بدينا تجهيزات العرس وكذا،،وعلي والبنات جو قبل اسبوع من العرس والفستان كان حاجة روعة كدة (تعرفو بعدين😝) 😍،،وطبعا دووونة اتحبست وهيكا وجرسة شديدة😂كل يوم تكورك م عايزة اقعد وبتاع،،قلت ليها وانتي قايلة العرس شنو اشربي يلا😂،،جهزنا الشيلة وكل يوم نمشي السوق لحد م خلصنا وكدا،، وقبل العرس بيوم مؤيد كان جايي،،بالليل كنا قاعدين في غرفتي انا وهناء وسحر وروان وسبا بنتونس وكدا ،،هناء قالت طبعا مؤيد جاي بكرة،،روان قالت ليها متشوقة اشوف الشخصية الجهجهت ناس كدا😝،،هناء قالت ليها بكرة قريب بتشوفيهو😂،،سحر قالت لي مادلي ارجعي وريحينا ياخ😒،،قلت ليها سسسسسحححر😒،،قالت لي اها سكتنا😏،،سبا قالت ليها خليها خليها جاهلة ساي🐸،،قلت ليهم خلاص خلوني في جهلي دا🌚،،تاني يوم الصباح صحينا نضفنا البيت وكدا واهل امي وابوي كلهم مغتربين وكذا جو وناس عمو ابراهيم فنضفنا بيت ناس خالتو منى برضو،،وعلي و اصحاب محمد كانو شغالين في الصيوان والحاجات دي،،وخالتو منى وماما حسيت بيهم بيطعنوني بالكلام مؤيد وم مؤيد🌚،،بالنهار كدا علي ومحمد مشو يجيبو مؤيد من المطار،،وانا والبنات وماما وخالتو منى كنا في بيت ناس هناء بنرتب وكدا ،،فجاة هناء تلفونا ضرب وصرخت ،،كلنا اتخلعنا وبقينا شغالين ليها في شنو ي بت 😳،،قالت مؤيد مؤيد😭،،خالتو منى قالت ليها ولدي مالو😳،،قالت ليها محمد قال الطيارة اتحرقت ومؤيد مات😭 خالتو منى قعدت في الكرسي وبقت تستغفر وتبكي وهناء قعدت في الارض وماما قعدت تبكي،،والاجواء اتكهربت شديد،،انا م كنت واعية لي شي كنت حاسة اني بحلم او اتخيل ،،وقفت مسافة وانا مصدومة وبحاول استوعب،،وفجاة بقيت ببكي بصوت قعدت في الارض وبقيت اقول ليهم كيف يموت كيف يخليني؟؟هو قال انو م حيخليني،،كيف يمشي😭كيف يعمل فيني كدا،،وانا اعيش كيف بدونو كيف اقدر اكمل حياتي من غيرو،،انا اشتقت ليك ي مؤيد عليك الله تعال😭والله م ازعل منك تاني والله م ابعد منك تاني بس انت تعال😭،،سحر جات مسكتني قالت لي مادلين اهدي،،لزيتها وقلت ليها اهدا؟اهدا كيف؟ومؤيد مشى وخلاني انتو م عارفين انا اشتقت ليهو كييف كنت مستنية يجي واشوفو😭حتى طول فترة م نحنا زعلانين كنت بحاول اشوفو ولو صدفة،،بس هسه خلاص م في مؤيد تاني.استوعبو معاي مؤيد مشى وخلاني😭😭،ليه كدا،،جيبو لي مؤيد انا م قادرة،،روان وسبا جو وحاولو يهدوني،،قلت ليها سبا انتي اكتر وحدة عارفة مؤيد هو شنو بالنسبة لي، ،عارفة انا اتعذبت كيف وهو بعيد،،حتى اني سافرت عشان انساهو وم قدرت هسه حاعيش بعدو كيف😭،، روان روان انا بحبو ي روان م حاقدر كدا،،قولو ليهو يرجع لي انا م حازعل منو ولا حازعلو والله م ازعلو ولا حاتدلع عليهو تاني بس قولو ليهو يجي😭بس انا غبية كلو مني كلو مني انا الابيت ارجع ليهو انا الم سمعت قلبي الكان دايما بقول لي مؤيد بحبك م تخليهو م تبعدي عنو،،انا غبية كلو مني😭😭،،وفجاة م حسيت الا وانا دايخة،،فتحت عيوني براحة لقيت نفسي قاعدة في كنبة ومؤيد جنبي😳،،قلت ليهو انت انت ع عع عايش؟قال لي اي انا عايش م مت ي مادلين،،طوالي حضنتو وقلت ليهو انت م مشيت م خليتني صح😢قال لي لاولا عمري حاخليك،،عاينت للباقين كانو بضحكو ومعاهم ماما وخالتو منى كمان😳،،وقفت ع حيلي وعاينت لي مؤيد وقلت ليهو كذبت علي؟قبلت عليهم وقلت ليهم وانتو كمان ؟،،خالتو منى قالت لي هناء حكت لينا كل شي وانا وامك عارفين😉،،قلت ليها حتي ولو كيف ي ماما وخالتو قدرتو تعملو كدة؟مستوعبين انتو عملتو فيني شنو؟كنت حاموت شوية كمان😡،،ماما قالت لي م انتي عنيدة ي بتي م في طريقة غير كدا ،،قلت ليهم برضو م مبرر ليكم.جيت عايزة امشي حسيت اني حاقع مؤيد ثبتني وقال لي اقعدي ،،قلت ليهو زح مني ،،قال لي حتقعدي غصبا عنك ومشى قعدني،،وانا كان قافلة معاي شديد واشيل احمر للبنات وعلي ومحمد😑،،مؤيد مشى جاب لي كباية عصير قلت ليهو م عايزة قال لي م هو م علي كيفك وشربني ليها غصب،،خالتو منى قالت بعد عرس محمد نعرس ليكم طوالي،،م رديت ع الكلام لاني كنت زعلانة شديد☹ طلعت ومشيت البيت وقعدت ابكي وم عرفت اعمل شنو او احكي لي منو وكلهم حتى علي معاهم😢،،اتصلت لنادين وبكيت ليها،،قالت لي ي بت مالك😳،،بقيت احكي ليها،،قالت لي بالغو ياخ ،،بس انتي شوفي هم عملو كدا ليه كلو عشان مصلحتك،،بعد اتكلمت مع نادين هديت شوية،،جو علي ومحمد والبنات داخلين، ،علي جا قال لي الحلو زعلان☹محمد قال لي اووختي ياخ🙁،،قلت ليهم هسسس مني😢،،هناء قالت لي يجميل انت🤤،،وبقو يحنسو فيني قلت ليهم خلاص بس صاحب الفكرة مين😒،،قالو لي مؤيد،،قلت ليهم طيب 🌚
فلاش بااااگ
مؤيد قبل يجي اتصل لهناء وكلما بالخطة دي ،،وهناء ورت الباقين وحكت لي ماما وخالتو منى
بااااااااگ
بعدها بقينا نجهز الحاجات وكدا لانو العقد حصل فجاة،،بالليل اتلمينا في الحديقة لقيت خالد قاعد،،قلت ليهو انت جيت متين؟قال لي ديل لم مقلبوك كنت في المطار عشان استلم الشنط والحاجات،،قلت ليهو اها 😂،،قعدنا نتونس كلنا وكدا،،تاني يوم صحينا من الصباح نضافة وشغل ،،بعدها مشينا غيرنا انا كنت لابسة فستان كبدي سادة فيهو خزف كدة،،وطرحة مشكلة وجزمة بيج♥،،جا وقت الفطور والمعط طبعا مجربنو في عرس نهى😂،،مؤيد جا وبقى يرص معاي،،كان لابس جلابية رمادية كدا ومع الحلاقة والساعة يلخم♥،،قال لي حبيبي الزعول☹،،قلت ليهو هس مني بس😑،،قال لي ليه كدا بس ياخ انا خليتك تتعترفي بالحاجات الم عايزة تقوليها،،قلت ليهو شاطر😒،،ونحنا واقفين كدة علي جا قال لي اصحابك بتاعين الجامعة جو ،،مشيت لقيتهم كلهم جو😍،،هدى وريم قالو لي الشوق ياخ وجو حضنوني،،فهد قال لي عسل بس😂،،قلت ليهو هوووي في ناس بتغير وكدا🌚،،هدى قالت لي لالا ياخ😂،،قصي قال لي يجميل يحلو انت مبروك وعقبالك😂،قلت ليهو بعد عمر طوييل😹،،،،،،،وائل قال لي ليه كدا انا م عندي نية اتاخر في العرس😂،،قلت ليهو وانا مالي 😂قال لي جبهاتك دي م حتخليها🐸،،نايف قال لي اصلية ياخ خليك كدا بس ادي في المليان😂،،ونحنا واقفين كدا مؤيد جا قال السلام عليكم،،وسلم عليهم بعدها كلهم اتحركو ع صيوان الرجال وانا سقت البنات معاي هدى قالت لي الطيارة الجا سلم علينا دا منو😂،،قلت ليها هوي بنادي فهد انا🐸،،قالت لي مجرد استفسار يوخ🌚،،ريم قالت لي خليك منها هي المربطة انا دي عرفيني عليهو🙁،،قلت ليهم اتلمو وتعالو ساعدوني😒،،مشينا وبقينا نجهز في الصفر مؤيد جا عشان يشيل صينية همس لي عضاني حلاتك وانتي مكشرة كدة😉،،بعد مشى قعدت اتبسم براي،،قامت ريم قالت انتو ابو جلابية رمادية دا منو مادلي ابت توريني☹،،هناء قالت ليها الهسة شال الصينية دا؟قالت ليها اي،،بقت تضحك قالت ليهم دا مؤيد اخوي،،روان عاينت لي وقالت لي ليه م وريتيها ياخ😉،،قلت ليها قلة ادب مني😒،،واصلنا شغل وتعبنا تعب ياخ 😢،،بعد الفطور خلص انا طوالي دخلت نمت،،صحيت العصر كدا كنت محمومة وجسمي مكسر، ،هناء قالت لي انتي محمومة ي بت ،،قلت ليها لالا كويسة روان قالت لي بتستهبلي ع منو انتي م حتقدري كدا ،،سحر قالت لي اي ي مادلي وبعدين الحفلة م حتقدري،،سبا قالت نوديها المستشفى ،،هناء قالت لي حاضرب لي محمد،،اتصلت وم رد طوالي ضربت لي مؤيد،،بعد شوية كدا لبستني عباية وقالت لي مؤيد برة ،،طلعت ركبتني العربية ،،قال ليها مالا؟قالت لي محمومة شوية ،،قال ليها خلاص انا حاوديها ونجي،،اتحركنا قال لي حبيبي حاسة بشنو؟قلت ليهو ولا شي تعب بس ،،هبش راسي قال لي مسخنة ياخ🙁،،انتي ليه كدا ي مادلي ياخ ،،رقدني في كتفو لحد م وصلنا المستشفى ونزلنا ،،الدكتور قال ارهاق بس وكتب لي دربات ركبو لي الدربات ومؤيد كان قاعد جنبي وبعاين لي،قلت ليهو مالك؟قال لي اشتقت لشوفتك بس😢،،سكت وم عرفت ارد،، بعد الدربات خلصت وكنا راجعين ع البيت مؤيد وقف جنب مطعم ونزل جاب لي اكل وعصير قلت ليهو م عايزة،،قال لي م هو م ع كيفك قلنا بركن العربية وبقى ياكل فيني❤،،،بعدها رجعنا البيت وطوالي اتحركنا ع الكوافير لنادين😍،،واتظبطنا ونادين طلعت خطيرة والفستان معاها تحفة❤،،،وانا فستاني كان سنجابي فاتح ع بني كدا مشغول من فوق لحد الخصر كدا ويلمع،،ومن تحت عادي مع الجسم ولبست جزمة كعب نفس اللون وفكيت شعري وختيت السلسلة البعملوها في الراس دي وكنت مزة♥،،اتحركنا ع الصالة واول م محمد ونادين دخلو وقعت عليهم ورود وحاجات من فوق وفي اطفال صغار لابسين زي بعض جو مسكو محمد ونادين من ايدينهم ووصلو معاهم الساحة وبقو يرقصو معاهم كانو كيوتين شديد😍،،بعدها الحفلة بدت وهججنا ورقصنا😂،،جا مؤيد قال لي طالعة حلوة😍 بس شعرك دا فاتحاهو ليه😒،،قلت ليهو كدا بس😏،،قال لي انتي ممتلكات خاصة م بحب زول يشوفا غيري😊 ،،المهم الحفلة عدت وكانت رهيييبة ومحمد ونادين سافرو😍
بعد مرور سنــة
صحيت ونزلت لقيت البيت جايط بصوت الشفع،،محمد ونادين جابو توام بت وولد (اياد وايلين❤)طبعا سميتهم انا😂اول م نزلت الاتنين حبو جو جنبي شلتهم وقعدت العب فيهم😍،،ماما قالت لي صححح النوم الليلة تخريجك،،قلت ليها عشان كدا لازم اتدلع😂،،قالت لي مؤيد دق ليك لمن فتر اتصل لي قلت ليهو بتكون نايمة،،قلت ليها تعالي امسكي الشفع عشان اتصل ليهو،،طلعت اتصلت ليهو قال لي مرتي النوامة❤قلت ليهو زعلانة منك انا😒،،قال لي ليه حبيبي😢،،قلت ليهو م حتحضر تخريجي ،،قال لي ولا تزعلي ياخ بس مشغول حبي عشان كدا😢(طبعا مؤيد بعد عرس محمد عقد علي ❤ورجع سافر تاني واتفقنا انو العرس بعد انتهي من الجامعة💕)
وقت التخريج لبست فستان رمادي سادي فيهو دانتيل بالاسود وجزمة كعب سوداء🖤 وطرحة رمادي،،مشينا الكوفير اتمكيجنا ورسمنا ،،لم وصلنا مكان التخريج،،كانت الزفة بعدها بدو يزيعو الطلاب وكدا،،رقصنا مع الشلة كلها😂،في دوري فجاة اشتغلت اغنية (حبك يدق بالراس ماليني حب واحساس غير انت تاج الراس وهذا مكانك❤ ....)وشفت مؤيد جا علي اتخلعت وبقيت بتلفت؛ لقيتهم كلهم بضحكو،،مؤيد جا مسكني من يدي وساقني المنصة واستلم معاي الشهادة بعدها طلع الخاتم من جيبو.وجلس الجلسة ديك عارفينها كلكم صح😂👊🏻 وقال لي تتزوجيني؟قربت ابكي ياخ قلت ليهو اي،،لبسني الخاتم وكلهم بقو يصفرو ويكوركو،،بعدها بدت تجهيزات العرس وهيكا❤فستان كاني اوف وايت كدا ظابط وعلي والبنات جو تاني للعرس ونهى برضو جات😍لم دخلنا الصالة انا خشيت بي مدخل وكان وراي بنات صغار كدا،،ومؤيد جا خاشي ووراهو اولاد صغار بي مدخل تاني اتلاقينا في النص ومؤيد مسك يدي وبقينا نرقص😍،،قضينا احلا شهر عسل مع بعض❤
بعد مرور سنتين
انا جبت بت عثووولة كدا سميتها جوان😍وعلي عرس هناء وخالد عجبتو روان وعرسها ونايف اعجب بسحر وعرسا ❤واحمد وسبا كمان اتزوجو❤واتلمينا كلنا في عرس فهد وهدى❤والباقين صايعين لسه م اتزوجو😂
في يوم طلعنا كلنا مشينا شارع النيل انا ومؤيد وجوان😍ومحمد ونادين وايلين واياد😍واحمد وسبا 😍وعلي وهناء😍وكان عطلة وجو نايف وسحر😍 برضو وخالد وروان😍 كنا قاعدين بنتونس ونضحك وجوان متشعلقة فيني وبتجر في ابوها😂،،علي قال ليها مشاغبة زي امك🌚قلت ليهو بالله😂فجاة في فرقة كدا بقت تغني شارع النيل مؤيد عاين لي طوالي اديت جوان لهناء ومشينا انا ومؤيد بقينا نغني معاهم
مؤيد:الليلة بالليل،،
مادلين:الليلة
مؤيد:نمشي شارع النيل
مادلين:انا وانت سوا❤
مؤيد:قهوة بي مزاج✨
مادلين:الليلة
مؤيد:انت السكر♥
مادلين:وابقى ليك دوا💕
النهـــاية♥✨
العبرة شنو؟الثقة لازم نثق في البنحبهم عشان علاقاتنا تستمر لانو الثقة هي الاساس،،،وتاني نعرف كيف نحافظ ع اصحابنا القدام والجداد يعني مادلين اتعرفت ع كتار بس علاقاتها م اتغيرت مع زول ،،يعني شنو ؟مفهوم الغيرة بين الصحاب حلو واي شي بس م بمنع انو علاقاتي تكون كتيرة ،،ورغم كترة علاقاتي اذا اتذكرتك معناها انت بتعني لي شديد♥النصيب الحاجة لو مكتوب لينا مهما طال انتظارهاحتجين❤
ربنا يجعل لينا النصيب الحلو في اي حاجة😊♥
: واخيرا الاسم عافيتي❤،،العافية انا م قاصداها بيها عافية جسدية وكدا،،الاسم مقصود بيهو عافية القلب وعافية الشعور لم تكون قريب من الزول البتحبو ولم تبعد منو مؤيد ومادلين تعبو وعانو وهم بعيدين بس رجعو تاني في النهاية ❤،،،ابقو عافية😊❤+ارائكم وتقييمكم بهمني🌚💕
