مرو اليومين وجا اليوم الحيسافر فيهو مؤيد💔مشينا انا ومحمد وماما ودعناهو هو وخالد وقبل يتحركو ع المطار هناء ساقتني الحديقة الخلفية لقيت مؤيد واقف قال لي م عايز اطول عليك بس خلي بالك من نفسك لانك بتهميني😊يمكن انتي م حترجعي لي بس حافضل احبك مهما حصل❤،،،بعدها قرب مني وباس راسي ومشى بعد اتحرك مسافة وقف وقال لي خلي بالك من نفسي وطلع،،انا طوالي جريت ع البيت وطلعت غرفتي وقعدت ابكي😭😭💔(بقولو كل حاجة حتعدي مع الزمن وحننسى، بس الزمن دا بيعدي علينا نحنا بقتل كل حاجة حلوة فينا بقتل مشاعرنا واحاسيسنا وهو بيعدي💔)هناء جات لقتني ببكي جات قعدت جنبي قالت لي مادلي بتكابري ليه؟م رديت عليها بس كنت ببكي جات حضنتني وقالت لي روقي خلاص،بكيت مسافة بعدها دخلت الحمام غسلت وشي وطلعت ،،قالت لي احسن؟هزيت ليها راسي بمعنى ايوة ،،،عديت كذا يوم وانا في حالة اكتئاب وبكا لحد م جا الوقت الحتفتح فيهو الجامعات انا والبنات مشينا السوق وجهزنا حاجاتنا كلنا كنا في نفس الجامعة بس هناء هندسة طبية ونحنا طب، ،،وفي اول يوم للجامعة كنت متحمسة شديد لانو حادخل مرحلة جديدة وكذا وكنت عايزة انشغل عن التفكير بمؤيد .صحيت الصباح استحميت وصليت وقريت شوية قران♥(احلى حاجة انك تبدا يومك بالقران بتحس بكمية من الراحة والطمانينة م عادية 💜✨،،،،)ولبست فستان لحمي سادة مع الجسم فيهو حزام اسود 🖤وطرحة لحمية وشنطة وجزمة كعب سودا وعملت ميك اب خفيف وركبت السنتافي بتاعتي😌😂(متذكرنها؟!🤓)اصلا كنت خلاص اتعلمت السواقة واتحركت ع الجامعة .هناء قسمهم بعيد من قسمنا شوية فحتمشي براها،، وصلت الجامعة اتصلت لسبا ونادين قالو لي في الطريق .بركنت العربية ودخلت. قلت اسال من القاعة ولاني سامعة بحكاية البرلمة دي قلت اخد حذري🌚لقيت ولدين واقفين براهم اتوكلت وسالتهم واحد منهم وصف لي ..اول م مشيت. القاعة كانت كلها جايطة وبتتونس والناس م ظاهر عليهم برالمة، قلت بس ي مادلي كتمت فيك 😂💔والناس دي كلها قبلت علي وبقو يضحكو قلت شكلهم كشفو القصة 🐸بقيت افكر احسن موقفي كيف رجعت وضربت الباب بكل قوتي لم القاعة كلها صنت قلت ليهم دا اسلوب لطلبة جامعيين؟واحد قال لي ي مزة م اتعرفنا لكين😉عاينت ليهو من فوق لتحت وقلت ليهم انا بت العميد خريجة جامعة اكسفورد جيت مع ابوي كزيارة استكشافية للجامعة وكنت حاشتغل معاكم محاضرة بس للاسف مستوى متدني واخلاق زبالة حاكلم ابوي يتصرف معاكم ،كلهم بقو يعاينو لي بعض، ،وحدة قالت لي ي دكتورة نحنا اسفين م قصدنا لو سمحتي م تكلمي العميد ،وكلهم بقو يحنسو فيني. قلت ليهم يلا اعتذرو بصوت عالي كلهم قالو اسفين😂😂💔قلت ليهم وعد الفوضى والهمجية بتاعتكم دي م تتكرر تاني؟قالو لي وعد .واحد قال لي ي دكتورة عرفينا ع نفسك قلت ليهم انا مادلين محمود برلومة طب وفكيت الضحكة😂القاعة كلها عاينت لي وبقت تضحك،،واحد قال لي ي مادلين بالغتي والله، قلت ليهم معلش معلش كان لازم اعمل كدا عشان م اتبهدل😂،،واحد قال لي نحناا الاتبهدلنا والله😭😂💔طلعت وانا بضحك لقيت سبا ونادين قالو لي مالك؟حكيت ليهم الحصل ماتو ضحك😂😂ونحنا ماشين ع القاعة الناس كلها كانت بتعاين لي ويقولو البرلومة البرلمت السناير😂ومن اول يوم بقيت مشهورة😌😂مشينا القاعة بعد وصفو لينا صح😹 وشلنا جدول المحاضرات بعدها مشينا الكافتريا ونحنا ماشين في كذا بت وولد جو سلمو علي ،قالو لي قبيل ابدعتي غايتو😂طلبنا عصير وقعدنا جونا بتين سلمو علينا قالو لي طبعا انتي بقيتي معروفة مادلين البرلومة البرلمت السناير😂ضحكت وقلت ليهم اي شهرة سريعة😂وحدة قالت لي انا اسمي ريم والتانية قالت اسمي هدى، هدى قالت لينا نحنا عايزين ارقامكم عشان نعمل قروب للدفعة وكدا، قلنا ليها كويس وانا وسبا ونادين اديناها الارقام، ونحنا قاعدين كدا في واحد جا قال لي هدى حبيبتي وينك من قبيل عيني وقعت عليهو ياهو البرلمني قبيل زاتو😭😂عاين لي وقال لي انتي؟هدى قالت ليهو بتعرفو بعض؟قلت ليها دا البرلمني زاتو، وكلنا ضحكنا😂قالت ليهو بالغت ي فهد😂قال لي معليش ياخ بس برضو انتي طلعتي م هينة وقدرتي عليهم😂بعد شوية جا الولد الكان مع فهد لم برلمني اول م شافني ضحك قال لي جينا نبرلمك برلمتي السناير😂😂💔 ريم قالت ليهو انت كمان معاهو ي قصي😂قعدنا واتونسنا مع بعض طلعو ظريفين شديد وطبعا هدى وفهد مربطين😍سبا قالت ليهم شفتو يلا حركات الحب والبتاع دا م قدامنا🐸 انا ونادين بصوت واحد قلنا ليها لو م كنتي مربطة🌚قالت لينا ولو برضو بمسكني جفاف لم اشوف اتنين بحبو بعض قدامي😂💔قصي قال ليها يلا كعبة انتي😹فهد قال لينا خلاص رفقا بكم حنحاول م نخلط قدامكم😄اتونسنا مسافة بعدها طلعنا سبا ونادين طلبو ترحال وانا ركبت عربيتي .هناء اتصلت لي قالت لي رجعتي قلت ليها في الطريق وانتي؟قالت لي هسه دخلت البيت قلت ليها تمام .قفلت منها واتحركت ع البيت 🌸✨
يتبـــــــع.............
