السلام عليكم حبايبي #نساء_الضلام
#البارت_الثاني_والعشرون
رحمة
هالصبح جانت نفسيتي كلش متوتره بيه
كعدت صليت صلاة الفجر ودعيت رب العالمين يسهلي هالمهمة وارجع لااهلي بخير وسلامة هواي اشتاقيتلهم وكل تفكيري يمهم
خلصت صلاة وبقيت كاعدة يم الشباج فتره طويلة صافنة بالفراغ وغاركه ببحر أفكاري
سكة: رحمة!!
هاي شبيج صار ساعتين واكفه هيج صافنه
تفكرين بالمهمة مو؟
التفتلها وتنهدت بضيق
-لا سكة المهمة اصلا مو ابالي
بس ماعرف اليوم كعدت وبالي كله يم اهلي
افكر بيهم اكول هسه عرفو بيه انا شردت من السجن لو لا
واذا عرفو شنو جاي يسون هسه
-رحمة حبيبتي انتي صدك تحجين
من كل عقلج يعني!
مو وقته هذا الكلام هسه
احنه اليوم عدنه مهمة مصيرية وخطيرة ولزوم انفذها على أكمل وجهه واذا انكشفنا راح نروح بمية داهية لزوم نركز يارحمة ونلعبها صح حتى نطلع منها سلامات ونخلص عاد
-تتوقعين يعني ياسكة راح نكدر انا وياج نضحك ع الباشا!؟
- الله كريم ربج ويانه مايعوفنه
-ونعم بالله بس ياسكة رب العالمين كال ولاترمو بأيديكم للتهلكة
-وهسه هذا الكلام فات أوانه يارحمة احنه خلص رمينه نفسنه بنص التهلكة ومحد راح ينقذنا غير بس رحمة رب العالمين
وانا أكثر من مره نصحتج وكتلج عوفج من هالسالفة
-اعرف والله اعرف وياريت خذيت بنصيحتج ياسكة هسه انا هواي متندمة
-يارحمة ياحبيبتي هسه مايفيد الندم خلص حانت ساعة الصفر خل نشد حيلنه ونتجهز يلاا
رحنه للقاعة وسكة بدلتلي ومكيجتني مثل ذاك اليوم
لبست فستان جوه الركبة اسود وبيه زخرفة ذهبية من فوك كلش حلوة
ولفيت حجاب مثل الايرانيات ومكياج خفيف طلعت اخبل
دخلت ست دنيا للقاعة وشافتنه باوعت بأستغراب لسكة وكالت
-سرى شنو هذا المسويته
باوعتلي سكة من فوك ليجوه بعدين كالت
-شنو مسوية يعني اللوك كلش حلو ولايك عليها
-اي عرف اللوك حلو ورحمة طالعه حلوه بس انا كلتلج أريد مثل لوك ذاك اليوم بالضبط
رحمة: شتقصدين يعني ست دنيا ترديني اطلع شعري والبس قصير !
-اي حبيبتي لعد شنو تردين
ترحين توكعين الباشا وانتي لابسة عباية مثلاً!؟
-لاا احنه ماتفقنه على هيج
أنت تقرأ
نساء الضلام (وحوش السجن)(الرواية مكتملة)
De Todoرواية مكتملة✅ تدور أحداث الرواية في تسعينات القرن الماضي في عصر النظام البائد حيث غطرسة رجال الدولة والعشائر الجنوبية وتتوالى الأحداث في إطار درامي عند دخول أحد بنات القرية للسجن.... تنويه🚫 جميع الشخصيات من نسج الخيال ماعدا الأحداث فأنها جميعها حقي...
