عشق الشيخ ملكني

part:16

البارت طويل حبايبي لعيونكم 😍

اتمنى يعجبكم البارت واعتذر عن التأخير لأن النت سيء البارحة والبارت مينشر ضوجني 😑

المهم اعوفكم مع البارت قراءة ممتعة 😘

رزان:
گعدت الساعة 9:30ص كنت نايمة بغرفة فاطمة وفاطمة هم گعدت وياي لأن ريم فوگ راسنا و اتصيح حتى نگعد فاطمة گالتها:
_يمة الگمر نازل علينا من الصبح لعد وين الشمس ضيعتلك طريقك وجاي زايرنا؟ 😏
وباوعتلي افتهمت شتريد گلت:
_اي والله وشحلاته ايگعدنا وحتى وهو عصبي ينگرط بشرفك يا الگمر كل يوم تعال گعدنا ياحلو هسة اگدر اگول بدة النهار من صدگ. 😂
وانشوفلكم ريم طماطة واگفة گدامنا من الخجل و اتباوع علينا بصدمة بعدين صيحت وگابت:
_امشن للحمام بسرعة وصحصحن الكل منتظرجن على الريوگ. 😳
وركض طلعت من الغرفة اني وفاطمة انفجرنا من الضحك هي سمعتنا وگالت:
_ماكو شي ايضحك.
احنا ضحكنا اكثر فاطمة گالت:
_اويلي اشلون فؤاد متحمل خجلها تنگرط من تخجل. 😂
گلتلها:
_اي والله گومي خلي انغسل و ننزل لا ترجع وتكتلنا.😂

اني دخلت للحمام الي بغرفتي و غسلت و بدلت وركض للريوگ اني وفاطمة ميتات من الجوع وجود وسالم صاحوا بوجهنا حتى لا نركض على الدرج ونزلتا بهدوء عود نسمع الكلام اخر باية وركض للسفرة وگعدنا جود مات من الضحك وگال لسالم:
_شوف الجوع شيسوي لو مو معدتهن منشوفهن اليوم كله.
سالم ضحك وگال وهو يلعب بشعر فاطمة گاعدة بصفه:
_اي والله جان اتحسرنا على واحد نتعارك وياه الحمد لله من جاعن واتكرمن علينا بشوفتهن.
بابا ابتسم وگال:
_عوفوهن خلي ياكلن راح ينفجرن من الخجل.
عمي گال:
_يلة اجة الريوگ .
واتريگعنا و السفرة متخلص من شقة جود و سالم خلصنا وكلنا گعدنا بالصالة وكلمن لازم مبايله اجاتني رسالة من علي ما فتحتها و اتصل مرتين مجاوبت شمرت التليفون و گمت اشرب مي هاي عادة عندي من اتوتر اشرب مي اهواي جود انتبه علي طولت بالمطبخ اجاني و گال:
_ليش اتأخرتي شجاي اتسوين؟
گلتله:
_عطشت جاي اشرب مي.
هو گال:
_تليفونج ما سكت من المكالمات و الرسائل منو هذا؟
واطاني التليفون كان بيده گلتله:
_هذا علي ما اريد اجاوب.
هو هزلي راسة بتفهم واخذ التليفون وطلع للحديقة اني مرحت وراه ورجعت للصالة بس بالي يمه هدوئه ايخوف اكثر من عصبيته.

مرت ساعة وهو بالحديقة طلع سالم ايشوفه و اتأخروا ما دخلوا عرفنا بعدين طلعوا يتمشون اني بقى تفكيري يم جود وتليفوني يمه وميتة خوف لا ايسوي شيء اعرفه من يتعصب ميشوف گدامه.
فاطمة شافتني متوترة گالت:
_گومي خلي نطلع للحديقة ضوجة .
گلتلها:
_امشي اني هم ضايجة.
وطلعنا وگعدنا على المرجوحة و گالت:
_اي احجي ليش متوترة وكلساع اتباوعين على باب البيت؟
گلتلها على اتصالات علي وجود اخذ تليفوني وخايفة لا ايسوي شيء هي افتهمت وگالت:
_لتخافين جود يعرف شلون يتصرف بهيج مواقف .
هدأت اشوية و گالت:
_لج اشطالعة البارحة اتكتلين و حبيبج هم ما امقصر كل البنات فاتحات عينهن عليه. 😏
گلتلها:
_وشحدهن يتقربن عليه اصلا اني مالية عينه خلي يباوعن بكيفهن واثقة بحبيبي. 😏
اعرفها تريد تستفزني بعدين گالت:
_اي عيني اكيد هو منو بحلاتج فديتج تنگرطين صاكة بنت صاكة .😘
اني ضحكت عليها اشلون تگلب الحجي بسرعة گلتلها:
_اعيونج الحلوة يا بعد گلبي انتي الله يساعد احمد على جمالج.😉
هي خجلت والوجه صار مثل الكرز ضحكت عليها هي گالت حتى اتغير الموضوع:
_هند البارحة طالعة اتجنن و شفتيها من رگصت ويانا اني ومرام و فاتن اريد نگعد متخلينا هي مسوية جو وتنحب فديتها.😍
گلتلها:
_اي كلش محبوبة و دمها ينحب هي ومرام و هند مثل الأخوات وحدة گلبها على الثانية مثلنا اني وانتي.😉
هي گالت:
_فديتنا ماكو مثلنا واني هم كلش حبيتهن واعتبرتهن مثل خواتي.