نمت مسافة صحاني صوت ماما وهي بتقول لي انتي كويسة؟ قلت ليها اي قالت لي تعالي افطري معاي قلت ليها كويس. نزلت مع ماما وانا اصلا م عندي نفس بس عشان م تلاحظ قعدت معاها واكلت شوية بعدها طلعت غرفتي قعدت مسافة كدة واتذكرت الوعد القطعتو ع نفسي اني حانسى مؤيد وم حاضعف بسببو شلت تلفوني ورقدت ودخلت قروب البنات قلت ليهم شمااار سريع كلهم جوني طيران🏃🏻♀😂 سبا قالت لي احكي سريييع😃 جات نادين قالت لي فتي سرعععة🧐سلمى قالت لي في شنو في اولاد مزز عايزانا ننبرش فيهم ولا جاك عريس؟ولا جايبة لينا نحنا عرسان🌚قلت ليها ي اخت روقي🙁نادين قالت لي معلش البورة فايضة بيهابس يلا احكي سوورعة😁 قلت ليهم طيب بس حاولو استوعبو معاي مؤيد طلع ولد جيرانا🙂سبا قالت لي جادة؟قلت ليها اي سلمى قالت لي كيف يعني جاركم نادين قالت لي بت خلي الاستهبال قلت ليهم واقسم بالله م قعد استهبل سبا قالت لي مادلي كوني جادة شوية قلت ليها ي بت والله جادة انا 😒بقو شغالين لي عرفتي كيف واتكلم معاك ولا لا. حكيت ليهم بالحصل نادين قالت لي اصلو م بصدق سبا قالت لي اها وحصل شنو ؟قلت ليها ولا شي سلمى قالت لي يعني اتعاملتي معاهو عادي؟ قلت ليها اي قعدو يسالو اسئلة كتيرة قلت ليهم هي كرهتوني😐يلا باي قفلت الواتس وسرحت في كل الحصل بعدها قررت فعلا اني اكون قوية وم اضعف😊 مشيت وقفت في الدولاب (اصلا لم ازهج بحاول اغير مزاجي😄)طلعت لي بنطلون جينز اقصر من نهاية القدم بشوية ومعاهو قميص عنابي غامق مع رمادي💜مشيت استحميت ولبستو وعملت شعري ضفيرة هندية ولبست شبشب بيت رمادي وعملت مرطب وبقيت بتصور،وبنزل في الاستوري بعدها طلعت قعدت مع ماما تحت.قالت لي الصداع شكلو راح؟قلت ليها اي. بقت تضحك قالت لي وشكلو قبل يروح طلع ليك في راسك😂هسه كنتي م قادرة تفتحي عيونك وحاليا لابسة ومسرحة شعرك قلت ليها نفسيات ي موم نفسيات🌚قالت لي امرك عجيب😂مشيت المطبخ عملت فراولة بحليب وطلعت غرفتي اول م فتحت الواتس لقيت الرسايل تتطاقش من البنات سبا قالت لي غايتو الاستوري خطير حاسة بشنو؟قلت ليها المزاج رايق☺قالت لي م تكونو رجعتو من وراي بس 😕قلت ليها انتي هبلة مستحيل جو سلمى ونادين في القروب قالو لي الاستوري عامل شغل 😉سبا قالت ليهم البت جنت غايتو ومؤيد طلع في،الراس عديل قلت ليها ي بت هسه مالي انا؟قالت لي متاكدة انك كويسة؟قلت ليهم هي انا كويسة ويلا اكسرو حنك الموضوع دا.طلعت منهم رسلت لشلتي القديمة(سحر روان علي) قلت ليهم مشتاقين م كان في زول داخل منهم رسلت ليهم تاني بعدين مكالمة جماعية عايزاكم في موضوع. ومشيت نمت😴 صحيت للغدا نزلت واتغديت مع ناس امي وابوي ومحمد لميت الصفرة مع ماما وغسلت ليها العدة .بعدها جات قالت لي يلا البسي قلت ليها ليه ماشين وين؟ قالت لي عن ناس خالتك منى سكت مسافة وقلت ليها ي ماما ياخ انا م ماشة 😐قالت لي ليه؟قلت ليها تعبانة بس قالت لي خلي الكسل وامشي البسي لم لقيت امي،مصرة مشيت لبست لي طرحة رمادية فوق ملابسي ديك وطلعت ماما قالت لي ماشة كدة؟ قلت ليها ومالو قالت لي امشي البسي ليك حاجة احلا قلت ليها ماما ياخ لو م كانو البيت القصادنا .قالت لي مادلي اسمعي الكلام اول مرة تمشي بيتهم تمشي،بملابس بيت😒مشيت لبست لي بنطلون اسكيني بني وتي شيرت ابيض لحد الكمر وطويل من ورا فيهو اشكال بالبني وختيت طرحة بنية وطلعت ماما قالت لي كدة حلاتك ارح☺مشينا وانا قلبي بضرب بطريقة مبالغة😥 الشغالة فتحت لينا الباب ودخلنا الصالة الفيها ناس خالتو منى سلمت علينا بطريقة حلوة وحضنتني❤وكان معاها نهى برضو سلمت علينا بذوق كدة بعدها مشت نادت هناء جات سلمت علينا وبقينا نتونس خالتو منى قالت هناء ومادلين من اول مرة دخلو في بعض. هناء قالت ليها عشان مادلين ظريفة وتدخل القلب طوالي😍قلت ليها وانتي كمان والله تدخلي القلب بسرعة☺قالت لي انا م صدقت لقيت بت قدري هنا قلت ليها حظك انتي عندك اخت لكين انا براي ومعاي ولد واحد بس. قالت لي م حنك نحنا هسه اخواتك😊قلت ليها اكيد❤اثناء م قاعدين بنتونس كدة فجاة خالتو منى قالت مؤيد تعال سلم ع ناس خالتك سارة .طبعا انا خلاص اتوترت شديد😑جا وسلم ع ماما وجا علي بقى يعاين لي في عيوني ابتسمت ليهو ابتسامة باردة🙂وقلت ليهو اهلين حسيت بيهو اتغاظ مني وطوالي مشى قعدنا معاهم شوية كدة بعدها رجعنا البيت مشيت غيرت بي بجامة وجيت و كالعادة بقيت بفكر في الحاصل وكيف حاتعامل معاهو عادي وكانو ولد جيرانا بس وكيف حاتعامل مع اخواتو عادي. قطع تفكيري صوت تلفوني وهو بضرب
يتبــع.......................
