نساء الضلام (وحوش السجن)(الرواية مكتملة)

البارت العشرون

السلام عليكم حبايبي #البارت_العشرون #نساء_الضلام
#الكاتبة_حوراء_علي

هالبارت صار بيه غلط وانتشر ناقص ارجعو اقرو من جديد وانتظروني باليل لو باجر الصبح ببارت جديد عندي الكم مفاجأة

كافي طيبه
الگلبه خوش
يموت
ياروحي الغريبه ..
والمحنه
تصير ذله
وتمسح
شمابينه عرفه
أتغيب ماواحد يفگدك
تمشي ماواحد يعذرك ..
تنسي
وتتصوفر
رموشك
مثل أقدم
جريده ..
تفر روازين
الحلم
ماتلگه ضحكه ..
تسهر بشباج
هاجرته النوارس
تصحه
ماتلگه نشد
والاخ بردت ..
تكسر الخاطر
حزن
ينشاف ضلك ..
تمشي
والشارع يمّلك ..
خطوتك
حدبت ضهرك ..
تنصلب
بٱول محطه
تشوف بيها
أنباع
عمرك ..
تنگع
اردانك
بدمعك
تخاف
لا ينفضح
سرك ..
هناك تتمنئ
الزمن
مره يردك ..
للوعد
للحلف
ولاول رساله
البيها حلمك ..
ياغراب
الباگ
حلمك…
ترجع لنذرك
تچزه
من المناير ..
تشتكي
لذيج المناير
طردتك حته المناير ..

لـ بيادر شعر

نوره

تعبت هواي من گلبي ودكاته الناقصة وياي

دائماً يفشلني ويخليني بمواقف أتمنى الكاع تنشك وتبلعني

قبل جم يوم على اساس صگر واسيل يلتقون

وانا جنت محضره نفسي وفرحانه عشتو

تاليها ولا واحد بين من عدهم وماعرفت شصار التقو لو لا

جنت كاعده العصرية على الشط والنسوان تجي تغرف ماي وهاي التغسل هدوم

وانا كاعده صافنه بالفراغ وأخذ نفس عميق احس نفسي هواي مخنوكه

رشا: ولج نوره نوره

اجتني رشا تركض وعبايتها على راسها جنها خفاش

-ها رشا شصاير

رشا: ولج العوبه البيت كله مكلوب احتفالات وكيك وعصاير اليوم المشية مال رقة

-شنووو صگر اليوم راح يعقد القرآن على رقة

-اي ولج

كمت فزيت على حيلي واحس گلبي مات

لا ياربي السالفة صارت صدك

رجعت ركض للبيت اني ورشا

واول مادخلنه من باب المطبخ سمعنه صوت الهلاهل

نزلت دمعه من عيني ماعرف على شنو

وامي جانت بالمطبخ وكاشخة

الكل جان يعرف بس انا ماعرف معقوله رشا تدري اليوم العقد

ام نوره: هاي وين جنتن اليوم عدنه شغل فوك راسنه

فوتي رشا حضري العصير وخلي بالصواني الذهبيات ومن اكلج وزعي تدخلين توزعين

وانتي نويره يمه تعاي وياي ليجوه صايره هوسه خل ننظف الكاع ونشيل الكواغد مال الجكليت ونطلع الجهال العريس راح يوصل