.................................... (العافية) كلمة بسيطة شديد بس في الحقيقة معناها كبير جدا وكلنا عارفين انها غاليه شديد ومرات العافية دي بتكون في انسان. بنلقى راحتنا معاهو.وسعادتنا كمان بكون بالجد عافيتنا بنكون في قمة الانبساط ونحنا معاهو وفي قمة الحزن وهو بعيد مننا يعني بالمختصر هو البتحكم فينا وفي مزاجنا بخلينا نفرح بابسط كلمة منو ونزعل ونتضايق لو بعد عننا ♥ يعني حرفيا كدة بكون هو ال Mood بتاعنا!)
يلا اعرفكم (انا مادلين 16 سنة ماشة3 ثانوي امي سارة 39 سنة شابة وكدة🌚بابا محمود 40 سنة كلهم شباب عارفة😂🖐🏻عندي اخوي محمد 19 سنة بقرا هندسة معمارية. وماما وبابا تقدرو تقولو عليهم بيزنس مان وبيزنس وومن. اقروها صح عليكم الله م تخربو لي الرواية🐸 .الاتنين عندهم شركة وماما بتساعد. بابا فيها ونحنا عايشين في الامارات ووضعنا فوق الممتاز اي حاجة عايزنها بنلقاها طوالي🙃)
°°°°°°°°°°°°°°°°°°°°°°°°°°°°°°°°°°°°
الساعة كانت 6 صباحا المنبه ضرب عاينتة ليهو بعيون نعسانة وقفلتو. قمت ودخلت الحمام اتدوشت وصليت ولبست قميص رياضة كوبي وختيت الطاقية وشعري كان ضنب حصان ونزلت اعمل رياضة ع بعد شارعين مننا في نادي. مشيت وعملت كذا تمرين بعدها كان عندي موعد للزومبا بعد خلصت رجعت البيت لقيت ماما ومحمد وبابا بشربو في الشاي.قلت ليهم صباحكم ورد🌸بابا قال لي مادلين الحلوة تعالي💕قعدت معاهم وماما ادتني الشاي بابا قال لي لسه فكرة مشي السودان م وقعت ليك؟قلت ليهو والله م وقعت بس م عندي خيار ☹ماما قالت لي مادلين اشربي الشاي واجهزي حنمشي السوق .قلت ليها طيب🙂طلعت غرفتي طلعت لي بنطلون جينز وقميص عنابي ولبست اسبورت عنابي وشقيت شعري بالجنبة وجبت جزء بقدام وخليت جزء ورا(فهمتوها صح؟!😹)طيب يلا خلوني احكي ليكم عني اكتر(انا متوسطة الطول شعري اسود وطويييل سمراوية كدة لوني حلو💗عندي وجنة في خدي الايمن بالنسبة لشخصيتي بحب الرياضة والاغاني والرقيص مجنونة لابعد حد م مفترية بس،م برتاح لكل الناس وم بخش في زول م بعرفو بسرعة😇) المهم نزلت وطلعنا السوق انا وماما لفينا واشترينا ستين حاجة😅وانا اشتريت ملابس كتيرة وحاجات المدرسة وكدة وكل شنطة اشتريت معاها اسبورت نفس اللون 😍(اصلا انا انيييقة شديد💜)بعد خلصنا مشينا السوبر ماركت شلت كمية بتاعت شوكلاتة ونوتيلا بعشقهم ياخ🤤💕ومشينا مطعم انا وماما وطلبنا بيتزا. قلت لماما خشي في السيلفي طبعا انا مجنونة تصوير طوالي رفعتها استوري😂ماما قالت لي بالنسبة لرجعة السودان حاولي تتقبلي الفكرة قلت ليها اصلا م في حل غير كدة😔رجعنا البيت لقيت كترة تعليقات ع الاستوري طبعا شلتي (سحر وروان وعلي 😍♥) شغالين لي المزز 😘علي قال لي هسع المزة دي امك😂قلت ليهو هيييي م تنبرش في امي بالله 🤨(طبعا انا متعلمة الالفاظ السودانية والردحي وكلو وبحضر مقاطع مها جعفر كمان😄)قال لي اي اقلبي سوداني يختي م خلاص ماشين😂قلت ليهو بالضبط😄انا قاعدة في الغرفة كدة جاني الزفت محمد وكان شايل علبة نوتيلا .وغمز لي وطلع😉طوالي رميت تلفوني وجريت وراهو قلت ليهو نوتيلتي ياخ😤قال لي ي زولة ولا بعرفك.قلت ليهو محمد ي سجم ياخ اديني قال لي ابيييت. لقيت تلفونو في الكرسي شلتو وقلت ليهو لو عايزو تعال وراي😜وجري ع المطبخ فتحت الماسورة وقلت ليهو م تديني برميهو ليك هنا. قال لي لا خلاص ي مجنونة قلت ليهو جيبيها مداها لي اديتو تلفونو.طلعت معلقة وبديت اكل😋جا دخل يدو وملا لي وشي وشعري😣قلت ليهو شكلك زاتو يخخ. وانا زاتي اعجبكم م قصرت مليتو لحد ملابسو عملت ليهو فيها😌قال لي وسخة ياخ قلت ليهو البادي اظلم😏جات ماما قالت لينا الناس بتولد بشر وانا بولد مجانين😑محمد فتح تلفونو وقال لي عايني هناك وبقينا نتصور ونتعاور😂 ماما قالت الله يصبرني بس .ضحكنا بعدها طلعت غرفتي استحميت وغسلت شعري ونمت.صحاني صوت محمد وهو برش فيني موية باردة وبقول لي الغدا.قلت ليهو انت حيوان وربي😡وفكينا الجري لقينا بابا تحت قال لينا خلو اللعب تعالو اقعدو مشينا قعدنا في الصفرة وانا بحمر لي محمد ساي.بابا قال لينا ابدو جهزو اوضاعكم وكدة لانو احتمال خلال الاسبوع الجاي نمشي قلت ليهو كيف يعني ي بابا ليه الاسبوع الجاي والمدارس لسه.قال لي عايزين نمشي بدري ومنو تتعودي ع الوضع وكدة سكت وم رديت اكلت شوية ودخلت غرفتي وانا زهجانة شديد. محمد جا داخل لقاني مكشرة وقاعدة .قال لي مالك عاملة كدة زي البالعة ليك ملح😂قلت ليهو زح مني ياخ😒قال لي كويس ي عفنة غلطان انا الكنت حاقول ليك يلا الملاهي😕. طوالي نطيت قلت ليهو جادي ياخ😍دقايق وبجهز بقى يضحك قال لي سريع.دخلت طوالي لبست لي بنطلون اسود وقميص ابيض واسبورت ابيض وعملت شعري كعكة شلت تلفوني ونزلت لقيت محمد لابس ومنتظرني قال لي ارح. طلعنا في الطريق قال لي عارفك م متتعودة بس حتتاقلمي سريع وكل م مشينا بدري. حنتاقلم اسرع وبعدين السودان م بالسوء دة يعني. قلت ليهو خلاص طوويب.وصلنا الملاهي ودخلنا اول حاجة لاقتني مزلجة طوالي جريت. وبقيت بتزحلق فيها😄محمد قال لي خلي لعب الشفع دة وارح نركب القطر السريع😌قلت ليهو ارررح.مشينا وركبنا ياخ القطر دة كان جاري بصورة مبالغة انا بس اصرخ وماسكة في محمد بعد نزلنا محمد قال لي ي جبانة😂قلت ليهو وربي قلبي قرب يقيف😖قال لي لسه م شفتي شي مشينا ركبنا في كراسي دوارة ياخي دي بتتشقلب كدة يعني لم تلف بتشوفي الارض دي فوقك عديل😂ياخ هنا انا ولا كضبتة بكيت بكا لحد م الراجل وقف اللعبة😆نزلنا ومحمد دة بس،يضحك قال لي بالغتي🤣 قلت ليهو هسسس مني بس😕قال لي خلاص يووخ ارح نمشي القسم التاني نلعب العاب م مخيفة. مشينا ركبنا في العربات الصغيرة ديك ياخ فرحت كيف ومزاجي اتقلب 360 درجة😍بعدها قال لي يلا نمشي ناكل ايسكريم. طبعا م صدقت قلت ليهو اررررح.مشينا وطلبنا كاستين كاكاو😋اتصورنا واتعاورنا😹(انا ومحمد اصحاب شديييد اكتر من اننا اخوان.يعني علاقتنا ظريفة شديد💕)بعدها قال لي يلا.ع البيت طوالي كشرت😞قال لي مالك عايزانا نبيت في الشارع يعني.قلت ليهو احلى حاجة والله😹قال لي هبلة ارح😂 قلت ليهو محمد قال لي اها قلت ليهو لم نمشي السودان حتفسحني برضو صح؟قال لي اكيييد عندي كم مادلين انا😘قلت ليهو حبيبي انا ياخ😍رجعنا البيت لقينا ماما وبابا قاعدين ماما قالت لي مزاجك رايق شايفة قلت ليها يب☺بابا قال لينا تعالو مشينا قعدنا معاهم قال لي م تزعلي حتتعودي ع الوضع انا متاكد. قلت ليهو طيب. قال لي حنمشي ننزل في بيت ناس ابوي اصلا اخوي ومرتو بس القاعدين فيهو واخوي اصر انو ننزل معاهم.سكت مسافة وقلت ليهو طيب قلت لنفسي اخلي الوضع عادي لحد م اشوف بنفسي واذا م ارتحت اقول لبابا نرحل. دخلت غرفتي اتصل لي علي.قلت ليهو علوووش😍قال لي مادلي😻قلت ليهو الشوووووق يخخخخ.قال لي كااااتيييير. اتونسنا مسافة بعدها قال لي قبل تسافري لازم نطلع سوا ومعانا سحر وروان. قلت ليهو زييييييت.عدا كذا يوم وقبل نسافر بيوم علي جاني في البيت سلم على ماما ومحمد وقال ليهم سايق الزفتة دي مشوار قبل تسافرو قالو ليهو طوالي (طبعا علي دا صحبي من انا صغيرة وناس ماما بيعرفو اهلو. عشان كدة بيوثقو فيهو شديد) ماما نادتني سلمت على علي قال لي سريع اجهزي قلت ليهو دقايق بس.طلعت استحميت ولبست بنطلون ابيض وقميص كبدي وفكيت شعري ولبست جزمة كعب كبدية.وعملت روج كبدي ونزلت.علي قال لي دي الدقايق بتاعتك😒بس ارح سريع.محمد قال ليهو مادلين دي حتطلع ليك عينك غايتو😂قال ليهو والله عارف بس مجبورين عليها اصلها قربت تتخارج مننا 😂قلت ليهم هسع حاحرد ليكم الطلعة دي 😒علي قال لي مادلي ياخ ارح .قلت ليهو اتفضل قدامي.طلعنا ومشينا سقنا سحر وروان علي قال حنمشي السينما مشينا وع حظنا كان فيلم رعب👻بحل الحاجات دي وفي نفس الوقت بخاف😂 قعدت جنب علي وكل م يجي مقطع مخيف اصرخ واتشعلق في قميصو واقبض في يد روان😂علي قال لي بطلي ياخ خنقتيني😖وسحر وروان ماتو ضحك😹بعد الفيلم خلص وطلعنا علي قال لي شوفي وشك بقى عامل كيف ي جبانة طلعت المراية لقيت بالجد وشي مخطوف وشعري زاتو اتنكش😆قلت ليهم م علي استنو دقايق ماشة الحمام دخلت الحمام غسلت وشي وصلحت شعري ورجعت. بعدها قال لينا نمشي مطعم كدة ظريف فاتح ع البحر. مشينا وطلبنا عصير.بعدها علي جاب لينا طبق اندومي ياخ بعشق حاجة اسمها اندومي😋❤واكيد اتصورنا واتهابلنا😂 بعدها كل واحد طلع لي هدية🎁ياخ بالجد كدة بحبهم 💋 .قلت ليهم قايز. حاشتاقكم ياخ وكنت حابكي علي قال بطلو ياخ م تقلبوها دراما عاينت لي سحر وروان لقيتهم بيعزو عديل 😭قمت وحضنتهم وبكيت علي قال لينا خلاص ياخ.سحر قالت ليهو انت ولد ليك حق اصلكم م عندكم مشاعر قال ليها ياخ انتو بتاوڤرو شوية🙁روان قالت ليهو بس دي مادلي ياخ حنفقدها😢قال ليها وانا اكتر واحد حافقدها هي صحبتي من نحنا صغار😪وبعدين م في زول يناديها مادلي غيري😒قلت ليهو علوووش ياخ حاشتاقك وربي 😭جا حضني قال لي خلاص م تبكي وعد اني حاجيك هناك♥بعدها رجعنا روان وسحر بيوتهم وفي الطريق لم عايز يوصلني قال لي خلي بالك من نفسك وبقى يوصيني .اول م وصلنا قال لي مادلي قلت ليهو ايوة.قال لي م حتنسيني صح؟🙁قلت ليهو حانساك نسية اصلي م مصدقة ارتاح منك😂قال لي حيوانة ياخ😒قلت ليهو وانت غبي عندي كم علوش انا عشان انساك ☹♥ ضحك وقال لي مجنونة دي يلا خلي بالك من نفسك ولم تصلي اتصلي لي قلت ليهو حاضر💗.دخلت البيت وطوالي طلعت غرفتي كنت عايزة ابكي ياخ بس اتمالكت نفسي.رقدت ونمت طوالي .ماما صحتني الصباح طيارتنا كانت الساعة 5 قمت ودخلت عشان البس😪
..........................يتبع......................................................
