ونحنا قاعدين فجاة تلفوني ضرب كان رقم غريب زحيت منهم ورديت في صوت قال لي مادلين كيفك قلت ليهو منو معاي؟قال لي حتعرفيني في الوقت المناسب بس اعرفي حاجة وحدة انك لي انا وبس ومؤيد م يستاهلك وطوالي قفل.وقفت مسافة بحاول استوعب المكالمة،دي😥 اتلفت لقيت علي وراي قال لي في شنو؟طوالي حكيت ليهو قام الشال التلفون مني وكتب الرقم،عندو وقال لي م تخافي انا حاتصرف❤(احيانا نحتاج لهؤلاء الاشخاص الذين ينتشلونا من عالم الخوف والضياع نحتاج لاشخاص نتكئ عليهم حين يجور بنا الزمان اشخاص نعلم حقا اننا بجانبهم سوف نحيا بخير💜)مشينا وقعدنا مع الباقين محمد قال لي مادلي مالك؟قلت ليهو م في شي عاين لعلي وقال ليهو مادلي لم تزعل بتحب تاكل شنو؟😂علي قال ليهو اكيد ايسكريم😂هناء ضحكت وقالت لي حظك ياخ اخوك،وصحبك الاتنين مدلعنك 😍علي قال ليها مادلي تستاهل❤قلت ليهو كدا حافتري انا😂💔،،،،بعدها علي ومحمد مشو طلبو لينا ايسكريم وقعدنا نتونس كلنا احمد قال لينا الاوضاع كيف مع النتايج دي؟علي قال ليهو في داعي للسيرة😂قلت ليهوغايتو نجاح باذن الله😂محمد قال لي انتي خوافة ساي عارفك حفارة انا😂سبا قالت هي غيرو سيرة النتايج دي😖 علي قال ليهم خلاص نخلي مادلي تغني لينا😍 قلت ليهو هي شايفني قونة هنا 😂قال لي غصبا عنك حتغني😂💔كلهم اصرو علي قلت ليهم طيب اغني ليكم شنو🌚؟هناء قالت لي غني لي احمد امين بديت اغني الاغنية بتاعت(يردد لي نغيما وتشتاقلو المسامع تتلب فوق شفاه لؤلؤة المدامع اعاين فيهو واضحك اجري واجيهو راجع❤...الخ)سبا قالت لي غني متى ستعرف بديت اغنيها(متى ستعرف كم اهواك ي رجلا ابيع من اجله الدنيا وم فيها ي من تحديت في حبي له مدنا بحالها وسامضي في تحديها♥..الخ)اثناء م بغني عيوني وقعت ع مؤيد للحظة حسيت بيهو بقول لي ليه عملتي فيني كدا 💔بعد خلصت قعدو يصفرو نادين قالت لي صوتك ابداع😍اتونسنا مسافة كدا بعدها رجعنا البيت .مرت الايام وقبل حنة نهي بيوم كنت مع ماما عندهم اشتغلنا معاهم وكذا بعدها رجعنا البيت تاني يوم من الصباح هناء جاتني قالت لي ارح السوق مشينا اشترينا حاجات للزينة والتجهيزات وفي الرجعة قلت لهناء يلا ناجر لينا امجاد .قالت لي لالا مؤيد مستنينا برة. اتضايقت بس عديت الموضوع💔طلعنا لقيناهو منتظرنا انا ركبت ورا وهناء ركبت جنبي رفعت راسي لقيتو بعاين لي بالمراية طوالي دنقرت .وصلنا وهناء شالت جزء من الحاجات وقالت لي جيبي الباقي وطوالي نزلت الحاجات كانت كتيرة وكنت حاقع بيها مؤيد جا مسكني وسرح في عيوني مسافة (عيناك ي سيدتي لا عطف فيهما ولا رحمة ،،، عيناك خنجر يخترق اضلعي وصولا الى اعماق قلبي،،،، عيناك خلقت لتخبرني انا لا جمال بعدها،،،،،💜🌸✨)بعد مسافة زحيت منو وقلت ليهو م تقرب مني تاني قال لي ع اساس اني فرحان لاني قريب منك ولا فرحان اني كل يوم بشوف خلقتك دي ومجبور اتحملك 😊 قلت ليهو ابدا م مجبور انك تتحملني م تتعامل معاي بس واعمل فيها انك م شايفني🙂 علي جا طالع من بيتنا قال لي مادلي في شنو؟،،، قلت ليهو تعال شيل معاي الحاجات دي جا ودخلهم معاي بعدها قلت لهناء امشي البيت واجيك. طلعنا انا وعلي سمعنا مؤيد ومعاهو احمد صحبو بتكلمو مؤيد بقول ليهو بالله هي لسه معاهو يعني والتاني ودتو وين؟اول ما شافونا انا وعلي سكتو. اما انا م فهمت الكلام وم اشتغلت بيهو .مشينا البيت علي قال لي في شنو مؤيد قال شنو؟قلت ليهو،ولا شي كنت حاقع بالحاجات وهو ثبتني وقلت ليهو م يقرب علي تاني قال لي امممم لالا تمام وطوالي طلع. ناديتو قلت ليهو ماشي وين قال لي مشوار صغير كدة وبجي راجع. انا دخلت غرفتي ودخلت الواتس وبقيت بتونس مع سحر وروان شغالين لي ي رمة م بتسالي مننا بعد لقيتي علي. قلت ليهم م كدا ياخ بس مشغولة شوية وعرس بت جيرانا. سحر قالت لي اخت مؤيد صح؟قلت ليها يب روان قالت لي مادلي م جادة انتي بتتعاملي معاهو عادي كيف؟قلت ليها الموضوع م فارق معاي كتير وبعدين انا تعاملي مع امو واخواتو م معاهو هو. سحر قالت لي متاكدة من البتعمليهو ؟قلت ليها ايوة (احيانا كتيرة بنصطنع القوة ونحنا في عز ضعفنا وانكسارنا بس الاصطناع دا في حد ذاتو قوة،،،بنصطنع انو نحنا عايشين وم فارقة معانا مع انو نحنا كل موقف مؤلم معلق في ذاكرتنا بس الاصطناع دا هو البدينا دافع وطاقة عشان نعيش ونواجه💜✨) بعد الفطور مشيت لهناء وزينت معاها صواني الحنة والبيت ورتبنا الحاجات كلها بعدها رجعت البيت. العصر هناء ونهى اصرو علي امشي معاهم الكوفير قلت ليهم في العرس بمشي بس هسه لا. لم لقوني مصرة خلوني سبا اتصلت لي قالت لي اها ماشة الحفلة صح؟قلت ليها اكيد وانتو؟قالت لي اي حنجي قلت ليها تمام مشيت كويت شعري ولفيتو وطلعت فستاني وحاجاتي. نزلت تحت لقيت ماما ياداب جاية قالت لي نهى وهناء هسه طلعو الكوفير وانا ماشة البس عشان امشي لي منى قلت ليها كويس مشيت طلعت لي علبة نوتيلا وقعدت جنب التلفزيون ماما جات نازلة وكانت لابسة ليها توب وردي مع رمادي تشكيلتو فظيعة😍(متذكرين لم قلت ليكم امي م بتلبس تياب بس دي كانت اول مرة تلبسو🌚😂)وقفت وعاينت ليها قلت ليها خطييييرة😍 قالت لي بس انتي حتطلعي اخطر😉 قلت ليها مووستحيل اطلع احلى منك يجميل انت😂💔بقت تضحك قالت لي اها حتجي متين؟قلت ليها قريب الحفلة. ماما طلعت وانا قاعدة جنب التلفزيون جو محمد وعلي عشان يغيرو. محمد قال لي مالك قاعدة كدة؟قلت ليهو انا بجي بعدين،،،مشو غيرو وجو نازلين محمد كان لابس بنطلون بيج وفنيلة بيضاء وفوق ليها جاكيت كبدي وجزمة سوداء. وعلي بنطلون جينز وفنيلة بيضاء والجاكيت كحلي وجزمة سوداء .قلت ليهم احي ياخ اتحصنو😂❤محمد قال لي لازم لازم😂 علي قال لي وانتي م تقومي قاعدة ليه قلت ليهو بجي بعد العروس تجي من الكوافير قال لي خلاص نشوفك هناك قلت ليهو ظابط،،،مشيت شغلت المكيف ونمت صحيت بعد مسافة لقيت المغرب اذن صليت واستحميت وجيت فكيت شعري بعد كويتو قبيل وشقيتو بالجنبة وطلعت خصلة ورفعت الباقي كعكة لفوق ومشيت لبست فستاني (الاشتريتو من الامارات متذكرنو؟🌚)يلا اوصف ليكم (الفستان كان اسود جاي مع الجسم من ورا طويل ومن قدام قصير ومن فوق نظام دانتيل ومن تحت عادي فيهو حزام ع شكل فيونكة بالدهبي وجزمة كعب دهبية ولبست حلق اسود صغير وعملت ميك اب خفيف مع روج كبدي وطلعت ♥🌸)اول م دخلت بيت ناس هناء لقيتهم جو من الكوافير والحفلة عايزة تبدا بس دخلت كدا حسيت الناس كلها مركزة معاي🌸✨،،،،،،
يتبـــــع......................
