عشق الشيخ ملكني

part:33

اشلونكم حبايبي اسفة على التأخير بس اخذتني النومة والله من التعب مجاي الحگ بي دراستي والرواية اتحملوني حبايبي 😘

البارت طويل لعيونكم استمتعوا بالقراءة بس اول شي لا تنسوني بالفوت 👈⭐ والتعليق على الفقرات 👈💬 احبكم بگد رحمة الله اعوفكم مع البارت 💋

جود:
كنا گاعدين بالمضيف بعد ما كملنا عشة وشربنا چاي وانسولف عادي لحد ما ابو جلال گال للشيخ:
_شيخنا بما انه الكل مجتمع عندي يمك طلب اتمنى ما اتردني.
الشيخ گله:
_اتفضل ابو جلال گول واذا مگدور على طلبك تدلل ان شاء الله.
ابو جلال گال:
_ان شاء الله شيخنا اني اطلب ايد بنتكم هند لأبني جلال على سنة الله ورسوله شدگول شيخ؟
الشيخ صار عصبي بس ما بين هذا الشي گدام العالم بس نبرته بينت گال بهيبة ووقار وحظور طاغي:
_اتشرف بجلال ابن اصول والمواقف تشهدله بس تعرف جوابي طلبتها مرة والبنت رفضت انت تعرف السبب كلامي صحيح يا ابو جلال؟
ابو جلال انحرج وگال:
_صحيح شيخنا بس ابني هاويها وهو ابن عمها اولى بيها وكل اشروطها موافق عليها وتجي اتكمل دراستها ابيت رجلها ما عنده مانع.
الشيخ باوع عليه وعلى جلال وگال خاتم الموضوع:
_ان شاء الله خير نسأل البنت واردلك خبر.
ابو جلال گال:
_ان شاء الله.
اني گاعد وفاير من عصبيتي واشوفه لل*** ايباوع ويبتسم العالم ويتشكرهم لأنه ايباركوله ويدعوله اتم على خير حسيت واحد ايربت على كتفي شفته كيان ويبتسملي استغربت هو همسلي وگال:
_اهدأ ما ايصير غير لتريده لا اتفكر بي وتحرگ دمك هند الك ومتصير لغيرك.
اومأتله بهدوء وكملنا السهرة بس اني گلبي محروگ من اشوف ال*** فرحان ومكيف بعملته ال*** هدأت اعصابي واحاول ابين طبيعي بدت العالم اتروح وبقينا بس احنا الشباب اني اختنگت ومن عرفوا كيان وعمر اريد اروح للشط قرروا يجون وياي ورحنا مشي لحد ما وصلنا واني نزلت من التلة للشط واتمددت على الرمل اجة كيان گعد ابصفي ورة اشوية اجة عمر نفس الشي وجايب وياه مشروبات غازية وحب وجگاير هو ايدخن بس مو هواي اني گعدت واخذت منه الجگاير هو ضل صافن علي من دخنت وحدة هو گال:
_من اشوكت انت ادخن؟
گلتله:
_من زمان وكنت گاطعه بس من عرفت الحب الما حصلت منه غير حرگان الگلب رجعتلهن.
هو ضحك وگال:
_هيج طلعت اختي مشوفتك الويل وما ندري؟ والله وطلعت مو سهلة على اخوها. 😎
اني خزرته وگلتله:
_اي اضحك حصلت لتريدها ومرتاح شعليك ماكو واحد اينافسك عليها وياريته ايحبها.
كيان گال:
_ان شاء الله ما اتصير غير الك يا ابو حسين لا تفكر هواي.
اني گلتله:
_ان شاء الله.
كملنا سهرتنا واحد يشكي للثاني همومه وعرفت منهم المزرعة محترگة وبعدهم لحد الأن ما عرفوا منو سبب الحريق بس كيان ما يهدة لحد ما يعرف منو السبب اعرفه ، صارت الساعة 11:30م قررنا نرجع للبيت اتأخر الوقت نص ساعة مشي وصلنا ودخلنا لبيت الشيخ كان الكل گاعد بالصالة والشباب بالأستقبال اني طلبت من كيان ايصيح امي حتى نرجع للبيت هو گال:
_بعد وكت ابو حسين وين رايح خليك اشوية هو بيتكم خطوتين بعدين اكيد الوالدة ناسية الوقت هي ورزان خليهن متونسات.
اني گلتله:
تمام راح اطلع للحديقة اشوية اشتم هوة واجي يمكم.
هو گال:
_اخذ راحتك.
طلعت للحديقة كانت اكو گعدة عربية گعدت وضليت صافن وافكر ابلوة گلبي اشوية وسمعت صوت خطوات وراي التفتت وشفتها تتقربلي بتوتر من عرفتني اجتني بسرعة وجرتني وراها لمخزن مهجور بالحديقة الخلفية دخلنا وسدت الباب اني صافن عليها وعلى لبسها ناوية اتموتني التفتت عنها ومسحت وجهي واتعوذت من الشيطان كنت منطيها ظهري ما حسيت غير بحضنها وادموعها الذبحني گالت:
_جود لا تزعل مني فدوة اروحلك حاجيني لا تتجاهلني هيج والله اموت لا تنطيني ظهرك واتحسسني ما اعنيلك شيء احبك مو بيدي صدگني مو بيدي ادمنتك واموت اذا يصيرلك شيء او احسك زعلان مني والله العظيم مو بأرادتي كلشي صار غصبا علي افهمني حبيبي.
ما اتحملت اشوفها تبجي هيج وتتوسل وما اسوي شيء فكيت اديها المطوقتها على خصري والتفتلها هي اتباوع علي وعيونها الخضر مال بزون ادمع وتشهگ چنها طفل وصدرها يصعد وينزل لأنه تنفسها سريع ما خبلني غير لبسها لابسة دشداشة حصر على جسمها امبينة معالمها والشال ذابته على راسها بأهمال وخصل من شعرها طالعة عبالك ذهب والخدود و الشفايف والخشم احمر دم من البچي اتخبل كل ما يخطر ابالي واحد شايفها هيج غيري اشلون اگدر اعوفها لل*** هاي مالتي حبيبتي الي وحدي حضنتها لصدري حيل اريد اضمها بگلبي ومحد يلمح ظلها بس وين يا حسرة هي بادلتني وبعدها تبجي وتشهگ گلتلها بهدوء واني امسح على راسها:
_اشش كافي اهدي وبطلي بچي ياروحي انتي اهدي مصدگج وما الومج انتي هم اعذريني واعذري غيرتي المريضة المنعتني احاجيج لحد ما اتمرضتي لو تدرين اشصار بية من دريت بيج بالمستشفى لج اتمنيت اوجاعج بية ولا بيج اتمنيت الموت ولا اشوفج نايمة بلا حول ولا قوة...
ما خلتني اكمل وحسيتها اتعضني بكتفي حيل شاطت روحي بس مسويت شيء خليتها اتسوي لتريدة عضتني اكثر من مرة بكتفي وبرگبتي وبصدري وبخدي وگالت بعد ما هدأت بس بعدها ادموعها على خدها:
_هاي حتى تتذكر بعد متعيد على السانك سيرة الموت يومي قبل يومك حبيبي الله لا يحرمني منك ومن طلتك دير بالك اتجيب سيرة الموت بعد.
تحجي وهي تضرب صدري اني لزمت اديها اثنيهن وبستهن كان اكو تخم بالمخزن گعدت عليه وگعدتها بحضني ومسحت ادموعها واني ابوس بخدودها ورگبتها اني بس ابوس رگبتها تخدر هدأت واني اتلمس بخصرها عطرها خبلني گلتلها بخدر:
_انتي الي افتهمي هذا الشي هند انتي مالتي ممنوع احد ايشوف شي منج او ايطخج او يلمح ظلج غيري لج اشلون اتلبسين هيج وتدرين الشباب بالبيت ها؟ اشلون تردين اتخبليني؟
عضيتها برگبتها هي گالت بدلع سودنتني:
_اووووي حبيبي وجعتني.
شمرتها على التخم وصرت فوگاها وگلتلها واني اباوع على شفايفها:
_احترگت عشيرتي ولج شنو اوووي ها شنو؟ لا تدلعين لا اتخبل عليج هسة وعلي خليني لازم روحي لا ازفج لبيتي هسة وابن ابو ليمنعني.
هي الوجه طماطة من الخجل واني اشلون مو ضعيف گدام خجلها وانوب اتعض بشفايفها بنت الذين گرصتها بخصرها حيل هي صرخت بس بستها 💋 بشفايفها اووووف راح اتخبل ولا ينشبع منهن طولت وگامت تضرب بصدري من عضيتهن بس ما عفتها ما احس بروحي ضليت ابوس بيهن لحد ما دميتهن ونزلت لرگبتها بعد ما بعدت الشال سويته خريطة من اثاري اوووف كل ما اتقرب اكثر منها اتخبل واتسودن وما اسيطر على نفسي نزلت على بداية صدرها هي گالت بخدر:
_جود كافي حبيبي سيطر على نفسك فدوة كافي جاي اتأذيني.
اني اتنفست برگبتها اشتم عطرها اشوية واتمددت بصفها وحطيتها على صدري والعب واشم بشعرها وهي تلعب بدگم دشداشتي بدون منحجي شي بعد ما انتبهت على الساعة 12:30ص گلتلها:
_گومي اتأخرنا لا ايحسون بغيابج واني لازم اخذ امي للبيت يلا عمري گومي.
هي گامت بعد ما باست خدي وابتسمتلي بس اني رجعت جريتها علي صارت فوگاي وبستها 💋 بشفايفها وخدران حسيتها اختنگت عفتها واني اباوع بعيونها الذايبة بستهن وگمنا بس قبل لا نطلع جريتها علي ولويت اديها ورة ظهرها وحصرتها بين جسمي والباب وگلتلها:
_لبسج هذا بعد متلبسي مفهوم حتى اذا الشباب ماكو بالبيت لبس ضيگ او قصر او حصر او اذا بين ايشي من جسمج اجنزج والله ممنوع احد ايشوف ايشي منج.
اتقربيت عليها وحچيت گدام رگبتها واتعمدت شفتي اطخ رگبتها واني احجي وابوس برگبتها واعضها:
_انتي الي مالتي ملكي حقي بس الي ممنوع احد يلمس شعرة منج او يلمحها.
باوعت بنص عينها وجذبتها من خصرها الي هي حطت ايدها على صدري وگلتلها گدام شفايفها وايدي الثانية تتنقل بحرية بوجهها:
_كل تفصيلة منج كلشي ايخصج ملكي انفاسج روحج ايامج ليلج ونهارج الي وحدي مفهوم؟
هي خدرانة وعيونها ذبلانة وتتنفس بثگل حطت اديها حول رگبتي وباست شفايفي اني دفعتها على بالباب وقسيت بالبوسة والخبلني تجاوبها وياي فصلتها ونزلت على رگبتي اتمص بيها اني صخنت وخدرت ايدي تلعب على خصرها ساعة اعصره ساعة اگرصه وهي مستمرة اتبوس واتمص رگبتي خبلتني احس نفسي خدرت ورجلي متشيلني گلتلها بخدر وصوت خشن:
_كافي هند راح اتخبليني عليج وتندمين خلي نطلع امشي.
هي ابتعدت عني باوعت علي وابتسمت وگالت:
_تمام حبيبي امشي.
طلعنا وهي لفت الشال على راسها وحرصت اتغطي رگبتها زين حتى لحد ينتبه على العلامات بست ايدها يم باب المطبخ الخلفي وردت اروح للاستقبال بس هي جرتني وتضحك گلتلها:
_شكو تردين شي؟
گالتلي:
_لا حبيبي سلامتك بس لا احد ايشوف العلامة على رگبتك شيگول؟
اني باوعت على رگبتي بجامة المطبخ هاي الخبلة امسوية علامة اشكبرها خزرتها وهي تضحك الفطيرة جريتها ولويت ايدها ورة ظهرها هي خنست وضلت تتلفت يمنة ويسرة وگالت:
_حبيبي لا ايشوفنا احد شيگول؟
گلتلها:
_يعني من ايشوفون العلامة برگبتي مراح ايگولون منين؟ اولهم عمر وكيان ايعرفون انتي السبب متخيلة شراح ايسوون اذا عرفوا؟
هي الوجه صار اصفر وگالت:
_ميسوون شي هم مو من النوع اليضرب مرأة ابداً.
ابتسمت على ثقتها وبستها بخدها وكلتلها:
_روحي فوتي خلي اروح.
هي ابتسمتلي وراحت واني دگيت على كيان بعد ما طلعت يم باب البيت لانه ظلمة اشوية حتى محد ينتبه على رگبتي وگلتله:
_كيان خلي امي تطلعلي اني اباب البيت حتى نرجع اتأخرنا وراي شغل من الصبح.
هو گال:
_صار دقايق وتجيك.
وسديت التليفون اشوية واجت امي وكيان ودعناه ورجعنا للبيت اني بوجهي لغرفتي بعد ما مسيت على امي بحجة انام تعبان حتى متنتبه على عملة گليبي ما اخلص من اسألتها للصبح رحت سبحت وبدلت اتراك رصاصي واتصلت على الخبلة جاوبتني بسرعة اتصال فديو وشفت شعرها امبلل واتنشف بي بالخاولي وحاطة التليفون على الكومدي وتحجي وياي وادگول:
_هلو حبيبي راح اتنام؟
اني گلتلها وصفن على شعرها والمي اينگط على وجهها وصدرها:
_اولا نعيما حبيبتي ، ثانيا اي راح انام وراي شغل بالمحكمة من الصبح.
هي ابتسمت وگالت:
_انعم الله عليك حبيبي تمام روح نام تعبت اليوم واني هم بس امشط وانام وراي دوام من الصبح.
ضليت وياها لحد ما كملت تمشيط واتمددت اتريد اتنام بالاخير نمنا اثنينا والتليفونات مفتوحة بدون منحس.