عشق الشيخ ملكني

part:2

الساعة 5:30م كنا گاعدين بالحديقة مال البيت و الجو بارد على ابواب الشتاء و بابا وماما جوة بس احنا البنات وجود بالحديقة والجهال ايلعبون نحجي على ازواج اخواتي و جود ايصنف و متونسين و الاجواء اتخبل اجت رسالة لتليفون جود قراها و وجها انكلب بس ما حسن خواتي ملتهيات ايسولفن استأذن وگام واني لحگته لين قلقت من شفت تعابير وجها امبين اكو شيء دخل لغرفته و دخلت وراه گلتله:
_حبيبي اكو شيء؟ شنو الي وصلك وضجت گلي لا اتضم علي.
جود بهدوء:
_ماكو شيء حبيبتي لا اتخافين روحي يم البنات اريد انام اشوية راسي يوجعني.
ما لحيت عليه هواي لين سألته مرتين ومقبل يحجي اكيد راح ايگلي بعدين طفيت الضوة ونزلت يم البنات حجينا وسولفنا وأجة وقت العشاء گمنا اني و اخواتي انسوي نواشف ونخبط لبن وتمر و عصاير و جهزنا السفرة وگعدنا ونزل جود استأذن وطلع گال صديقه يحتاجه وميگدر يتجاهلة ومراح يتأخر ما سالناه اكثر وراح.
صارت الساعة 11:30م وخفنا على جود مو من عادته يتأخر وبابا قلق عليه انخابره تليفونه مغلق انخابر اصدقائه النعرفهم محد شافه اليوم وهذا خوفنا بالزايد وامي كامت تبجي و اتنوح وين راح الولد يمة ابني ومن هذا الحجي بعد نص ساعة دخل جود و امي راحتله تركض وحضنته وتبجي وهو خطية مصدوم ويگول:
_اسم الله يمة شكو ليش تبجبن احجوا شكو رزان عمري ليش تبجين كولي.
احمد:
_وين جنت قلقتنا عليك وهاي حالتنا لين اتأخرت وتليفونك مغلق وين كنت؟
جود بعد ما هداء امي:
_اهدوا واعذروني تليفوني خلص شحنه و مگدرت اخابركم كنت يم صديقي امه بالمستشفى ارتفع ضغطها واتأخرت اسف قلقتكم.
رزان وهي تركض عليه وحضنته وهمست بدون محد يسمع:
_عدنا حجي حبيبي مراح تقنعني بهذا عذرك ولا تتهرب مني اني مو حبيبتك واختك و ضلعتك لا اتضم علي.
ابتسم وحضنها و باس راسها ومسح دموعها:
_يوم اني راح اقري رزان وانام لا اتخافون وروحوا ناموا.
احمد و الباقين:
_تصبح على خير.
جود:
_وانتم بخير.
كلهم راحو لغرفهم و جود اخذ رزان وراحوا للحديقة و گعدوا ايشربون عصير و يسولفون وگالت رزان:
_حبيبي گول شكو خوفتني وين كنت وليش اتأخرت.
جود بهدوء و لزم ايدها:
_اسمعي رزان ولا اتخافين اني وياج وحزام ضهرج و امانج ماكو شي وداعتج بس اجاني تهديد لين حاكمت واحد سكران و مغتصب بنية و انحكم عليه بالسجن 13سنة لين طلع عنده سوابق وطلبوا اطلعه من السجن وهددوني واتعرفين مبدأي ما اضلم احد ولا اخاف هاي مهنتي وانتي نفس تخصصي وراح اتعرفين شقصد.
رزان بهدوء:
_وهذا الصح حبيبي اخذت حق البنت والله يوفقك و ينصرك على طول يا روحي واني وراك لا اتخاف.
جود وهو يبتسم وباس ايدها:
_اسمعيني يا روحي هددوني ايخطفونج فمن اليوم ورايح اني اوديج واجيبج و ما تحجين مع احد ابد ولا تثقين بأحد اوعديني حبيبتي اوعديني ما تحجين وية احد مهما كان وطريقج للجامعة والبيت ماشي يا روحي؟ اذا ما اني اجي اخذج مطلعين من الجامعة واذا صادف ما اجيتج بيوم تبقين مطلعين اذا ما ادزلج ابو محمد (السايق) يجيبج غيرنا مطلعين وياه وهيج لحد ما اخلص من المهدديني يا عمري افتهمتي كلامي؟
رزان وهي تحضنه وگلبها يرجف من خوفها على اخوها وحبيبها وروحها:
_وعد يا عمري وعد ما احجي وية احد ولا اختلط و اضل انتظرك لو انت لو ابو محمد اتوصلوني ولا تاكل هم راح اهتم بنفسي و لا تفكر هواي يا روحي.
حضنها حيل و هو يحاول يهدي نفسه لين خايف عليها وايموت اذا يمسها الهوى اشلون وهي مهددة بالخطف وگال:
_وهذا الأريدة وراح اخلص منهم بسرعة لتخافين اذا خفتي اني انتهي انتي نقطة قوتي وضعفي لا اتخلين احد ايهددني بيج يا عمري اموت اذا انجرحتي او انخدشتي فمراح اتهاون وياهم واله اندمهم دم على هاي سوايتهم.
رزان وهي تمسح على راسه وتحجي:
_لا اتخاف الي يرشني بمي ارشه بدم حبيبي لا تاكل همي واعتمد علي.