وصلت البيت لقيت ماما قاعدة سلمت عليها ودخلت غرفتي،،اتذكرت البنات وعلي ضربت مكالمة فيديو لعلي اول م شافني صفر😂 قال لي قاشرة وكدا قلت ليهو لازم ياخ😂 قال لي اها اول يوم كيف وكيف حكيت ليهو الحصل كلو مات ضحك😹💔قلت ليهو البنات وين؟قال لي اسكتي زعلانين منك زعل 🐸قلت ليهو مني انا ليه بس😳سحر قلعت منو التلفون قالت لي تتحججي لينا بالعرس وم حكيتي لينا الحقيقة ليه😒روان جات قالت لي اها اتكلمي العرس وانتهى تاني مالك☹قلت ليهم براكم شايفين اني م قعد ادخل لاواتس لا فيس كتير ومعظم وقتي نايمة وبعدين بالنسبة للموضوع داك انا م بحب اتكلم فيهو عشان كدا 🙂سحر قالت لي ولا يهمك حبيبتي بنهظر نحنا واحسن انو عرفتوها ع حقيقتها 🌚روان قالت لي اااخ بس لو كنت هناك كنت خنقتها😒قلت ليها يلا الحمد لله انك م كنتي هناك😂
سحر قالت لي وبعدين علي قال ابيتي ترجعي ليهو ليه كدة؟قلت ليها سحر م بقدر ارجع وانا حاسة انو هو م بثق فيني 🙂روان قالت لي دقيقة خليني اجي اكفتك م بتعرفي حاجة اسمها غيرة انتي لو م بغير م كان زعل واتصرف كدة دي ابدا م عدم ثقة😒قلت ليها طيب انسي 🌚علي قال ليهم حلقي وجعني وانا بتكلم معاها بس م جديد عليكم عارفين مادلين وعنادها🐸قلت ليهو انسونا من دا كلو الجامعة كيف؟علي قال لي ظاابطة ياخ فيها كترة مزز😂قلت ليهو اصلا ي فلاحتك🐸💦سحر قالت لي اي شغال انبراشات ساي😂روان قالت لي من اول يوم حنك نص الجامعة😹قلت ليهم كعب شديد😹😹قفلت منهم ومشيت استحميت وطبعا نمت😂صحيت للغدا نزلت لقيتهم قاعدين سلمت عليهم محمد قال لي احكي اول يوم كيف🌚قلت ليهو ظابط شديد وقعدت احكي ليهم بالحصل😹قعدو يضحكو محمد قال لي اكسفورد عديل يا😂قلت ليهو اي اي😂بعد اتغدينا طلعت غرفتي وطلعت الدفتر بتاعي وبديت اكتب (حاليا وفي اللحظة دي اشتقت ليهو بحجم كل شي،،،م عارفة اذا تصرفي صح او لا بس كل العارفاهو اني م قادرة ارجع ليهو،،م نسيتو بس في حاجة جواي بتقول لي م ترجعي لانو الثقة اهم شي خذلك وم وثق فيك وممكن يرجع يعملا،،وفي صوت تاني بقول لي هو بحبك ي مادلين شفتي غيرتو عليك؟شفتي هو كيف م بيتحمل زول يقرب عليك 😢 ،،احترت اعمل شنو واتصرف كيف وكل م اتذكر نظرتو لي قبل يمشي والعبارة القالا لي خلي بالك من نفسي قلبي بوجعني اكتر💔) اثناء م انا فاتحة الدفتر هناء جات داخلة قالت لي مفاجأة😍قلت ليها هنوووو♥جات جارية ووقعت فيني قالت لي بتكتبي في شنو🐸قلت ليها م حاجة مهما قالت لي اممم طيب،، قلت ليها اول يوم في الجامعة كيف؟قالت لي ظابط شديد🤓وانتي؟قلت ليها نفس الحنك وحكيت ليها عن فهد وقصي البرلموني وعن العملتو😹،قالت لي م اتعرفنا ي بت اكسفورد😂😂💔 ،،،قعدنا نتونس كدا قلت ليها انا زهجانة ارح النادي
قالت لي ارح لبست لي بنطلون وتي شيرت وختيت طرحة ومشينا، دخلنا الكافيه وطلبنا قهوة واتصورنا وطوالي جدعناها استوري🌸✨سبا ونادين قالو لي خاينين🐸قلت ليهم معلش معلش😂هناء قالت لي اها الزهجة راحت ي ام نفسيات🐸قلت ليها اممممم يعني🤓قالت لي هي بالمناسبة مؤيد وخالد وصل كويسين وبسلمو عليك🌚قلت ليها الله يسلمهم😊 تاني قلت ليها انتي افنان اخبارا شنو😂قالت لي بري رجعت بورتسودان وعاملة فيها زعلانة بس بي جازا😂قلت ليها راسليها في الواتس واعتذري ليها،،قالت لي اعتذر لمنو هبلة انتي🐸وبعدين انا م مسيفة رقمها في تلفوني😂قلت ليها كعبة يلا😆بعد المغرب كدا رجعنا البيت صليت وخشيت الفيس نزلت منشور محتواهو
(ذلك الاسمر ذو العينين السوداويتان صاحب الابتسامة الجميلة ذو الوجه المبتسم ✨ايعقل ان يفوق جمال ذلك الجمال الذي اراه فيك؟سلمني اياك ي هذا فانا الوحيدة التي استحقك ♥✨) بعد نشرت الكلام دا دخلت الواتس لقيت هدى وريم عملو القروب وضافوني .قلت ليهم اهلين شباب، ،قصي قال لي اووو مادلين نورتي😍ريم قالت لي نوور شديد😂سبا جات ناطة قالت لي شهرة وهيييكا😂نادين قالت لي حار حار من اول يوم😹جا واحد اسمو وائل قال ليهم دي البرلمت السناير؟قلت ليهو اي انا شخصيا😌😂قال لي يلا ي اصلية انتي لازم اتعرف عليك بكرة😂قلت ليهو ظابط اتونسنا مسافة بعدها دخلت الفيس وابتدت التشغيلات🤓هناء علقت لي بي ي بختو الاسمر بيك😂وسبا قالت لي حييينا😹ونادين قالت لي لينا الله😭😂جا محمد التافه قال لي الاسمر دا لو عارف جنك وهبلك دا بشرد براهو🐸علي قال ليهو خليهو يجي بس بنعرسا ليهو سااي كدا😂محمد قال ليهو لا مهر لا شيلة م عايزين لانو كدا كدا حيرجعا ويشيل حاجاتو😂😂 قلت ليهم تافهييين يلا🐸 وقفلت التلفون ونمت😴
يتبــــع.........................................
