علي قال مؤيد لو سمحت تعال قدام شوية فجاة علي بدا يتكلم وقال لي مادلين ومؤيد في حقيقة لازم تعرفوها، مؤيد عاين لي بخلعة كدة،علي قال لي مادلين انتي عارفة انو سبب الجوطة دي كلها اقرب الناس ليك.طوالي عاينت لي سلمى لقيتها متوترة علي قال لي بالمختصر ي مادلي سلمى واخوها هم الوقعو بينك وبين مؤيد💔،عاينت لي محمد مخلوعة اشر لي براسو نظام عارف انا.قلت ليهم في شنو؟انا م فاهمة😐علي قال لي وليد اخو سلمى بيحبك ي مادلين .قلت ليهو كيف؟قال لي ايوة بيحبك واتصل لمؤيد مرة وقال ليهو انو انتي قعد ترسلي ليهو وجارية وراهو وكدة وطبعا مؤيد م صدق من اول مرة فقام وليد طلب من سلمى انو تتكلم مع مؤيد فسلمى قالت لي مؤيد انك بتتكلمي مع وليد وم كدة بس قالت ليهو كمان انو انتي مربطة معاي انا كنت مخلوعة من الكلام شديد😧سلمى جات جارية وقفت قدامي قالت لي مادلي م تصدقي الكلام دا كلو كذب😭هناء قالت ليها م كذب والدليل الرسايل الفي تلفونك مع مؤيد ومع وليد اخوك.علي جا وقال لي مؤيد وبالنسبة للدردشات الرسلتهم ليك سلمى لو لاحظت شوية كنت حتعرف انها مزورة لانو اول حاجة تصميم الدردشة مختلف عن التصميم الاصلي وبعدين مادلي كل البرامج العندها شغالة بالانجليزي والدردشات كلهم عربي.سلمى بقت تبكي جا وليد وقال لي ايوة انا السبب انا العملت كدة لاني حبيتك من اول مرة شفتك لاني كنت عايزك لي وبكل بساطة اعرف انك بتحبي مؤيد عشان كدا خربت بينكم .انا طوالي جيت عايزة اطلع سلمى جات قالت لي مادلي استني طوالي اديتا كف وجريت طلعت 💔مشيت قعت في الحديقة جوني سبا ونادين وهناء ومعاهم محمد وعلي .محمد جا قعد جنبي قلت ليهو محمد انا،،قال لي م تقولي حاجة علي وهناء شرحو لي كل شي،،عاينت لهناء قالت لي متذكرة يوم الحنة لم شفتيني بتكلم مع علي كان حكى لي كل حاجة قلت ليهم طيب عرفتو كيف؟علي قال لي من لم انتي جيتي الامارات وحكيتي لي القصة وانو قال ليك خلي بالك من سلمى حسيت انو الموضوع فيهو حاجة غلط وتصرفات مؤيد معاي في الاول كانت بتدل ع انو بكرهني ،ومتذكرة لم سمعنا مؤيد بتكلم مع احمد وقال ليهو بالله هي لسه مع دا والتاني ودتو وين،،حسيت الموضوع فيهو حاجة بتخصني انا ولم طلعنا كلنا والرقم الغريب داك اتصل ليك اتذكرت كلامك عن اخو سلمى ونظراتو ليك وربط الاحداث مع بعض وكل الحاجات الحصلت والاستنتاج الجاني انو مؤيد بالكلام القالو انو هي لسه مع دة المقصود انا وحيكون معاي اخو سلمى ،فكان فاضل حاجة وحدة انو اصل لتلفون سلمى عشان اتاكد وعاين لهناء وقال ليها كملي هناء قالت لي متذكرة يوم اتصلت ليك وقلتي لي انك هنا في الكافي اصلا كنت عارفة انك هنا وعلي كلمني وجيت سقت سلمى تحديدا معاي الحمام متذكرة تلفوني لم ضرب وقفل قلت لسلمي دي امي وانو انا م عندي رصيد في حين انو كنت متفقة مع علي وهو الاتصل لي شلت التلفون من سلمى وفتحت الواتس ولحسن الحظ كانت قافلاهو بنمط فقدرت افتحو وفتحت دردشاتها مع وليد وكان مرسل ليها محادثات مزورة وقال ليها تمشي ترسليهم لي مؤيد وتاني كان في رسايل منهم رسالة لم كنا طالعين مع بعض وقال ليها انا حاتصل ليها بعد شوية فعرفنا الموضوع وعلي قال انو نعزم وليد في حفلة النجاح بتاعتنا ونكشف الموضوع وحكينا كل القصة لي محمد.عاينت ليهم وقلت ليهم شكرا ليكم😢علي قال لي بطلي ي بت م بيناتنا♥(احيانا القدر بيهدينا ناس ع شكل سعادة وفرح ناس بنشلونا من كومة الاخطاء النحنا فيها ويهدونا للطريق الصح ناس كدة بكونو بالجد نعمة💜✨،،)سبا قالت معقولة سلمى طلعت كدا؟م اتوقعتها نادين قالت معقولة اتخدعنا فيها قلت ليهم معلش انسو الموضوع 🙂 فجاة سمعنا صوت جوطة كدا وكسير كلنا جرينا لقينا مؤيد بضرب في وليد.واحمد بفك فيهم وسلمى واقفة بتبكي علي ومحمد جرو عليهم وفكوهم انا طوالي طلعت ورجعت البيت و دخلت غرفتي بعد شوية محمد جاني في الغرفة وقعد جنبي قال لي انا عارف انك زولة واعية وم حتغلطي والحب م غلط لكن يكون بالطريقة الصح قلت ليهو اسفة😢قال لي انا م زعلت لانك م كلمتيني انا بس خايف عليك♥(الاخوان ديل نعمة من ربنا حاجة حلوة انو يكون عندك اخ يخاف عليك ويحميك بتحسي انك بالجد عندك سند💜)قال لي وحاليا فكري كويس وشوفي الحل المناسب قلت ليهو الحل لشنو؟قال لي لحياتك مع مؤيد قلت ليهو م في حل وم عايزة اتكلم في الموضوع دة قال لي طيب راحتك وطلع. بعدها مشيت غيرت ملابسي ورقدت سبا اتصلت لي قالت لي انتي كويسة؟قلت ليها اي قالت لي م اتوقعت من سلمى كدا قلت ليها ولا حتى انا بس م مشكلة.قالت لي وحاليا حتعملي شنو ؟قلت ليها ولا شي قالت لي كيف يعني م حترجعو لي بعض؟قلت ليها لا قالت لي مادلي بتبالغي. انتي م شفتي حالتو بعد انتي طلعتي وم شفتيهو كيف هاج في وليد. قلت ليها سبا اكسري حنك الموضوع دة.قالت لي طيب انسي. تاني يوم الصباح نزلت لقيتهم كلهم قاعدين بشربو الشاي قلت ليهم صباح الخير قالو لي صباح النور بابا قال لي الحفلة كانت كيف؟قلت ليهو حلوة ماما قالت لي اتاخرتو م حسينا بيكم لم جيتو قلت ليها اي اتاخرنا شوية. بابا كان طالع ع الشركة قال لي تعالي طلعت معاهو لقيت عربية سنتافي حمراء قدام الباب♥قلت ليهو بابا جادي😍ضحك وقال لي اي جادي طوالي حضنتو ونحنا واقفين كدة هناء جات طالعة بابا سلم عليها وفات دخلت معاي غرفتي قالت لي سنتافي وكدا😉قلت ليها يب 😂قالت لي خطيرة يلا قعدنا كدة قالت لي مادلي قلت ليها ايوة قالت لي اممم عارفة انو الموضوع كان صعب عليك بس مؤيد مجبور هو بحبك وشديد كمان وغيرتو عمتو عشان كدا حاولي قدري ظروفو.قلت ليها هناء دي م غيرة دا عدم ثقة ولوهو فعلا بحبني كان يسالني ع الاقل قبل يتصرف معاي كدة.قالت لي معاك حق هو غلطان بس والله هو بحبك.قلت ليها لو سمحتي م عايزة السيرة دي. قالت لي طيب وقامت عايزة تطلع قلت ليها هناء يعني زعلتي مني؟قالت لي مستحيل ي بت بس مشغولة في البيت قلت ليها طيب.العصر كدة محمد جا قال لي يلا اطلعي عشان نمشي مشوار وادربك شوية ع السواقة قلت ليهو كويس مشيت لبست لي بنطلون كبدي وقميص نص كم رمادي مرسوم فيهو شفايف بالكبدي واسبورت رمادي وعملت شعري كعكة مرخية وطلعت واتحركنا انا ومحمد وعلي في عربيتي😌
يتبــــع.....................
