما خفتي على ابنج الخبصتينا بي وين ايروح بس تنحبسين من ورة عملتج؟
هي من سمعة حبس گامت ترجف وگالت:
_ما اعرف اجاني واحد واطاني علاگة بيها الأبرة وافلوس بحوالي 50 مليون واطاني تليفون وحطه على اذني وسمعت صوت رجال غريب گلي:
_هاي الأبرة تطيها للمريضة رزان احمد بغرفة العمليات اجتكم قبل 10 دقايق والفلوس الج اذا ما سويتي لگلته اترحمي على ابنج.
وسد التليفون والله كنت مجبورة مو بيدي.
كيان بأوج عصبيته گال لعلاء:
_علاء اخذها واحبسها مع الرجال الحققنا وياه واتأكد من صحة اقوالها.
علاء گله:
_صار لتاكل هم.
اخذها وطلع وكيان شاف رزان وهم ايطلعوها من غرفة العمليات لغرفتها وهي فاقدة الوعي هدأ اشوية وگال لعمر:
_عمر سوي لأتفقنا عليه وگلي شيصير وياك راح ابقى اهنا اذا احتاجيت شيء بلغني.
عمر گال:
_ان شاء الله.
وطلع ما اعرف وين راح جاسم اجه وگال:
_اتگدرون اتشوفوها بس لا تزعجوها بالضوضاء واذا صار شيء بلغونا.
كيان اتشكر منهم وراحوا واحنا رحنا لغرفة رزان اتأكدت من الأجهزة وحالة رزان وگلت للممرضة بعد ما اخذت فايل رزان:
_اتگدرين ترحين اني اكمل.
هي راحت وكتبت حالة رزان بالفايل لأخر ساعة مرت وكيان گال لجود:
_جود اخذ الأهل للبيت لأنه تعبانين اني راح ابقى مع رزان.
هو اومئله واخذ الأهل للبيت واني گلتله:
_شراح اتسوي هسة معرفت منو يريد يقتل رزان؟
هو جاوبني ويلعب بأيد رزان:
_راح احط حراس گدام غرفتها ومحد يدخللها غيرك وغير اهلنا ما اريد نفس الحالة تتكرر واني ما موجود ، اما الي يريد يقتل رزان راح اعرفه قريباً وحسابه عسير لا تاكل هم.
اني اقشعر بدني من نبرة صوته الباردة والجادة وكلها عصبيه وتوعد وحقد وهواي مشاعر جمعتها هاي النبرة اني محجيت بعد وطلعت .