السلام عليكم #نساء_الضلام
#البارت_السادس_عشر #الكاتبة_حوراء_علي
وخاف كلها تعوف گلبك
عيش وحدك عيش طيـر
وسافر بحزنك وتعبك
طيبة
بشرتني باجي وكالت رحمة راح تطلع وهواي فرحت وانزاح هم جبير عن گلبي
بس بقت سالفة اسماء تدور براسي وماعرف باجي راح تكدر تساعدها لو لا
طلبها صعب كلش وكالت طلعوني بس يوم واحد وانا ادبر اموري
خبصتنا بالباشا مالتها على اساس يكدر يساعدها
مر اليوم بهدوء وثاني يوم الصبح اجتني باجي للزنزانه قبل لااروح لقاعة الغسل
-طيبة انا البارحه مانمت وكمت افكر بسالفة صاحبتج
-منو تقصدين باجي اسماء!؟
-اي هيه اسماء ولكيت طريقة حتى اكدر اطلعها منا
-صدك باجي شلون كليلي
مروة
اخر اتصال النه وي اسيل كلش ماطمنه وعرفنه هيه مامرتاحه وي اسد وبيناتهم مشاكل
ابوي واخواني جانو بالقرية وانتظرنه لمن رجعو وسولفنالهم الصار بغيابهم
ابو خضير: بويه هيه كالتلجن شي جابت طاري انو هيه عدها مشاكل وي رجلها
مروه: لا والله بويه مالحكنه نفهم منها شي بس اجه رجلها سدت التلفون بسرعه عبالك واحد يركض وراها
ياس: اسيل بقت امانه عدنه وهذا اسد ماعرف شلون انطاكم گلبكم تزوجوها اله
ابو خضير: بويه تره الرجال خوش ولد وعزام الله يرحمه ماقبل ينطي اسيل اله
الا بعد ماتأكد هوه راح يصونها ويحافظ عليها جا شلون
اسراء: يا جماعه انا متأكده اسيل بيها شي
ام رحمة: اووف ياعمه والله حرنه ياهم نشيل
نشيل هم اسيل الي تزوجت بالغربة لو هم بتي رحمة الي محبوسه وماندري بأخبارها
مروه: صدك عمه ذكرتيني اسيل من خابرت كالت انا هنا ابغداد
ام خضير : صدك ولج شتسوي هنا
-مادري يمه بس هيه رادت عنوانه بس مالحكت انطيهيا لان سدت الخط من اجه اسد
ابو خضير: جا شعجب اسد مايعرف عنوان بيتنه ليش ماجابها ماطولهم هنا موجودين أبغداد
خضير: بويه يعني اسد يندل بيتنه!؟
-اي بويه جا شلون انا ماسولفتلكم
اتصل بيه اسد قبل لانجي لهنا بيوم وكال سمعت راح تشيلون لبغداد
أنت تقرأ
نساء الضلام (وحوش السجن)(الرواية مكتملة)
Diversosرواية مكتملة✅ تدور أحداث الرواية في تسعينات القرن الماضي في عصر النظام البائد حيث غطرسة رجال الدولة والعشائر الجنوبية وتتوالى الأحداث في إطار درامي عند دخول أحد بنات القرية للسجن.... تنويه🚫 جميع الشخصيات من نسج الخيال ماعدا الأحداث فأنها جميعها حقي...
