#السلام_عليكم.. 💜🌸
توضيح بسيط بخصوص نوڤيلا شجن..
أولًا شجن مُشكلِتها مُشكِلة بتواجـِه أغلبنا حبيت أوضح من خلال شخصية شجن إن الأهم من جمال شكلک هو نقاء روحـک عكس شخصية سيلا كدة بـِنت جميلة جـِدًا بس روحــها سودة من جوة وغطـِت على جمالها، عشان كدة أنا بشوف إن الشكل مش مقياس لدرجة جمال روح وشخصية البـِنت ربنا مخلقش واحدة وحـشة كُل واحدة فينا ليها جمالها الخاص، كُل واحدة فينا فيها ميزة ربنا خلقها بيها عشان شريک حياتها ميشوفش غيرها، متخلوش مـُعتقدات غبية تهز ثقتكُم ف نفسكم ، طول ماروحـِک حلوة إعرفي إنِک تستاهلي تتحبي من راجِل ميشوفش غيرِک مهما كانت المـُغريات حواليه..
ثانيـًا لما قولت إن عاصي ليه علاقات نسائية مكُنتِش أقصُد تحديدًا إنه " زانــي " لإن في جـِدال حصل ع النـُقطة دي، عاصي نموذج لكتير شبــاب ف مـُجتمعنــا إلا مـَن رحــم ربي بالطبع، كتير دلوقتي بيحب يكون ليه علاقات كتير ببنات قبل الزواج لكن يوم ما يجي يتجوز، بيبقا عايز يتجوز واحدة ملهاش حتى علاقة بالعالم الخارجي وتكون قمة ف الجمال ومن عيلة كبيرة طبعًا من حقه بس مش حق الانسانة دي إنها تكون الأولى ف حياة شريک حياتها، شجن كان ممكن تضيـع من إيد عاصي للأبد وف الواقع قصة زي قصتهم دي مش سهل تِكمل وتتوج بالزواج ف النهاية بس أنا محبتش تكون الأحداث مؤلمة للدرجة دي، عشان كدة مش لازم كُل واحد يكون حاطط مقاييس جمال خـُرافية لفتاة أحلامه ولو حصل وأجبرتـُه الظروف إنه بتجوز واحدة أقل جمال من اللي كانت ف خياله مش لازم يجرحها، محدش فينا كامل، ويأما أمساک بمعروف أو تسريح بإحسان، عاصي كان عندُه فرصة يتوب وتاب بس كان لازم ياخد درس قاسي منعـًا لتكرار الخطأ..
ثالثـًا شخصية لارين بتمثل كتير بنات مننا اللي بيتآثروا بتجارب اللي حواليهم ودة بينعكس على تجاربهم الشخصية، بس مش كلنا بنعيش نفس الظروف ولا كلنا بناخد نفس ردود الفـِعل، حاولوا تطردوا الطاقات السلبية اللي جواكم ومتتآثروش بمشاكل ومصايب اللي حواليكم، بتضيعوا على نفسكم أيام سعادة كتير ممكن تعيشوها وبرضه بتضيعوا على نفسكم دروس كتير ممكن تتعلموا منها ف المستقبل..
رابعـًا شخصية السيدة غصون، ستات كتير مننا بتربي أطفال مش أطفالها " أبناء زوجها فقط " والبعض بتكون جواه عـُقدة ناحية الطفل دة وممكن تـُسئ معاملته، عشان كدة بقول لكل واحدة عايشة ظروف السيدة غصون إن الأطفال دول ملهُمش ذنب، ذنوب الكـِبار لا يجوز أن يتحملها الصـِغار، ياتكوني قد المسئولية وتبقي أم تانية ليهم يأما تواجهي بإنِک مش هتقدري تتحملي منعـًا لحمـل وزرُهم فيما بعد..
خامسـًا وآخيرًا شخصية فـِراس حبيت أوضح من خلالها الوحدة والترابط بين الدول العربية، وإن مهما حصل من حروب ودمار وإن مهما كان الزمن اللي بنعيش فيه دلوقتي مُخيف بس إحنا لسة فينا حاجة حلوة وإن العرب دايمـًا سند لبعض وقت الإحتياج..
شخصية لمى مِثال للصديقة اللي كُلنا بنتمنى يكون عندنا واحدة زيها، الصاحب الحقيقي بيبان وقت الأزمات بجد..
" شجن تحتوي على بعض الأحداث اللي عيشتها ف تجربة شخصية حبيت أشاركها معاكم على هيئة النوڤيلا دي وبتمنى أكون أفدتــُكم ولو بقدر بسيط.. "
" ولــعــلــكـُـم بــَعــد الــظــمــأ الــذي أصــاب قــلــوبــكــُم أن تــجــدوا الأرتــواء بــيــن ســطــوري "
--------------------------------------------------------------------------
#شجن
#آية_صبري
