نساء الضلام (وحوش السجن)(الرواية مكتملة)

البارت الثامن عشر

السلام عليكم  #نساء_الضلام  #البارت_الثامن_عشر
#الكاتبة_حوراء_علي
.
.
.
.
.
.
.
.
.
.
.
.

.
.
.
.
.
.
.
.
.
.
.
.
.
.
.

تجاوزنا الأسوأ في نهاية فبراير وسيشهد شهر مارس استقراراً وثم يبدأ تأثير الفايروس بالانحسار بإذن الله في أبريل وسنستقبل شهر رمضان مبتهجين ان شاء الله 🌙🌟

🟢طااااااااقة ايجابية 🟢

بشروا ولا تنفروا فذلك نهج الأنبياء ..

.
.
.
.
.
.
.

.
.
.
.
.
.
.
.
.
.
.
.
.
.
.
.
.
.
.

رحمة

بقيت لوحدي أصارع افكاري

للحظة ما حسيت نفسي وحيدة

طيبة تركتني وراحت

وسكة وباجي عبير خذن بخاطرهن عليه وضلن مايحجن وياي

اعرف الي اريد اسوي غلط بسس...

خايفه هواي

انا نجيت وطلعت من الغرفة المضلمة بأعجوبة شفت الأهوال اهناك وبأي وقت جنت راح أخسر شرفي

بس رب العالمين وأهل البيت وكفو وياي وطلعت سالمة

بس مو كل مرة تسلم الجرة ياربي ساعدني ونورني للطريق الصح

باجي ام الورد ابد مو هينه وتخوف والثمن الي تريده مني هواي غالي

ماقبلت تكولي شنو هوه بس انا كلتلها الا الشرف!!

مستعده  انطيها كلشي بس شرفي لا..

طلعت للقاعة كالعادة وهالمره اجتني عصفورة وانا جاي اغسل بالملابس

-ها رحمة شلونج

-هلاا

-هاي شنو شو تحاجيني من وره خشمج

شمرت الملابس الجانن بيدي ونفخت بغضب وباوعتلها بطرف عيني

-خلصيني عصفورة شتردين!؟

-ههههههه من لكه أحبابه نسى اصحابه

-يااحباب تقصدين!؟ اذا قصدج باجي ام الورد  اني خلص تركتها وماريد مساعدتها بشي

-لالالا ليش هيج رحمة صدكيني باجي ام الورد الوحيده الي تكدر تساعدج هنا وأنسي تشردين منا بدون مساعدتها

-اعرف!!
بس هيه وحده غامضه وتخوف ومامستعده اتعامل وي وحده ماعرف شنو نهايتي وياها

-رحمة حبيبتي لاغامضه ولا شي باجي ام الورد كتاب مفتوح انتي بس ينرادلج فتره تتعرفين عليها أكثر

-ماريد لافتره ولا غيرها من دون ماعرف شنو الثمن الي تريده مني

-حبيبتي صدكي الثمن ماراح يكون شي صعب اكيد تريدج تكضيلها مصلحة لو توكعيلها فد واحد