السلام عليكم
#نساء_الضلام #البارت_الحادي_عشر
#الكاتبة_حوراء_علي
قبل بدء البارت✋🚫
سويت بيج ع الفيس انشر بيه القصة حتى اذا انقطع النت اكدر افتح مجاني وانشرللكم ع الفيس وصورة البيج فوك ☝️☝️
ﻣﺮ ﺑﻴﻨﻪ ﺍﻭﺧﺬﺍﻙ ﺍﻟﻤﻮﺕ ﻭﺗﻌﺪﻩ
ﻳﺎﻣﻮﺕ ﺍﻋﻠﻰ ﻫﻮﻧﻚ ﺳﻴﻔﻚ ﺍﺷﺤﺪﻩ
ﺍﺣﺒﺎﺏ ﺍﻭﻛﻌﺪﻧﻪ ﺍﻭﻛﻠﻨﻪ ﻣﻠﺘﻤﻴﻦ
ﻃﺒﻴﺖ ﺍﻭﺧﺬﻳﺘﻪ ﺍﻭﺧﺮﺑﺖ ﺍﻟﻜﻌﺪﻩ
اسيل
اسوء نومه ينامها الواحد بعد مايفقد شخص عزيز عليه
من يغمض عيونه بعد بجي طوييل وتنتهي كل طاقته ودموعه
ويكعد وهوه مايعرف شلون نام ويعتقد كلشي صار جان كابوس
وبعدين يعرف ان كل الصار مو كابوس والكابوس بالواقع حقيقة
فتحت عيوني على صوت بجي وحسره مكتومه
لكيت روحي نايمه بفراشي ومتغطايه ببطانيتي ونفس الغرفة مال بيتنه الجديد
للحظه وحده حسيت كلشي صار مجرد حلم وانا ماتزوجت اسد ولا اجيت لااهلي ولكيت عدهم فاتحه وعزام وعبيد ميتين
ابتسمت ابتسامه خفيفه وكمت من الفراش
وباوعت بالغرفه الجانت فارغه بس انا واسراء بيها
الجانت حاضنه جاكيته وتشم بيها ودموعها تجري بحسره
اختفت ابتسامتي وخرت البطانيه ورحت كعدت يمها
-اسراء ليش تبجين!؟
باوعتلي بعيون ذبلانه ومورمه واعتلى صوت بجيها
-عزام وعبيد راحوو
ااترددت الكلمات على اذاني مثل الصدمه يعني هالشي حقيقه واخوي وابن عمي ماتو!!
زين انا شلون بعدني عايشه ومامتت بالصدمه
شلون لهسه بعدني اشم الهوه ومشاعري باردة !؟
كمت من يمها وطلعت من الغرفه
للهول الجان يغص بالنسوان اول ماشافني
هجمن عليه يعزن ويبوسن بيه
ومن بيناتهن اجت رشا تبجي بحركه شبكتني وطلعتني من بين النسوان وخذتني للمطبخ وسدت الباب
وجانت مروه موجوده هم وكاعده بالكاع وصافنه
اول ماشافتني وكفت واجت يمي
-اسيل شلون صرتي
-انا زينه سولفلي اخوي شلون مات
شهكت مروه بالبجي ودارت وجهه ورجعت لمكانها تبجي
أنت تقرأ
نساء الضلام (وحوش السجن)(الرواية مكتملة)
Randomرواية مكتملة✅ تدور أحداث الرواية في تسعينات القرن الماضي في عصر النظام البائد حيث غطرسة رجال الدولة والعشائر الجنوبية وتتوالى الأحداث في إطار درامي عند دخول أحد بنات القرية للسجن.... تنويه🚫 جميع الشخصيات من نسج الخيال ماعدا الأحداث فأنها جميعها حقي...
