اول م دخلت حسيت الناس كلها مركزة معاي لقيت البنات في وشي سلمت عليهم بعدها مشيت ع خالتو منى وباركت ليها حضنتني وقالت لي اتحصني م يسحروك❤،،،قلت ليها تسلمي ومشيت لنهى وحضنتها وباركت ليها (كانت لابسة توب كحلي لامع مع فضي وبالمكياج رهيبة ❤)قالت لي طالعة مزة😉قلت ليها وانتي تجنني ياخ😍،،،بعدها لمحت هناء جات جارية علي قالت لي ي معفنة وينك من قبيل 😒قلت ليها هسه جيت م فات شي وبعدين انتي طالعة حلوة كدة ليه😉(كانت لابسة فستان كبدي غامق فيهو اسود من فوق وحزام من ورا ولابسة جزمة كعب سودا وفاكة شعرها)قالت لي دة حنكك ي معفنة😂قلت ليها والله م كدا ياخ😂💔،،،،،قالت لي بعدين انتي الحلوة والله😍يلا الحفلة حتبدا ونحنا ماشين عيني وقعت ع مؤيد كان لابس بدلة سودا وفيونكة بالكبدي♥،،،ومع الجزمة والساعة كان خطير فجاة قبل باتجاهي وعاين لي في عيوني طوالي دنقرت اول م الدي جي اشتغل هناء ساقتني انا والبنات وبقينا نرقص، علي جا قال لي مزة بسحروك😂قلت ليهو احم😌😂محمد قال لي اختي المزة😍قلت ليهو اخوي الكسار😉،،بعدها انا وعلي ومحمد مشينا قعدنا في طاولة وبعدها جو الباقين قعدو معانا حتى مؤيد واحمد ومؤيد كان بعاين لي شديد لم وترني💔،،،،،في نص الحفلة كدا لاحظت لعلي كان واقف مع هناء وبيتكلمو ،بعد الحفلة انتهت ورجعنا البيت قلت لعلي هوانت في شنو ليه كنت واقف مع هناء؟،،قال لي ولا شي ونسة عادية قلت ليهو تمام .تاني يوم الصباح سبا اتصلت لي قالت لي حنمشي النادي الليلة، بالعصر كدة لبست لي بنطلون اسود وتي شيرت ابيض باسود وعملت سعري كعكة طلعت لقيت البنات سلمت عليهم ودخلنا صالة الرياضة عملنا شوية تمارين بعدها مشينا صالة الزومبا لم انتهينا مشينا الكافي هناء اتصلت لي قالت لي وينك؟قلت ليها انا في الكافي قالت لي خلاص جاياك بعد قفلت منها بشوية كدة جات سلمت علينا وقعدنا كلنا قلت ليها كيف من تعب امس؟قالت لي اسكتي ساي نمت نوم والعجب نهى لحد هسة نايمة😂سبا قالت ليها حظها خليها تتدلع ساي،ونحنا قاعدين كدة تلفون هناء ضرب وفصل بعدو بشوية قالت لي سلمى ارح معاي الحمام قامت سلمى مشت معاها حتى انا استغربت ليه سلمى بالذات🙄 بس م ركزت مع الموضوع بعد مسافة كدا سلمى جات، قلت ليها هناء وين؟قالت لي بتتكلم مع امها بتلفوني، بعد شوية هنااء جات ادت سلمى التلفون وقالت ليها شكرا، قعدنا شوية بعدها رجعنا البيت، قلت لهناء انتي قبيل ليه سقتي سلمى تحديدا واتكلمتي بتلفونها؟قالت لي بتغيري علي ي مادلي😂قلت ليها بطلي عوارة واغير عليك ليه كمان🌚بقت تضحك قالت لي ساي بس عشان كانت قاعدة جنبي سقتها،اول م دخلت البيت لقيت علي قلت ليهو مالك قاعد كدا؟قال لي محمد مشى الشركة وانا قاعد ساي م عندي موضوع قلت ليهو وليه م مشيت معاهو، ،قال لي تعبان ياخ م بقدر قلت ليهو خلاص امشي ارتاح لحد م محمد يجي قال لي تعالي ونسيني🌚قلت ليهو ابييييييبت🐸قال لي ي زفتة ياخ تعالي مشيت قعدت معاهو قال لي اها اخبارك شنو؟قلت ليهو زي م انا😂،،،قال لي طيب ومؤيد كيف معاك؟سكت شوية وقلت ليهو عادي جدا اصلا م في بينا حاجة،،،قال لي اممم طيب خلاص انسي قلت ليهو بس ليه السؤال؟قال لي لالا ساي بس امس في الحفلة كان مركز معاك شديد،،،،قلت ليهو انسى ياخ،قال لي طيب احساسك شنو والنتايج بعد بكرة قلت ليهو واااي عليك الله اسكت😣قال لي ع قول خالتو سارة انتي هراشة ساي وبعد دة كلو نتيجتك بتطلع حلوة😂قلت ليهو اصلا من زمان انا كدا😂اتونسنا شوية بعدها طلعت غرفتي بس دخلت كدا سحر وروان ضربو لي مكالمة فيديو .قلت ليهم زفووت مشتاقين😍قالو لي كتير ياخ❤،،،قلت ليهم انتو وين كدة؟روان قالت لي حايمين في المولات عشان الجامعة وكذا😌قلت ليهم حظكم ياخ ،سحر قالت لي ي معفنين انتي وعلي بقيتو م شغالين بينا☹قلت ليها بطلي عولاق انتي عارفة العرس والجوطة الحاصلة قالت لي العرس بيخلص تاني نشوفك تتحججي بشنو😒ضحكن وقلت ليها كويس نزلت لعلي تحت وقلت ليهو تعال اتكلم مع البنات ديل شال التلفون مني قال ليهم مشتاقين يا😉سحر قالت ليهو واضح😒روان قالت ليهو المشتاق بسال ي مفتريين😏عاين لي وضحك قال لي زعلانين شديد البنات ديل😂قلت ليهو اوي اوي😂💔سحر قالت ليهو اي اضحكو ي بياعين😒قال ليها اها بدينا م كل يوم بتونس معاكم في الواتس. وبعدين حايمين وين كدة؟روان قالت ليهو حاجات الجامعة ي الاخو🐸 قال ليها انتو النتايج متين؟سحر قالت ليهو بكرة ي اهبل🌚قال ليها احلفي😯قالت ليهو والله ي ود اصلا اتصلنا عشان نوريك😂بعد قفلنا منهم ضحكت فيهو ضحك😂💔قلت ليهو الله معاك شديد.قال لي ع الاقل انا حاعرف نسبتي وارتاح انتي تاني تنتظري يومين😝 قلت ليهو كريه دة😒،،قال لي البادي اظلم🐸،،تاني يوم الصباح لقيتهم كلهم قاعدين قلت ليهم اها الاخو دة خبر نتيجتو شنو؟علي قال لي سحر وروان ماشين ع المدرسة وحيتصلو لي ،قلت ليهم واشري عان بقى عامل كيف😂محمد قال لي الاخ خايف اختيهو زي الوقت دا😂بابا قال لينا خلو علي دة في حالو ،،،علي قال ليهو خليهم ي عمي اصلا مادلي دي ليها يوم😒قلت ليهو هس بالله🐸مشيت جبت شاي لنفسي وقعدت وبقيت بكاوي في علي ،،بعد مسافة كدة سحر ضربت علي عايز يرد كدا شلت التلفون منو ورديت ،،بقيت شغالة لي سحر واي انتي جادة بصوت زعلان كدة قالت لي ي بت م تخوفي الولد😂 قلت ليها طيب انتو جبتو كم؟يعني علي براهو كدا😨طيب طيب اقفلي برجع ليك، وعلي شغال لي ي زفتة هي في شنو؟😥قعدت في الكرسي وعاينت ليهو وهزيت ليهو راسي بمعني لا😞قال لي م نجحت؟دة شنو الكلام دا ي بت😰بقيت اضحك باعلى صوت قلت ليهو 92 ي اهبل😂قال لي يومك زاتو😤طوالي فكيت الجري وهو جاري وراي😂😭😂😭😂💔لحد م قبضني وجراني من شعري وجضمني قال لي اصبري لي بس😂💔بعدها ناس بابا باركو ليهو مشيت قلت ليهو مبروك ياخ😍قال لي ي غياظة يبارك فيك وعقبالك❤،،قلت ليهو اميين،،،قال لي هي بالجد روان وسحر كيف؟قلت ليهو الاتنين 94 تقول باصين😂قال لي ايام الامتحانات كلها يقرو مع بعض ليهم حق😂💔بعدها ضربنا ليهم وباركنا ليهم💜وفضلت انا يحليلي😢،،العصر كدة هناء جاتني وريتها بنتيجة علي والبنات قالت لي واي ي مادلي عقبالنا😭،قلت ليها امين ياخ😢❤،،،قالت لي طبعا ابوي جاي عشان عرس نهى وحينقل شغلو هنا ويستقر معانا😍(هم ابوهم في امريكاوعندو جزو من شغلو هنا في السودان)قلت ليها حلو يصل بالسلامة❤،مرو اليومين زي الساكيهم كلب😂💔وجا يوم النتايج😭وانا من الصباح راقدة في الغرفة ابيت اطلع😂😭😂😭💔جوني علي ومحمد وبقو يدقو لي في الباب وشغالين لي اطلعي ياخ قلت ليهم كويس مشيت لبست لي فستان بيج تحت الركبة فيهو ورورد بالعنابي والوردي يدينو طويلة وعملت شعري ضنب حصان ونزلت لقيت خالتو منى وهناء ومعاهم مؤيد قاعدين مع الباقين ومنتظرين المؤتمر ،،خالتو منى قالت لي ي خوافة😂ضحكت وسلمت عليهم وقعدت وانا وهناء خايفين خوف😰وعلي يكاوي فيني عايز ينتقم الحيوان 🐸لحد م المؤتمر بدا، ،،
يتبــــع................................
