اتحركنا ع الكوفير وكان معانا بنات عم هناء في وحدة منهم اسمها افنان كريهة كدة وكلامها كيف كيف🌚قالت لي هناء م عرفتيني ع البت دي(بمياعة كدة ولكم حرية. المحاكاة😂)هناء قالت ليها دي مادلين وي مادلين دي افنان.قالت لي اممم اسمك حلو ع فكرة،،قلت ليها شكرا ،،مشينا الكوفير قعدت تتعولق وشغالة لي بتاعت الكوفير انا عايزة اعمل اول لانو موضوعي طويل وعندي لوك معين🤓قلت لهناء البتاعة دي مالا؟🐸ونهى ماتت ضحك😂هناء قالت لي اصلها مايعة كدا م تاخدي في بالك😹بدو يشتغلو في نهى وعملو ليها ماسكات وحمام مغربي وكذا انا وهناء كنا تعبانين طوالي نمنا ،بعد مسافة كدة صحينا لقيناهم بدو يرسمو لي نهى الحنة.وافنان عملت ميج كبدي ع عنابي كدا وم كان جاي معاها نووهائي ورسمت يدينها😂عاينت لينا وقالت لينا اها رايكم😌هناء كانت كاتمة الضحكة وقالت ليها حلوة شديد🤭قالت لي اها ي مادلين قلت ليها رهيبة😆زحينا منها واتفجرنا بالضحك😂😂😂💔هناء قالت لي استغفر الله اصلها معولقة😹قلت ليها دة اللوك بتاعها؟صراحة اتفاجئت😆هناء ضحكت باعلى صوت قالت لي بتسمع اغاني راب كتير عاجبها شعر الفنانات بس المشكلة م جاي معاها نهائي. قلت ليها اسكتي قبل تسمعنا😂😂،،، بالعصر كدة بدينا نرسم انا وهناء و المرة جابت لينا اشكال خطيرة من تلفونها وعملتها لينا😍جات افنان قالت لينا يييي رسمتكم احلى من رسمتي😕وعاينت للمرة وقالت ليها ليه م عملتي لي زيهم قالت ليها انتي استعجلتي وابيتي تنتظري .هناء قالت ليها عشان الشلاقة كعبة كنتي تستنينا 😒قالت ليها خلاص م حنك،،المغرب كدة لبسو نهى الفستان وكانت مكوزة طلعت رهيبة 😍وافنان لبست فستان عنابي لامع قصير وجزمة كعب سوداء وعملت مكياج اوفر وفكت شعرها.هناء قالت لي مع شعرها ولون الفستان مصاصة دماء بس😂قلت ليها كتلة دم متحركة بس😂😂 اما انا وهناء فساتينا كانت من فوق اوف وايت فيها لماع باللون التيفاني لحد النص ومن تحت منفوشة باللون التيفاني ،ولبسنا جزمة كعب اوف وايت وعملنا استشوار وطلعنا خصل وجبنا الباقي بالجنبة وعملنا مكياج خفيف💜،،،،وطلعنا في عربية برانا وصلنا مع عربية نهى لم نزلو هي ونبيل وبعلييياااااا منهم ياخ حلوين حلا😍وقبل يدخلو الصالة انوارها طفت وبقى في نور على ممرين جينا ماشين فيهم انا وهناء وكنا شايلين سلة فيها فيونكة بنفس لون الفستان وجواها زهور بيضاء كنا ماشين وبنجدع الورد في طرف الممر لحد م وصلنا الكوشة بعدها الزفة بدت ونهى ونبيل جو ماشين في الممر والورد محاوطهم بالجهتين😍 وكانو خطيرين♥،،لقينا البنات واقفين مشينا عليهم سبا ونادين قالو لينا خطيرين ياخ😍 هناء قالت ليهم افكار مادلي يوخ😂♥ونحنا واقفين لمحت محمد و علي ومؤيد وخالد واقفين مع بعض وكلهم لابسين طقم اسود🖤وفي مؤيد بالذات كان خطير😢 .اول م الحفلة بدت افنان مشت جنب مؤيد وقالت ليهو م وريتني رايك في الفستان ي بيبي😕مؤيد عاين لي وقال ليها انتي اي حاجة معاك حلوة قالت ليهو يسلمو ي بيبي😍هناء قالت طبعا افنان دي منبرشة في مؤيد اخوي شديد🌚سبا قالت ليها منبرشة وبس دي راقدة عديل ي بت😹نادين قالت ليهم بس ظاهر عليها خفيفة😐هناء قالت ليها شديد م عارفة مؤيد دة مستحمل معطها دا كيف😂انا من غير م احس قلت ليها ونحنا مالنا بيهم ليكم ساعة افنان ومؤيد سبا قالت لي روقي مالك هسه😕م رديت واتحركت منهم ،هناء قالت ليهم وحات عيوني الشايفاكم بيها الاخت دي بتغير😉نادين قالت ليها ظاهر.سبا قالت ليهم بس مادلي عنيدة. هناء قالت ليها مصيرها ترجع،،بعدها جو ساقوني وبقينا نرقص وجو خالد ومحمد وعلي رقصو معانا ومؤيد جا مع افنان وبقو يرقصو جنبنا .خالد دنقر علي وقال لي في اضاني فستانك خطيو قلا ليهو تسلم😊عاين لافنان وقال لي تعرفي البت البترقص مع مؤيد دي قلت ليهو اي افنان قال لي اي بت عمي قلت ليهو اها مالها؟قال لي علموها شوية زوق في اللبس بدل العولاق العاملاهو في روحها دا😂انا ضحكت ضحك لم كلهم عاينو لي لقيت مؤيد بعاين لي بحميرة كدا 😠طوالي قبلت ع خالد وقلت ليهو الصراحة كدة بت عمكم دي كريهة🌚قال لي شديد والله😹وبقينا نضحك جا علي قال لي اها لقيتي صاحب جديد وحتبيعيني🙁قلت ليهو هو انت بتتباع لكين؟😉قال لي ااخ طمنتيني😂قلت ليهو اهبل دا🐸قال لي غبية دي🌚خالد قال ليهو زولة زيها كدة بقولو ليها غبية، علي قال ليهو حتفتري البت😂قلت ليهو ثقة والحمد لله😂بعد الحفلة خلصت مشينا باركنا لنهى ونبيل واتصورنا معاهم .جا وقت الوداع مشينا معاهم المطار ياخ بكو بكا وهناء عزت عديل ونهى تشيل وتبكي😭بعد ودعناها رجعنا البيت. وعلي اجل سفرو لي يوم عشان قررنا نطلع تاني يوم كلنا ،فطلعنا وكان معانا خالد وافنان العصر كدة مشينا محل كلو زراعة وبحر فرشنا مفارش وقعدنا في الارض والاولاد جابو لينا عصاير وقعدنا نتونس انا كنت قاعدة في النص جنبي علي وهناء وقصادي خالد وافنان متلصقة في مؤيد. علي قال لي في عضاني حيشلبوك في ورا عنادك دا🌚عاينت ليهو كدة😒وقلت ليهو م فارق معاي. بقى يضحك قال لي عنيدة،،قام خالد قال لينا من قبيل تتهامسو في شنو؟قلت ليهو م حاجة مهمة 😊محمد قال لي اعتقد اني فهمت😂 قامت افنان قالت لي معليش ع السؤال بس انتي وعلي مرتبطين؟عاينت لي مؤيد لقيتو بعاين لي قلت ليها البينا اكبر من انو يكون ارتباط😊 علي قال لي اوفكورس😉قامت قالت لينا حلوين صراحة بس الثنائي بتاعنا انا ويودي احلا من الثنائي بتاعكم😍مؤيد ابتسم ليها وسكت.هناء همست لي في عضاني وقالت لي عملو ثنائي كمان خليك قاعدة كدا😒قلت ليها هس مني🙂علي قال لهناء خليها خليها😏قالت ليهو بعدين ببقى ليها بمبي ،حمرت ليهم وسكت ومحمد ومؤيد يتبسمو ساي😑بعدها انا زحيت منهم ومشيت جنب البحر مؤيد جا وراي عاينت ليهو وسكت قال لي حتفضلي كدة كتير؟قلت ليهو كدة كيف؟قال لي م حتتكلمي معاي قلت ليهو اتكلم معاك باي صفةقال لي زمان كنا شنو؟قلت ليهو م حينفع زي زمان قال لي ليه.قلت ليهو لانك م بتثق فيني.قال لي م قصة ثقة قلت ليهو انا م عايزة اتكلم في الموضوع. قال لي حتى لو عرفتي اني حاسافر؟
يتبــــــع......................................
