نساء الضلام (وحوش السجن)(الرواية مكتملة)

البارت الخامس

السلام عليكم حبايبي ❤🍃

سنة 2020 الي اول اسبوع منها شفنه الكوارث بس السنة بعدها بأولها وان شاء الله رب العالمين ضاملنه بيها ايام حلوة ونصر قريب لاابنائنا في ساحات التضاهرات ونخلص من زمرة الفاسدين الحاكمة للبلد بأذن الله

سنة خير وسعادة وتنعاد عليكم بالصحة والسلامة يااجمل متابعين❤🍃

وهسه خل نبدي بالقصة واسولف وياكم شويه

اولاً اعتذر عن التأخير وانتو تعرفوني من اتأخر اعوضكم بعدين ببارت طويل وهواي احداث

ثانياً قررت التزم بالنشر☹ طبعا هاي اول قصة الي التزم بيها بالنشر مدري ليش والله بس بما انو انا بديت بطريق الكتابة من 2017 ولحد هاي السنة تقريبا اربع سنوات صارلي على نفس المنوال

راح اجرب أضيف شويه تعديلات على اسلوبي وكتابتي

واولها الالتزام بالنشر يعني بين يوم ويوم

واقل شي يومين وانزل بارت وهاي اول مره اسويها 😂

الي متابعين باقي رواياتي يعرفوني بطييييئه جدا بتنزيل البارتات
وقصة ملاك وامال انقطعت سنة كامله يلا رجعت كملتها

والانقطاع طبعا جان خارج عن ارادتي يعني مو بكيفي لا حبايب الظروف حكمت والجهاز عطل وصارت عدنة حالة وفاة ومرحلة دراسية حرجة اني بيها وحالتي النفسية ووووو لو اكتب منا لباجر ماخلص

بس الحمد الله خلصت القصة على خير وختمتها❤

وحاليا كل رواياتي مكتملة واليحب يقراهن يدخل على حسابي ويشوفوهن

ونساء الضلام(روايتي الحالية ) الوحيدة الي بعدها قيد النشر وان شاء الله هم اختمها وانتو مستمتعين وعاجبتكم🍃❤

لذالك راح اصب كل اهتمامي عليها وماهملها واعيش الواقع والاحداث وياكم اول بأول واريد همتكم وتفاعلكم والتشجييع اهم شي❤

الله يحفظكم ان شاء الله 🌹

اتركم مع أحداث الرواية واسفة ع الاطالة😅

#البارت_الخامس
#نساء_الضلام #الكاتبة_حوراء_علي

الناصرية 1999 تشرين الأول

بغرفة الريف البسيطه

متكئه رحمه على الجدران الطينية المتهالكه وهيه مرتديه السواد وكأنما فاقده احد افراد عائلتها لا سامح الله
رافعه راسها ليفوك ومغمضه عيونها الذبلانه بتعب من اثر يوم طويل متعب وشاق

دخلت امها عليها وشافتها كاعده بوسط الغرفه وضع القرفصاء ومغمضه عيونها

راحت كعدت يمها وحاجتها

-يمه رحمه ماتكليلي شبيج

فتحت رحمة عيونها بتعب واتجهت نظرتها لامها وهيه تعدل كعدتها ع الكاع وتمسح على وجهه