اول م اتحركت قال لي المرة الجاية خلي بالك من سلمى عشان مخططاتك م تفشل😊
م رديت عليهو وطلعت وانا مخلوعة فيهو بالجد😢
فضلت ماشة مسافة وانا م واعية ع نفسي انا ماشة وين
ودموعي مالية وشي😭وقفت مسافة
واتنهدت. وقلت استاهل انا الوثقت فيهو🙂💔
(ياخ وربي م في احر من انك تحب زول وتثق فيهو وتديهو الامان ويجي يغدر بيك🙂💔)
طلعت منديل من شنطتي ومسحت دموعي
واتصلت للسواق جاني ورجعت البيت
لقيت الصالة فاضية استغليت الفرصة وطوالي جريت ع غرفتي
واترميت في السرير بكيت مسافة
بعدها استغفرت ودخلت الحمام اتوضيت
وجيت صليت وقريت شوية قران♥(يعني الزول مهما كان متضايق ومكسور وشايل هموم الدنيا بي اية وحدة بس بتنسى تعبك وترتاح (الا بذكر الله تطمئن القلوب😴💕)
عدا اسبوع وانا قافلة تلفوني والبنات م عارفين يصلو لي
وفي يوم بالصباح باب غرفتي ضرب فتحتو لقيتهم البنات
كلهم جو واقعين فيني
سبا:شنو ي عفنة مالك مختفية كدة😕
نادين:شنو يا اعتزلتينا عشان مؤيد يعني 😒
اول م سمعت اسمو دموعي نزلت
سلمى:مادلين بسم الله مالك؟😨
م رديت عليهم وبس دموعي جارية😭
سبا قالت لي روقي كدي وفهمينا الحاصل
قعدت وحكيت ليهم كل الحصل وانا بتنهد وصوتي بتقطع من البكا💔
سبا قالت لي دة شنو المتخلف دة كيف يعمل كدة😕
نادين قالت لي والله بالغ م ممكن😢
سلمى قالت لي حبيبتي م تزعلي دة م يستاهلك بس🙂
سبا ساقتني الحمام وغسلت لي وشي
وجات رقدتني في رجولا وبقت بتمسح لي في شعري لحد م نمت😴
وعدو اليوم معاي والعصر كدة ودعوني وطلعو
وفي الطريق سبا ونادين-
سبا:مستحيل مؤيد يعمل كدة في حاجة م صح في الموضوع😕
نادين:كيف يعني هي م سمعت من زول هو بنفسو قال ليها م بحبك😒
سبا:م عارفة ياخ بس انتي م شفتي احمد كان بحكي لي انو مؤيد اتغير بالجد عشان مادلين😢
نادين:بتكون حركات منو ساي والا ليه خلاها بالطريقة دي😕
سبا:اوووف ياخ والله راسي جاط شديد☹
واول م وصلو سبا اتصلت لاحمد
سبا:احمد الحاصل شنو مؤيد ليه اتصرف بالطريقة دي
احمد:والله ي سبا انا زاتي م فاهم حاجة كل القالو لي انو هو ومادلين خلو بعض قعدو يتكلمو ويتناقشو في الموضوع وفي النهاية احمد قال ليها لازم نخليهم يقعدو مع بعض.
سبا قالت ليهو مستحيل يوافقو. قال ليها نخليهم يجو من غير م يعرفو.
وتاني يوم سبا مشت لمادلين
سبا:يلا ي حلوة اجهزي عشان نطلع☺
مادلين:ليه ماشين وين؟
سبا:اجهزي بس وحتعرفي
مادلين:طيب وين سلمى ونادين؟
سبا:ااااا اجهزي انتي بس حيلاقونا هناك
مادلين مع انها م كانت عندها نفس للطلعة مشت ولبست بنطلون اسود وتي شيرت اسود طويل واسبورت حلاوي وختت طرحة حلاوي ع اكتافها وشعرها كان كعكة وطلعو
وصلو محلهم بتاع كل مرة الجنب البحر سبا خلت مادلين واقفة جنب البحر وقالت ليها شوية وحاجي
واحمد جاب مؤيد ووقفو هو وسبا ع مسافة منهم
مادلين اتلفتت وشافت مؤيد قالت ليهو انت؟😟
قال ليها بتعملي شنو هنا لو عارف حالاقيك م كنت جيت😊
مادلين قالت ليهو مين فينا اللازم يقول الكلام دة للتاني🙂
وجات عايزة تمشي بس مؤيد مسك يدها وقال ليها انتي هسع زعلانة لاني قلت ليك م بحبك طيب م فكرتي في احساسي لم تلعبي بي بالطريقة دي؟
البزعل شنو هسع الاتنين لعبنا ع بعض وانتهينا🙂
مادلين فكت يدها منو وقالت ليهو بس انا م لعبت بيك ولا حتى فكرت بس طالما مصدق الكلام يبقى حلال عليك
بس اتذكر حاجة انو لم تعرف الحقيقة اوعى توريني وشك مرة تانية😊 وطوالي مشت
عند مادلين
رجعت البيت وانا منهارة تماما دخلت غرفتي وراسي وجعني من التفكير😩ليه مؤيد بقول اني خنتو صح هو طلع م بحبني وكان عايز يلعب بي. بس في ستين عنو م حباني بس كيف يقول اني خنتو؟ولا ي ربي دي تمثيلية منو عشان يخت الحق علي وكانو هو م عمل شي. ومن التعب والتفكير طوالي نمت😴
"مؤلم شعور انو تتعلق بزول ويتخلى عنك مؤلم انك تثق فيهو ويخونك يعني بالجد شعور صعب شديد انو زول يتغير عليك فجاة ويخليك العشم دة م حاجة ساهلة والله م تعشمو الناس فيكم وانتو م واثقين حتكملو معاهم ولا لا لانو كسرة الخاطر دي بالجد صعبة🙂💔"
عدة اسبوع تاني وانا حاسة الوقت ماشي براحة وبقيت مخنوقة شديد واي حاجة بتذكرني بيهو😑
مشيت لبابا وقلت ليهو عايزة امشي الامارات لاصحابي🙂بابا قال لي خير ي بتي في حاجة مضايقاك؟ قلت ليهو،ابدا بس عايزة امشي ليهم اشتقت ليهم ومنو اغير جو بابا قال لي طيب م عندك مشكلة😊
وكلهم كانو ملاحظين اني م طبيعية اخر فترة فوافقو لانهم مفتكرين اني اشتقت لعلي والبنات عشان كدة متغيرة. مشيت رسلت ليهم في القروب اني جاية الامارات علي قال لي تنوري ياخ😍بس جاية ساي ولا في حاجة؟ قلت ليهم م في شي محدد لم اجي نتكلم😊وسحر وروان فرحو شديد😍سحر قالت لي اصلا امي وابوي مسافرين وكانو حيودوني عن ناس عمي بس طالما انتي جاية خلاص تقعدي معاي😍روان قالت خلاص انا زاتي بجيكم☺
بديت اجهز حاجاتي وبابا حجز لي. (قطعت وعد ع نفسي اني احاول انسى مؤيد وارجع لطبيعتي🙂)ورسلت للبنات قلت ليهم مسافرة. قعدو يجوطو وكيف تمشي وكيف تخلينا😕قلت ليهم اغير جو بس واجي🙃قالو لي طيب نطلع قبل تسافري قلت ليهم جدا☺وقبل اسافر بيوم طلعت مع البنات مشيت اتظبطت وحاولت اكون طبيعية لبست بنطلون كبدي وتي شيرت اسود فيهو قلب بالكبدي واسبورت كبدي ♥وفكيت شعري وطلعت مشينا مطعم ظريف كدة لقيت البنات وسلمت عليهم. وكنت بتونس وبضحك😊 (سلأمآ على التى أمرُها عَجيب ، كتاباتها بائِسة ووَجهها ضاحِك ، بداخِلها حَرب وظاهِرها سَلام 🖤.!)
سبا:شايفاك اتجاوزتي القصة فما في داعي للسفر 😕
نادين:اي خليك م تسافري😑
سلمي:معاهم حق خليك🙃
قلت ليهم حبيباتي انا اصلا مسافرة عشان اغير جو ولاني اشتقت لعلي والبنات كتير م عشان الاسمو مؤيد دا ابدا🙂وبعدين م حاطول اوعدكم☺ قضيت اليوم معاهم ورجعت البيت مشيت شيكت ع حاجاتي ونمت لانو الطيارة بكرة بدري.صجيت تاني يوم استحميت وصليت قعدت في المصلاية وبكيت مسافة ودعيت انو ربنا يجبر بخاطري😭 (تلك الانكسارات بداخلنا ذلك الشعور المؤلم لم يزرعه الله بداخلنا عبثا ومهما طال الوجع سترتسم ابتسامتنا من جديد فثق بالله دائما وابدا😊💞) بعدها مشيت لبست بنطلون رمادي وفنيلة رمادي وفوق ليها جاكيت عنابي ولبست اسبورت عنابي وعملت شعري كعكة لفوق وطلعت ودعت ناس البيت محمد وصلني المطار وقبل انزل
محمد:مادلي حبيبتي خلي بالك من نفسك م عارف الايام الاخيرة دي اتغرتي م شايف الضحكة بتاعتك وجنك المتعود عليهو امشي وتعالي مادلي القديمة🙃
طوالي حضنتو ياخ قربت ابكي .قلت ليهو اشتقت للبنات بس وزهجت شديد 😕.باسني في راسي وقال لي خلي بالك من نفسك
دخلت غرفة الانتظار طلبت قهوة وركبت سماعتي وطلعت رواية وبقيت بقرا فيها عشان اشغل نفسي من التفكير فيهو لحد م سمعت النداء ع الرحلة💕
يتبــــــــع...............................
