رجعت للبنات سلمى قالت لي مشيتي وين؟قلت ليها كنت بتكلم مع علي قالت لي شكلك كدة بعدين حتتكلمي مع علي اكتر م حتتكلمي مع حبيبك😉.قلت ليها دة لو حبيت و اصلا علي م حاخليهو😌سبا قالت لي دة الكلام ولا بلاش.نادين قالت لي احييييييك ياخ.عند مؤيد رجع لاصحابو احمد قال ليهو ي زول شايفك خاتي عينك ع البت. قال ليهو اي البت دي حلوة شديد😍احمد قال ليهو هي دي صحبة سبا اوعى تلعب بيها.مؤيد قال ليهو لالا دي غير وبعدين باقي البنات هم الجارين وراي م في وحدة لفتت انتباهي ابدا.انا ونادين مشينا نشرب موية قالت لي انتي اخو سلمى دة مالو معاك؟قلت ليها انا زاتي م عارفة من قبيل بعاين لي😏في نهاية الحفلة اتصلت لمحمد قلت ليهو تعال لي.قال لي ظابط جاي عليك بعدها احمد ومؤيد جو علينا احمد قال خلاص ماشين ؟سبا قالت ليهو اي بعدها،وليد اخو سلمى جا قال ليها يلا.وبعدها عاين لي قال لي مادلين يلا اوصلك معانا .استغربت منو وقلت ليهو شكرا اخوي جاييني.مؤيد عاين ليهو مسافة وقال لسبا دة منو؟! قالت ليهو اخو سلمى صحبتنا .بعد شوية كدة محمد ضرب لي قال لي اطلعي انا برة .قلت لسبا ونادين يلا انا حامشي وطوالي طلعت.احمد قال لسبا صحبتك دي شكلها م عندها علاقة بالاولاد .قالت ليهو اي وخصوصا انها طول عمرها في الامارات ودي اول سنة ليها في السودان انا طلعت لقيت محمد ركبت وسلمت عليهو .قال لي وحلاتي ي ناس😂قلت ليهو عارفة اني حلوة😝قال لي غياظة دي😒وقعدنا نتهابل كالعادة وسالني من الحفلة وكدة لحد م وصلنا البيت.دخلنا لقينا ماما وبابا مشينا سلمنا عليهم بعدها انا دخلت غرفتي كنت تعبانة نمت م صحيت الا للمدرسة الصباح. كالعادة لبست وطلعت المرة دي بابا وصلني المدرسة. دخلت م كان في وحدة من البنات جات. مشيت الفصل وبقيت بحل في واجب الفيزياء بعدها سلمى جات سلمت علي وقعدت. بعدها بشوية جو سبا ونادين. سبا قالت لي وااي انا زاتي م حليت😩قلت ليها اترمي اقعدي يلا😂سلمى ونادين قالو حالين وطلعو برة وقالو لينا بعد تخلصو تعالو لينا. قعدنا حلينا. انا وسبا بعد خلصنا قالت لي رايك في مؤيد شنو؟قلت ليها كيف يعني؟؟قالت لي بس رايك فيهو قلت ليها وانا مالي بيهو عشان يبقى عندي فيهو راي 😒قالت لي خلاص انسي يلا ارح😏طلعنا ومشينا لنادين وسلمى
نادين:اووووف ياخ في ملل كدة م عادي☹
سلمى;شدييد ياخ😕
مادلين: ملل وبس الامتحانات زاتها قربت😖
سبا;واي ي مادلين من السيرة و3دي حتكون كلها امتحانات شهرية😭
بعد خلصنا من كلامنا الكلو ملل دا😂دخلنا الحصة الاولى وكانت احياء
مادلين:واي الدرس طوييل😢
سبا:معط ياخ شكلي حاحرد الطب😕
مادلين :انا زاتي والله😐
المهم عدينا الحصة كلها ضحك وونسة😂لحد م فسحة الفطور جات طلعنا ومشينا الكافتريا لقينا احمد حبيب سبا ومعاه مؤيد قاعدين .استغربنا كلنا نادين قالت لي ديل الجابهم شنو؟قلت ليها بري ومشينا عليهم
سبا;خير مالكم في حاجة؟!
احمد;ابدا جينا مارين بهنا وقلنا نفطر معاكم😊
المهم سلمنا عليهم وقعدنا وفي اليوم دة انا كنت عاملة شعري ضنب حصان مرفوع لفوق ولابسة اسبورت كبدي♥قعدنا وبدينا نفطر وانا طول القعدة منزلة راسي،عشان اتحاشى نظرات مؤيد لي.خلصت فطور وطوالي استاذنت منهم وقمت لحقوني نادين وسلمى.بعدها سبا ودعتهم وجاتنا في الفصل واحمد ومؤيد طلعو
احمد:اها ارتحت بعد شفتها من الصباح صدعت بي
مؤيد:اااخ ياااااخ حتى بلبس المدرسة حلووة واتنهد
احمد:لا انت جنيت ع الاخر مؤيد:والله ي احمد م عارف
احمد:غايتو حذرتك البت دي خط احمر م تختها في لستة البنات بتاعتك😕
مؤيد: طيب طيب فهمنا😑
مادلين بتحكي;-
بعد خلصنا اليوم الدراسي بابا رسل لي السواق ورجعت البيت استحميت ولبست لي بجامة رمادية وطلعت لي كتكات وجيت طلعت الكتب وبديت اقرا جات ماما داخلة
سارة:مادلي حبيبتي م ترهقي نفسك انتي ياداب راجعة من المدرسة
انا:طيب ي ماما ساعة كدة بس م حاطول. وفعلا قريت زي ساعة وبعدها نمت صحيت العصر اتغديت وطلعت غرفتي وكملت قرايتي.وبعد اسبوع الامتحانات بدت كلنا كنا خايفين ومتوترين شديد لحد م عدت بالسلامة
سبا:ي الله م قادرة اصدق انو الامتحانات خلصت😍
انا:وانا كمان والله 😃
نادين:دي كانت اياام سووووودة😐
سلمي:ههههههه سوودة وبس روحنا طلعت😂
سبا:العصر لازم نطلع نغير جو من ضغط القراية دا
اتفقنا ا كدة ورجعنا البيت العصر سبا اتصلت لي قالت لي تعالي في الكورنيش قلت ليها طيب. دخلت استحميت ولبست لي بنطلون اسود وتيشيرت كبدي وعملت شعري ضفيرة هندية مرخية وختيت لي طرحة مشكلة بالكبدي واللون زينب ع شكل شال ولبست جزة فلات لون زينب وشلت شنطة صغيرة كبدية♥وطلعت سلمى اتصلت لي وقالت لي اجي اسوقا لانو اخوها ماف عشان يوصلا. قلت للسواق يقيف ليها جات وركبت معاي وصلنا لقينا سبا ونادين ومعاهم احمد ومؤيد قلت في نفسي ديل الجابهم شنو سلمنا عليهم وقعدنا. سبا قالت لي مادلي طالعة حلوة وزوقك في اللبس تحفة😍قلت ليها وانتي احلا بكتيير يقلبي 😘 المحل كان رهيب ونسمة الهوا باردة لانو البحر قريب،وانا بموت في المناظر الزي دي قلت ليهم عن اذنكم .كان في مقاعد ع البحر مشيت قعدت فيها وشلت نفس وبقيت بتصور وطوالي اتصلت لعلي مكالمة فيديو والبحر وراي قلت ليهر علووووش الشين😝قال لي مادلي الحلوة😂❤انتي وين كدة؟قلت ليهو في الكورنيش مع صحباتي .قعدت اتونس معاهو واضحك💕
مؤيد بيحكي:-
كانت بتتكلم مع زول في التلفون وبتضحك ياخ حتى ضحكتها غير فعلا البت دي مختلفة شديد♥نادين قالت اكيد بتكون بتتكلم مع علي.م عارف للحظة اتضايقت ومن غير م احس قلت ليها علي دة منو؟قالت لي صحبها شديد من الطفولة. ارتحت شوية وحمدت الله انو م طلع حبيبها
عند مادلين خلصت مكالمة مع علي ورجعت قلت ليهم اتاخرت،شوية .بعدها مؤيد قال في اخر الشارع في محل ايسكريم وسال كل وحدة من نكهتا. قال لي مادلين وانتي؟قلت ليهو كاكاو مع كراميل
احمد قال لي توافق عجيب نفس نكهة مؤيد م اتكلمت بس اكتفيت بي ابتسامة 🙂بعدها مشو جابو الايسكريم. قعدنا اتونسنا قريب للمغرب كدة. والقعدة كلها انا ساكتة وبرد عليهم مرة مرة كدة لكين سبا وسلمى ونادين قامو بالواجب يتونسو ساي😂بعد مسافة اتصلت للسواق عشان يجيني.عدة كذا يوم وفي يوم وانا بقلب في الفيس لقيت طلب من مؤيد
يتبــــــع............................................
