اول م نزلت لقيت علي ومحمد قاعدين مع ماما قالو لي ماشة وين؟قلت ليهم ماشة اسجل في النادي مع البنات محمد قال لي دة الفتحوهو قريب دا قلت ليهو يب قال لي طيب حنمشي معاك قلت ليهم ارح طلعنا نحنا ال 3 ومحمد جاهو اتصال من الشغل بقى ماشي قدامنا وبتكلم وانا وعلي ماشين مع بعض. علي قال لي امس مؤيد طلع معانا قلت ليهو م عايزة سيرتو انا🙂قال لي حاسيهو شاميني قلت ليهو وهو يعرفك من وين عشان يشمك؟قال لي دة المحيرني قلت ليهو بجازو قال لي حقااارة🙄قلت ليهو المعاملة بالمثل ي بيبي😊بقينا نتونس ونضحك،وماشين فجاة لقينا محمد واقف مع اولاد اعاين كدة القى ليك مؤيد في نصهم وبعاين باتجاهي انا وعلي ومعاهو احمد حبيب سبا، مشينا سلمنا عليهم سلم علي ببياخة سلمت عليهو بنفس اسلوبو ودخلت جوة للبنات لقيتهم واقفين وبعاينو لي اول م دخلت عاينو لي بعض قلت ليهو بطلو النظرات دي ايوة شفتو😒سبا قالت لي انسينا منو تعالي سلمي اول😙مشيت سلمت عليهم بعدها سمعت صوت هناء وهي بتكورك مادلي اتلفت عليها قلت ليها حتى هنا م مريحاني😂😂،،،،قالت لي معفنة دي بس،وراك وراك😝البنات قالو لي دي منو؟قلت ليهم هناء بت خالتو منى كلهم سكتو عرفوها لاني مرة حكيت ليهم عنها بعدها عرفتهم عليها وسلمو ع بعض وكذا بعدها الاولاد جو داخلين .هناء قالت لي وبعلي من الود المع محمد اخوك دة😍سبا قالت ليها واحي من محمد زاتو ي هناية😢قلت ليها سبا احترمي روحك ي اخت 😁نادين قالت لي بس ي اخوك ي صحبك والنبي ي مادلي 😭قلت ليهم وربي انتو مجانين😂😂،،،،،، سلمى قالت لي ودي خلق م تجنن هناء قالت لي نعمل بدل بس تديني محمد اديك مؤيد كلنا سكتنا مسافة بعدها انا ضحكت وقلت ليها انا بديك لكين م عايزة سبا غيرت الموضوع وقالت لي م تعرفينا ع علي دة 😁قلت ليها كويس مشيت ناديتو قام جا علي اول م وصلني جراني من شعري قال لي اها مالك،،، ضربتو في كتفو قلت ليهو حيوان دة😒عاينت كدة لقيت مؤيد بعاين لينا شديد طوالي قلت لعلي ارح اعرفك ع صحباتي😀محمد قال لي مادلي اتلفت عليهو قال لي وانا م بعرفوني😕،،،،قلت ليهو اتزفت تعال😂😂،،،،مشو معاي سلمو عليهم وبعد مشو البنات وقعو انبراشات تقيلة 😂😂😂😂😂😂💔هناء قالت لي غايتو ي علي ي محمد غيرهم م عايزة😂نادين قالت ليها خلاص بالعدل انا واحد وانتي واحد😌هناء قالت ليها لا ياخ خلي لي التاني اسبير😬 سبا قالت ليها كعبة يلا😂قلت ليهم هي شايفين اخواني سبيل😒هناء قالت لي احي ي اخواني يعني علي كمان اخوك؟قلت ليها يب😌بعدين مشينا عملنا اجراءات الاشتراك وكدة ورجعنا البيت انا ومحمد وعلي ومعانا مؤيد وهناء كنت شامة الوضع لحد م وصلنا😑 دخلنا كدة محمد طوالي طلع غرفتو وماما كانت مع خالتو منى عشان تجهيزات العرس وكدا وانا وعلي قعدنا نحضر في التلفزيون قال لي الاخ شكلو بغير😉قلت ليهو مين قصدك؟؟قال لي اكيد مؤيد حيكون منو يعني قلت ليهو ويغير ليه ان شاء الله قال لي عشان بيحبك😊قلت ليهو هو الخلاني م انا الخليتو واكسر حنك الموضوع دا بلاي قال لي خلاص روقي قلت ليهو هي ع الفكرة قبيل البنات انبرشو فيك انت ومحمد😂😂قال لي احم سيطرة نحنا😌قلت ليهو هي م تفتري ضحك وقال لي صحباتك زاتم مزز والله😉قلت ليهو افووو نحنا بنصاحب غير المزز كمان😌قال لي بتتفشخري بي صحباتك وانتي شينة كدا مالك؟😂قلت ليهو خلقة الله😏قال لي ونعم بالله😂😂عاينت ليهو بطرف عيني وقمت خليتو بضحك ودخلت غرفتي،، قبل الغدا قلت لعلي ومحمد طالعة مع البنات طالعين معانا ولا كسرتو الحنك ؟محمد قال لي مع صحباتك المزز ديك اكيد طالعين🙊😂علي قال ليهو اي قدااام😂😂💔قلت ليهم احترمو ان واقفة قدامكم يعني😒 خليتهم في عولاقهم داك ومشيت اشوف لي لبسة لقيت تلفوني بضرب كانت هناء سلمت علي وكدا وقالت لي مالك طولتي م جيتينا؟قلت ليها بجيكم ان شاء الله بس العصر طالعين تطلعي معانا؟قالت لي خلاص قفلت منها ومشيت عشان اعمل الغدا(طبعا الموم باعتنا بيعة شينة وبقت طوالي مع خالتو مني عشان العرس وكدا😂 )جهزت الصفرة وقعدنا علي شغال اكلو سريع عشان نطلع😂😂💔،،،،محمد قال لي مادلي اطفحي سرعة 😐قلت ليهم م تكرهوني هسع بكنسل المشية دي🤨علي قال لا كلو ولا زعل مادلي ياخ قلت ليهو صدقتك😂😂اتغديت ومشيت استحميت ولبست لي اسكيرت 3/4 كحلي وتي شيرت ابيض فيهو نقاط بالكحلي طويل من ورا وقصير من قدام ولبست جزمة فلات كحلية وعملت شعري ضفيرة بالجنبة ولبست ساعة بيضاء🌸💗 وشلت تلفوني اول م نزلت لقيت علي ومحمد منتظرني الاتنين قالو لي بصوت واحد مززززةةة💕قلت ليهم احم اصلي من يوم يومي حلوة😌🖐🏻علي قال لي الافترا الافترا😂قلت ليهو بحقنا😝محمد قال لي اصلو الواحد م يكذب شوية😂قلت ليهو انا مقتنعة بنفسي وكفاية😎قال لي ي ود ي ثقة😉قلت ليهو شفت كيف😌قبل نطلع اتصلت لهناء جات وطلعت معانا كنا متفقين نتلاقى في الكورنيش اول م وصلنا نزلنا انا وهناء مشينا ع البنات بس كان معاهم احمد ومؤيد(اووف حافضل اشوفو كدة لمتين😞)لقيت علي بعاين لي اشرت ليهو براسي نظام عادي😊مشيت سلمت ع البنات وحمرت لسبا نظام ليه م وريتيني انو مؤيد حيجي جرتتي عليها وقالت لي والله انا زاتي م كنت عارفة انو حيجي مع احمد بعدها مشيت سلمت علي احمد وعاينت لي مؤيد قلت ليهو كيفك قال لي اهلين🙂احمد قال لي مادلي اخبارك قلت ليهو الحمد لله بعدها خلينا الاولاد واقفين ومشينا قعدنا مع بعض انا وهناء وسبا ونادين وسلمى بعدين الاولاد جابو لينا عصاير وبيتزا علي مدا لي فراولة بي حليب قال لي امسكي نفسي اعرف ليه م بتشربي غيرو،،،قلت ليهو بس كدا بحبو😂قامت نادين قالت ليهو نظام عارف بتحب شنو وكدا😉قال ليها اكيد لو م عرفت مادلي اعرف منو،،محمد قال ليهو الاصحاب ي كدا ي بلاش😂علي قال ليهو لازم ياخ😂😂💔ونحنا قاعدين فجاة تلفوني ضرب،،،،
يتبــــع..........................
