قال لي حتى لو عرفتي اني حاسافر؟قلت ليهو تسافر وين؟قال لي ابوي نقل شغلو السودان وانا حامشي امريكا عشان اكمل دراسة واشتغل (مؤيد بقرا ادارة اعمال)قلت ليهو طيب تصل بالسلامة وبالتوفيق 🙂قال لي طيب ي مادلين الله يسلمك وطوالي اتحرك. وقفت مسافة ودموعي جات جارية صح انا بكابر وم عايزة ارجع ليهو بس لسه بحبو😭وم حاقدر انساهو م حاقدر استوعب فكرة انو يكون بعيد 😭ع الاقل شوفتو كل يوم ولو من بعيد كفاية💔 بكيت مسافة بعدها مسحت دموعي واتحركت عليهم .خالد قال لي وين كنتي؟علي قال ليهو اكيد جنب البحر. افنان قالت ليهو اممم تفاهم حلو شكلكم حافظين بعض🌚عاينت ليها وقلت ليها صحبي من انا صغيرة طبيعي نحفظ بعض 🙂فجاة مؤيد وقف ع حيلو وقال لافنان ارح معاي. اتحرقت شديد بس عملت فيها عادية 💔(زلزال بكون جواك لم تشوف حاجة حقتك في يد زول تاني فمابالك بي انسان🙂💔)افنان طوالي وقفت وقالت ليهو ارح.بعد مسافة كدة جو راجعين وشايلين معاهم ايسكريم مؤيد مدا لي كاسة كاكاو مع كراميل عاينت ليهو ومسكتها منو،،وباقي القعدة كلها يتونس مع افنان ومرة ومرة يعاين لي🙂 خالد جا قعد جنبي قال لي طلعتي حفارة ي بت😂قلت ليهو كيف؟!قال لي النتيجة قلت ليهو ااا.قعد يتونس معاي لحد م رجعنا البيت وتاني يوم علي كان مسافر خلاص
بالليل كدة كنا انا وهو قاعدين وبنحضر فيلم.علي قال لي مادلي قلت ليهم امممم،قال لي عرفتي انو مؤيد مسافر صح؟قلت ليهو يب.قال لي اها رايك لسه م اتغير ؟قلت ليهو ولا حيتغير. قال لي اعمل شنو عارفك عنيدة😒بس ي مادلي والله الولد بحبك م تخسريهو فكري بقلبك شوية. قلت ليهو بس الثقة اهم شي ي علي،،قال لي ي مادلي احيانا الغيرة بتعمل اكتر من كدة،،م شرط تكون عدم ثقة فكري في الكلام دا كويس وشوفي قرارك النهائي. قلت ليهو ان شاء الله😊وكل زول دخل غرفتو تاني يوم الصباح طلعنا انا ومحمد وعلي ومؤيد مشى معانا وصلنا علي المطار وودعناهو قال لي ي زفتة🌚قلت ليهو ي كرور🐸قال لي خلي بالك من نفسك وفكري في الكلام القلتو ليك،،قلت ليهو حاضر،،بعدها حضن محمد ومؤيد ودخل غرفة الانتظار،،اول م رجعنا البيت محمد قال لي مؤيد مسافر بعد يومين،،،اتصدمت في الاول بس اتمالكت نفسي وقلت ليهو اممم حلو😊،،،طلعت غرفتي وقعدت ابكي بطريقة مبالغة 😭😭😭ومن الصداع والتعب نمت💔العصر كدة ماما صحتني قالت لي مادلي مالك؟قلت ليها ارهاق بس قالت لي كنت عايزة اسوقك عن ناس منى لكن لو تعبانة خليك .قلت ليها لا حامشي معاك ،مشينا ولقينا خالتو منى ومعاها هناء ماما قالت ليهم ليه قاعدين كدا وليه الزعل دا؟خالتو مني قالت ليها والله ي سارة من نهى مشت البيت بقى فاضي وم عندو طعم😢هناء دمعت وقالت والله م قادرة اقعد في البيت من غيرا ومؤيد كمان حيمشي😭لم قالت كدا انا قلبي وجعني💔ماما قالت ليها حتتعودي حبيبتي وبعد شوية يجي واحد يعرسك وتفضي ع منى البيت وعاينت لي وقالت ليهم دي غايتو قالت م عايزة عرس. خالتو منى قالت ليها كيف الكلام دا طوالي بحجزها لمؤيد ولدي،،انا وهناء طوالي عاينا لبعض ماما قالت ليها طوالي والله م عندنا مانع،،،بعدها انا وهناء طلعنا غرفتها. قالت لي مرة اخوي قلت ليها شنو؟،،قالت لي خلاص ماما حجزتك وخالتو سارة وافقت😜عاينت ليها بطرف عيني وسكت،قلت ليها ناس افنان وخالد مشو؟قالت لي لا بس طلعو النادي مع مؤيد. اتغظت لانو افنان معاهو وسكت،،قالت لي انتي عارفة انو حيسافر م ناوية ترجعي خلاص قلت ليها هناء اتكلمنا في الموضوع دة كتير وقراري لسه في محلو، قالت لي طيب طيب راحتك،،،كنت مرهقة ومصدعة فكيت شعري ورقدت في السرير وغمضت عيوني بعد مسافة كدة باب الغرفة فتح وسمعت صوت مؤيد بتكلم مع هناء، قامت قالت ليهو براحة مادلي نايمة، قال ليها مالها؟قالت ليهو تعبانة شكلها قال لي كيف تعبانة يعني مالها؟قالت ليهو مؤيد روق ارهاق عادي بس .فجاة افنان جات خاشة وشكلها سمعت الكلام قالت ليهو وانت خايف عليها ليه😏ودا كلو وانا سامعة كلامهم. هناء قالت ليها وانتي مالك يخاف عليها ولالا 😒،،قالت ليها هناء انا اتكلمت مع مؤيد م معاك.مؤيد قال ليها افنان م ليك دخل تمام(قصف حر مباشر 😂)بقت تتكلم بصوت عالي انتو ليه بتتكلمو معاي كدة ليه بتعاملو مادلين احسن مني ليه كلكم بتحبوها وليه ماخدة اكبر من حجمها بينكم😡مؤيد قال ليها بالمختصر كدة لانها م زيك وانتي طول عمرك م حتقدري تبقي زيها😊هناء قالت ليها الجواب وصلك صاح يلا اطلعي برة😀انا عملت فيها ياداب صاحية قلت ليهل هناء في شنو؟قالت لي مافي شي ارتاحي .افنان عاينت لي وطلعت بعدها مؤيد طلع وانا وهناء نزلنا وراهم لاقانا خالد قال افنان دي هايجة كدا ليه؟؟هناء قالت ليهو مجنونة ساي البت دي🐸ضحك وقال ليها فعلا والله 😂😂(منبوذة من الكل ي افنان بس يلا تستاهلي🐸😂💔)بعدها عاين لي وقال لي انتي مالك عاملة كدة؟قلت ليهو مرهقة بس. بعدها قعدنا نتونس انا وهناء وخالد ومؤيد كان قاعد معانا بس ساكت وخالد طلع مسافر مع مؤيد عشان يكملو دراسة ويشتغلو هناك،،بعد رجعنا البيت اتصلت لعلي وقال لي انو وصل وكذا، ،،،،ومرو اليومين وجا اليوم الحيسافر فيهو مؤيد 💔
(وبين الاقتراب منك او الابتعاد خارت قواي وتشتت عقلي فلست اقوى ع الوصول اليك ولست اقوى ع العودة💔)
يتبـــع...........................
