نساء الضلام (وحوش السجن)(الرواية مكتملة)

البارت السابع عشر

السلام عليكم

#نساء_الضلام  #البارت_السابع_عشر
#الكاتبة_حوراء_علي

‏تحتاج من الحياة شخص واحد تتحدثُ إليه دون حواجز، شخص مهما حكيت له عن أشيائك السيئة إلا أنك تعلم بأن نظرتهُ لك لن تتغير لأنه يعرفك جيداً.

شسويت بنفسك يااسد

معقولة كل السويته وعبالك راح اخليك عايش

انا شيخ مزاحم الي بحياتي ماطخيت راس لاأحد

تذلني انا وزلم عشيرتي وتحبسنه هيج شهور طويلة

انته البديت وانا الي راح انهيها

اشتعلت يااسد وماراح تنطفي الا بالدم !!

سكة: عزه بعينج رحمة شوداج على باجي ام الورد شجابج عليها

-هاي شبيج سكة عصفوره هيه الودتني عليها

-اوووف منج ومن غبائج ولج انتي صدك تحجين انا مو الف مره حذرتج من هاي الكلبة عصفورة وكتلج لاتثقين بيها

-سكة حبيبتي اعرف كل هذا الحجي صدكيني
بس ماعندي غير حل

-ولج رحمة انا خايفة عليج انا هنا صارلي 15 سنة وشايفة الأهوال وكل هذني اعرفهن واعرف دروبهن

انتي راح تطلعين من مصيبة وتوكعين بوحده أكبر منها

-انا تعبت هواي وبعد مايهمني اي شي أريد اطلع منا بأي ثمن

-رحمة انتي ماصارلج هنا هواي وبعدج ماشفتي شي لعد شتكولين عليه اني
فكري زين ولاتتهورين

عصفورة : رحمة شلون يعني تطلعين منا قصدج تشردين!؟

-اي اريد اطلع منا شلون ماجان تكدرين تساعديني لو لا

-بس هاي مو طبيعة شغلي

-ماشي عن إذنج

-دقيقة وين

-ماطولج ماتكدرين تساعديني بعد شعندي باقية هنا

-اي صح انا ماكدر بس غيري يكدر يساعدج

-شتقصدين؟

-اقصد على باجي ام الورد هاي تكدر تساعدج بكلشي تردينه

بس هاا كلشي بثمنه يعني ماتسويلج شي بلاش

-واني جاهزه لأاي ثمن وين الكاها هاي

-ولا يهمج باجر راح تكدرين تشوفيها وتحجين وياها

-رحمة

صحيت من تفكيري وانا أتذكر كلامي وي عصفورة

على صوت باجي عبير

-هاا باجي شلونج

-رحمة شنو هذا السمعته من كل عقلج انتي

-شكو باجي خير