اثناء الونسة كدة قامت سلمى قالت لي شايفاك رجعتي مادلي القديمة وقدرتي تتجاوزي مؤيد 🙂 سبا ونادين بقو بعاينو ليها نظام اسكتي 🙄انا ضحكت وقلت ليها ايوة اتجاوزتو زمان لاني اقوى من انو يكسرني بس لو سمحتو م عايزة السيرة دي تاني😊نادين قالت خلاص ي بنات انسو الموضوع .قعدنا نتونس ونضحك ونتصور وكدة ❤قريب المغرب كدة البنات طلعو وانا مشيت لماما💕قالت لي عملت ليك نسكافيه امشي شيليهو.قلت ليها ياخ انا نهوبك هب😍قالت لي بطلي اعاقة😂(نسفت جبهتي نبع الحنان😂💔)مشيت شلتو وقعدت اتونس معاها قالت لي صحبتي الساكنين جنبنا ديل قبيل اتصلت وقالت حيجو بكرة عشان يسلمو عليك.قلت ليها اها كويس.قالت لي هي اسمها منى وبتها الكبيرة نهى والصغيرة هناء. قلت ليها خلاص الصباح اتعرف عليهم شوقتيني اشوفهم🌚بعدها سمعت تلفوني بضرب كان في الغرفة طلعت عشان ارد لقيتو علي. قلت ليهو علوش ي سجم😍قال لي ي كرور م اتصلتي ليه 😒 قلت ليهو معليش ياخ نمت طوالي بعدها صحباتي جوني وطلعو قبل شوية☹اتونست معاهو شوية ونزلت لقيت بابا ومحمد جو قعدنا نتونس كلنا (بعيدا عن جمال الحب والصداقة لمة العيلة دي حاجة غير فيها كمية من الحنية والترابط وكمية من الدفء والاطمئنان كدا 😍لمة العيلة ونسة الصحاب اهتمام حبيب كلها حاجات حلوة ربنا يخليهم في حياتنا☺❤)
نرجع للرواية .بابا قال لي النتائج نهاية الشهر دا صح ؟قلت ليهو اي 😢قال لي م تخافي مش واثقة من شغلك😊؟قلت ليهو ايوة.قال لي لو جبتي نسبة حلوة عندك عندي عربية .محمد قال لي وعلي اعلمك السواقة .عيوني عملت قلوب قلوب😍محمد قال لي لمي في النسبة اول 😁.قلت ليهو مضمونة باذن الله قال لي ي ود ي ثقة 😉قلت ليه افووو نحنا بنهظر كمان😌😂 قمنا بعدها جهزنا العشا اتعشيت وطلعت غرفتي فتحت الواتس لقيت سبا مرسلة لي كيفو الحلو؟قلت ليها تمام ي عثل وانتي؟قالت لي دامك تمام انا تمام♥قلت ليها تسلميلي😘قالت لي مادلي بس عايزة اسالك جد قدرتي تتجاوزي الموضوع؟ قلت ليها ايوة .قالت لي يعني انتي جد كويسة؟قلت ليها وشديد كمان م تشغلي بالك💕اتونسنا مسافة بعدها نمت صحيت الصباح استحميت وصليت ولبست شداد وردي 3/4 وقميص ابيض فيهو ورود بالوردي💗ورفعت شعري كعكة وطلعت صبحت ع ماما. بابا ومحمد وشربت معاهم الشاي❤بعدها ناس بابا طلعو ع الشركة. بعد شوية كدا الباب ضرب الشغالة فتحت جو. داخلين مرة ومعاها بتين سلمو ع ماما بعدها المرة جات حضنتني قالت لي حلاتك ي بتي ماشااء الله ربنا يحفظك💕قلت ليها تسلمي ي خالتو☺ وسلمت ع البنات وقعدنا كلنا نهى الكبيرة قالت لي حمد الله ع السلامة قلت ليها الله يسلمك💕خالتو مني قالت لي كنا جايينك امس بس لقينا الوقت اتاخر ي بتي. قلت ليها عادي ولا يهمك♥هنااء قالت لي شعورك كيف مع النتايج الكبست دي😪؟قلت ليها واي م تذكريني بس😖قالت لي انتي شايلة شنو؟قلت ليها احيااء وانتي ؟قالت لي دكتورتنا😄اتا شايلة هندسية قلت ليها مجالات هندسة برضو حلوة شديد(تحية لناس طب وهندسة ي جماعة🌚💕)ماما وخالتو منى قالو لينا ربنا يوفقكم 😊قلنا ليهم اميييين😍نهي قالت لي طبعا انا عرسي الشهر الجاي خالتو كلمتك صح؟قلت ليها اي ربنا يتم ليك ع خير قالت لي تسلمي ومن هسه حاجزاك شبينتي😀قلت ليها طوالي م عندك مشكلة 😊❤قعدنا اتونسنا مسافة (بالجد طلعو ظريفين وطيبانين 😍)جرس الباب ضرب والشغالة كان طلعت مشيت انا عشان افتح الباب فتحت الباب كدة باندتي وقعت وشعري اتفكا دنقرت رفعت الباندة وعايزة الم شعري سمعت صوت ولد قال لي لو سمحتي ناس امي جوة ومفتاح الباب معاهم.رفعت راسي وانا مخلوعة وكانت الصدمة😳(اكيد عرفتو ايوا ياهو مؤيد💔)عاين لي بنفس الصدمة م عرفنا نعمل شنو. فجاة سرح فيني مسافة وبعدها عاين لي بغيظ كدة عاينتة ليهو ببرود وقلت ليهو اهلين ثواني اناديها ليك🙂مشيت قلت ليها خالتو تقريبا دا ولدك وعايز المفتاح.قالت مؤيد نسيناهو عديل اجري ي هنااء اديهو المفتاح.هنااء طلعت وانا قعدت وبقيت م مركزة معاهم نهاي. نهى قالت لي مادلين انتي كويسة؟قلت ليها ااا اي .قعدو اتونسو مسافة ودا كلو وانا سرحانة بعدها خالتو منى وقفت وقالت نحنا نمشي بعد كدا.نهى وهناء قالو لي تعالي لينا اصلا بيتنا فاتح في بيتكم. قلت ليهم ان شااء الله طلعو كدا ماما قالت لي مالك؟قلت ليها صداع بس قالت لي طيب امشي ارتاحي قلت ليها كويس.طلعت غرفتي وقعدت ابكي😭(بعد م خلاص افتكرت اني نسيت واتجاوزت كل شي ارجع من نقطة الصفر تاني ليه كدة بس💔)مشيت قعدت في الكنبة الجنب البلكونة وبقيت سرحانة وبفكر لمحت مؤيد واقف في بلكونتهم عاين لي. طوالي قفلت الشباك ودخلت (ي الله حافضل اشوفو كدا لمتين😪)
عند مؤيد:
بقيت م فارق معاها للدرجة دي وليه عملت شنو انا لي دة كلو؟بس عشان قلت ليك م حبيتك!طيب.والانتي عملتي فيني؟!ع الاقل انا كذبت عليك وع نفسي لم قلت م بحبك لاني م حبيت ولا حاحب زول زي م حبيتك. بس للاسف طلعتي وهم وخدعتيني بي حبك وهسه بتتعاملي معاي كدة ليه؟ فوق ث انو انتي الغلطانة. اه ي ربي الصبر💔)
عند مادلين:
(حاولت انساك واتجاوزك ليه ظهرت تاني في حياتي ليه؟ يعني م كفاك العملتو فيني جاي تاني ليه حتعمل شنو اكتر من كدة 😔 استغفر الله 💔)
ي مؤيد اخوي في شنو؟ لي كذا شهر م مؤيد البنعرفو طبيعي سرحان وم بتتكلم كتيو حتى ضحكتك م زي زمان😕 دا كلو عشان الحب؟ حتنساها ي مؤيد وحتلقى الاحسن منها .نهى حبيبتي القصة م كدة كل الموضوع اني مضغوط شوية لانو دي اخر سنة لي في الجامعة والشغل في الشركة مع الحاج وكدة😊(اااخ ي نهى لو تعرفي انا بحبها قدر شنو م كنتي قلتي حانساها انساها كيف وانا رغم كل العملتو م قدرت انساها وحاليا بقت ساكنة جنبنا وحالاقيها تاني كتير💔)طيب ي مؤيد خلي بالك من نفسك .حاضر وباس راس اختو وطلع (اه ي اخوي بتحاول تخبي حزنك بس ظاهر من عيونك😢)
عند مادلين :
(يعني حافضل اشوفك كتير؟واهلنا كمان طلعو اصحاب ولا اخواتك المن اول يوم دخلنا في بعض .حاتجاوزك كيف هسه ؟كيف حاقدر اتعامل معاك عادي؟ي رب ساعدني😔)مادلين حبيبتي في شنو لسه مصدعة؟مسحت دموعي واتلفت. ع ماما اي لسه .هاك ابلعي الحبوب دي وارتاحي .حاضر .شلت الحبوب وبلعتها ومن التعب طوالي نمت 💔
يتبــــــع................................
